Cymhorthydd Clwb ar ol Ysgol

Ry’n ni’n chwilio am berson creadigol, brwd a chydwybodol i weithio o fewn adran farchnata a chyfathrebu fyrlymus a phrysur i hyrwyddo gwaith ac amcanion Mudiad Meithrin. Mae hon yn rôl gyffrous a chreadigol sy’n ddelfrydol i ddatblygu sgiliau cyfathrebu a phrofiad gwerthfawr ym maes marchnata a’r cyfryngau cymdeithasol. Bydd gan y person a gaiff ei benodi wybodaeth a phrofiad o farchnata gan gynnwys y dulliau cyfathrebu diweddaraf ynghyd â sgiliau rhyngbersonol da. Ry’n ni’n disgwyl i’r person a gaiff ei benodi fod yn gallu cyfathrebu’n hyderus ar lafar ac yn ysgrifenedig yn y Gymraeg a’r Saesneg gan feddu ar ddawn greadigol a dull rhagweithiol, hyblyg at bob agwedd o’r gwaith i greu cynnwys digidol deniadol. Mae’r gallu i weithio’n yn annibynnol ac fel rhan o dîm yn hanfodol ynghyd â’r gallu i chwilio am gyfleoedd creadigol i hyrwyddo amcanion y Mudiad.

Disgrifiad:

Bod yn atebol i Brif Weithredwr Mudiad Meithrin trwy’r Rheolwr Marchnata a Chyfathrebu am gyflawni’r dyletswyddau canlynol:   · Cynorthwyo gydag ymgyrchoedd marchnata a chyfathrebu’r Mudiad mewn modd blaengar, creadigol a chyfoes – gan ganolbwyntio ar brosiect Clwb Cwtsh yn benodol   · Cynorthwyo i ddatblygu a diweddaru llwyfannau rhwydweithio cymdeithasol Mudiad Meithrin yn rheolaidd gan lunio cynnwys cywir, amrywiol, deniadol sy’n ymgysylltu â rhieni a rhanddeiliaid   · Cynorthwyo i ddatblygu a diweddaru platfformau digidol Clwb Cwtsh gan gymryd cyfrifoldeb am sicrhau fod y cynnwys yn amrywiol a deniadol.

· Cynorthwyo i greu cynnwys, cydlynu dylunio amrywiol ddogfennau, taflenni, posteri a deunydd hyrwyddo a marchnata cynllun Clwb Cwtsh.   · Cyfrannu fel aelod o’r tîm marchnata a chyfathrebu at holl waith yr adran gan ddangos y gallu i fod yn hyblyg i ymgymryd â gwahanol dasgau yn ôl y gofyn a derbyn dyletswyddau a chyfrifoldebau rhesymol eraill sy’n berthnasol i waith Mudiad Meithrin   · Cynorthwyo gyda threfniadau a mynychu digwyddiadau cenedlaethol a thaleithiol e.e. Eisteddfodau a sioeau cenedlaethol, Taith Gŵyl Dewin a Doti, Seremoni Gwobrau Mudiad Meithrin, cynadleddau, lansiadau a digwyddiadau perthnasol i waith Clwb Cwtsh a’r Mudiad   · Derbyn dyletswyddau a chyfrifoldebau rhesymol eraill yn ôl y galw sy’n berthnasol i waith Mudiad Meithrin   · Cyfrannu’n weithredol at hyrwyddo cydraddoldeb, amrywiaeth a chynhwysiant ym mhob agwedd o’r gwaith, gan wrthod unrhyw ragfarn, ac ymdrin ag unrhyw wrthdaro neu ddigwyddiad yn brydlon yn unol â’r Polisi Cydraddoldeb ac Amrywiaeth.

Mae’r Urdd yn fudiad unigryw ac ers 1922, wedi cyflawni llawer wrth gynnig profiadau Chwaraeon, Celfyddydol, Preswyl, Dyngarol a Gwirfoddoli i fwy na 4 miliwn o blant a phobl ifanc yng Nghymru. Heddiw mae gan yr Urdd 55,000 o aelodau. Mae hyn wedi eu galluogi i gyfrannu’n gadarnhaol at eu cymunedau a chymdeithas, ymestyn eu gorwelion a chynyddu eu hunan hyder.

Mae’r Urdd wedi meithrin cenedlaethau o ferched a dynion ifanc i fod yn falch o’u gwlad, yn agored i’r byd ac yn ymgorfforiadau o’n hiaith a’n diwylliant, yn ogystal â meddu ar y gwerthoedd byd-eang y parchir yng Nghymru.

Ar drothwy ein canmlwyddiant, dyma ddatgan ein huchelgais heriol i ymestyn cyrhaeddiad ac effaith ein gwaith. Mae hyn yn allweddol os ydym am i’r Gymraeg fod yn ganolog ym mywydau plant a phobl ifanc Cymru, a sicrhau fod pawb yng Nghymru, boed yn siaradwyr Cymraeg ai pheidio, yn teimlo perchnogaeth ac ymdeimlad o berthyn tuag at yr iaith a’i thraddodiadau.   Y Swydd

Ni fu erioed amser mwy cyffrous i ymuno â thîm TG Urdd. Rydym yn gweithio ar draws y sefydliad, gan ddarparu'r systemau a'r gefnogaeth TG sy'n ofynnol i symud ymlaen yn unol â'n cynllun strategol.

Mae pandemig COVID wedi cyflymu ein cynlluniau trawsnewid digidol ac rydym yng nghanol ein taith i strategaeth cwmwl yn gyntaf. Rydym yn trosglwyddo ein prif systemau data i Microsoft Dynamics 365 ac yn ehangu ein defnydd o feddalwedd Microsoft 365 a Microsoft Azure.

Bydd y rôl hon yn darparu cefnogaeth TG i'n holl leoliadau ledled Cymru. Er mai cefnogaeth o bell fydd mwyafrif y rôl, bydd angen teithio i'n safleoedd o bryd i'w gilydd pan fydd anghenion yn codi na ellir delio â nhw o bell.

Byddwch hefyd yn cefnogi Digwyddiadau mawr fel Eisteddfod Genedlaethol yr Urdd, cystadlaethau chwaraeon cenedlaethol gan gynnwys rygbi 7 pob ochr a Gala nofio yn ogystal a’n gwersylloedd poblogaidd.   Croesawir ceisiadau oddi wrth ddysgwyr Cymraeg yn ogystal â Chymry Cymraeg.   Am fwy o fanylion cysylltwch â Dafydd Lewis (Pennaeth TG) ar 07976003341 neu dafyddlewis@urdd.org I gyflwyno cais, anfonwch CV a Llythyr Cais dim mwy ‘na 400 gair at yr Urdd ar e-bost at swyddi@urdd.org   Dyddiad Cau – Byddwn yn cadw’r swydd yn agored hyd nes byddwn wedi penodi ymgeisydd addas.

**Dyddiad Cyfweld **– Yn unol a ceisiadau a trafodaeth efo ymgeiswyr.   Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ymgeiswyr o bob cefndir a chymuned, ac yn benodol y rhai sydd heb gynrychiolaeth ddigonol yn ein gweithlu ar hyn o bryd. Mae’r rhain yn cynnwys ond nid ydynt yn gyfyngedig i ymgeiswyr anabl a phobl ddiwylliannol ac ethnig amrywiol. 

Mae cyfle cyffrous wedi codi i unigolyn brwdfrydig, llawn cymhelliant sydd ag ymagwedd hyblyg gyfrannu at waith pwysig y Gwasanaeth Iechyd yng Nghymru.

Rydyn ni’n awyddus i glywed gan ymgeiswyr, waeth beth fo’u hamgylchiadau neu eu lleoliad daearyddol. Mae ein pencadlys modern wedi’i leoli wrth gyffordd 41 yr M4 ar bwys gorsaf trên Baglan, ac yno rydyn ni’n hyrwyddo gweithio hyblyg. Er mai hwn yw lleoliad swyddogol ar gyfer y swydd, bydden ni’n awyddus i glywed gan bobl sydd eisiau hyblygrwydd yn eu lleoliad gwaith. Hefyd byddai’r swydd hon yn addas i rywun sydd eisiau rhannu swydd.

Bydd yr ymgeisydd llwyddiannus yn meddu ar sgiliau Cymraeg cadarn, ac yn hyderus i’w defnyddio i greu dogfennau ysgrifenedig. Dylech chi gynnwys tystiolaeth o gyfieithu mewn lleoliad ffurfiol ar eich cais. (Cymraeg/Saesneg. Saesneg/Cymraeg).

Bydd yr ymgeisydd llwyddiannus yn ymgymryd â gwahanol ddulliau o gyfieithu. Y dull pwysicaf yw trosi dogfennau o’r naill iaith i’r llall, gan gynnwys adroddiadau, llythyrau a thaflenni gwybodaeth. Hefyd, bydd gwaith trawsgrifio achlysurol o’r Gymraeg i’r Saesneg a’r Saesneg i’r Gymraeg.

Bydd disgwyl i’r ymgeisydd llwyddiannus weithio’n fanwl gywir, a meddu ar ddealltwriaeth dda o becyn Microsoft Office. Byddai profiad blaenorol o feddalwedd cyfieithu proffesiynol hefyd yn fuddiol.

Byddai profiad blaenorol a gwybodaeth o waith y GIG yn fanteisiol, ynghyd â phrofiad o a/neu gymhwyster mewn cyfieithu ar y pryd, ond nid yw hyn yn hanfodol.

Rydyn ni’n ymrwymedig i ddatblygu ein staff a sicrhau bod gan yr holl dîm gydbwysedd priodol rhwng eu bywydau a’u gwaith.

Mae’r gallu i siarad ac ysgrifennu yn Gymraeg yn hanfodol ar gyfer y swydd hon. 

Mae Llywodraethwyr yr ysgol yn awyddus i benodi athro / athrawes egnïol i ymuno â staff Ysgol Gymraeg Nant Gwenlli ym mis Medi 2022 i ddarparu gwasanaeth trochi ar gyfer disgyblion sy’n trosglwyddo i addysg Gymraeg o fewn y ddinas. Lleolir y ganolfan drochi ar safle dros dro Ysgol Gymraeg Nant Gwenlli yng Nghaerllion sydd ond 12 milltir o Gaerdydd ac yna fe fydd yn symud i ganol dinas Casnewydd pan fydd y safle parhaol yn barod. Disgwylir i’r athro ymweld a chyfathrebu gydag ysgolion y disgyblion a’i rhieni i sicrhau cydweithio effeithiol er mwyn trosglwyddo’r disgyblion i’w hysgolion parhaol yn rhugl yn y Gymraeg.

Gwahoddir ceisiadau am y swydd cytundeb cyfnod penodol (2il o Fedi 2022 – 31ain o Awst 2023) hon oddi wrth athrawon brwdfrydig ac ymroddgar sydd yn barod i gyfrannu i fywyd allgyrsiol yr ysgol. Bydd yr ymgeisydd llwyddiannus yn cyd-weithio’n agos gyda’r holl staff i ddarparu amgylchedd a phrofiadau cyffrous i’r plant i’w trochi yn yr iaith Gymraeg.

Am sgwrs anffurfiol cysylltwch â’r Pennaeth Gweithredol Mrs Lona Jones-Campbell ar 01633 850804 / neu 01633 414698.

MAE YN OFYNNOL I CHI GOFRESTRU GYDA CGA AM Y SWYDD HON

Mae Ynni Cymunedol Cymru'n chwilio am unigolyn egnïol a brwdfrydig i ddatblygu ein presenoldeb fel sefydliad, ynghyd â darparu gwasanaethau gweinyddol ar gyfer ein healodaeth a chyflawni gwasanaethau aelodaeth.

Y gallu i siarad Cymraeg yn hanfodol i'r swydd hon.

Cyflog - £ 25,000

Lleoliad - Byddwn yn ystyried opsiynau gweithio hyblyg

Oriau - 35 awr yr wythnos

Dyddiad Cau - Dydd Llun 11 Gorffennaf, Canol dydd

I wneud cais anfonwch CV a datganiad personol 2 dudalen at dyfan@communityenergywales.org.uk

Un o 22 Menter Iaith ledled Cymru yw Menter Iaith Fflint a Wrecsam. Mae pob Menter Iaith yn gweithio i hybu a hyrwyddo defnydd o’r Gymraeg o fewn eu cymunedau lleol. Rydym yn chwilio am berson brwd ac egnïol i weithio gyda ni drwy gynnal ystod eang o weithgareddau a phrosiectau hwyliog er mwyn cynyddu defnydd o’r Gymraeg o fewn cymunedau siroedd y Fflint a Wrecsam.

Oriau: 37 awr yr wythnos (croesewir ceisiadau gan bobl sydd am weithio'n llawn amser, rhan-amser neu rannu'r swydd). Rydym yn gweithredu polisi gweithio hybrid ynghyd â phatrymau gwaith hyblyg.  

Prif Gyfrifoldebau:

Gweithio gyda staff eraill Menter Iaith Fflint a Wrecsam i gynnal gweithgareddau blaengar a hwyliog i bobl o bob oedran sydd yn defnyddio’r Gymraeg fel cyfrwng cyfathrebu naturiol;

Datblygu prosiectau penodol;

Cydweithio â mudiadau Cymraeg eraill i gefnogi unrhyw weithgaredd sy’n bodoli eisoes trwy gyfrwng y Gymraeg a llenwi bylchau yn y ddarpariaeth bresennol;

Cynorthwyo i sefydlu a chynnal Pwyllgorau Ardal mewn ardaloedd ieithyddol penodol;

Cynorthwyo i greu a pharatoi deunyddiau marchnata a datblygu ymgyrchoedd marchnata penodol fel bo’r angen;

Cynorthwyo i weithredu Cynllun Marchnata’r Fenter a chodi ei phroffil yn y wasg leol a chenedlaethol;

Mynychu cyfarfodydd ar ran y Fenter pan fo angen.

Mae cyfle gwych wedi codi yn ein tîm cyfieithu ym Mhartneriaeth Cydwasanaethau GIG Cymru. Hoffem benodi cyfieithydd profiadol a chymwys i ymuno â'n tîm ymroddedig sydd wedi'i hen sefydlu i ddarparu gwasanaethau cyfieithu i nifer o sefydliadau'r GIG yng Nghymru. Os hoffech chi fod yn rhan o dîm deinamig ac ymroddedig, sy'n darparu gwasanaethau cyfieithu i hwyluso gwasanaethau Cymraeg i GIG Cymru, cleifion, defnyddwyr gwasanaeth a'r cyhoedd, dyma'r swydd i chi!

Crynodeb o'r swydd

Fel Cyfieithydd byddwch yn gweithio o fewn tîm cyfieithu sefydledig yn Uned yr Iaith Gymraeg ym Mhartneriaeth Cydwasanaethau GIG Cymru (NWSSP). Mae Uned yr Iaith Gymraeg wedi ei sefydlu gyda dwy brif swyddogaeth. Y cyntaf yw cynnig arweiniad, cymorth a chyngor i adrannau a meysydd gwasanaeth y sefydliad ar ddarparu gwasanaethau dwyieithog a chydymffurfio â Safonau'r Gymraeg (Rhif 7) 2018 o dan Fesur y Gymraeg (Cymru) 2011. Yn ail mae Uned y Gymraeg yn darparu gwasanaethau cyfieithu i bob adran a maes darparu gwasanaeth ar draws PCGC ac i sefydliadau GIG eraill trwy gytundebau lefel gwasanaeth.

Rydym am recriwtio Cyfieithydd cymwys a phrofiadol ble mae o leiaf dwy flynedd o brofiad ym maes cyfieithu yn hanfodol, gyda'r gallu i gyfieithu a phrawfddarllen testun rhwng 2,500 a 3,000 o eiriau'r dydd ar amrywiaeth o wahanol bynciau.

Byddwch yn gweithio mewn amgylchedd ble mae trosiant gwaith yn gyflym, lle byddwn yn trosi mwy na 100,000 o eiriau yr wythnos fel tîm craidd. Bydd y gallu i reoli eich llwyth gwaith eich hun, blaenoriaethu eich llwyth gwaith a chwrdd â therfynau amser tyn sy'n gwrthdaro yn hynod o bwysig.

Prif ddyletswyddau'r swydd

Darparu cyfieithiadau ysgrifenedig o'r Saesneg i'r Gymraeg ac o'r Gymraeg i'r Saesneg gan ddefnyddio amrywiaeth o offer TG gan gynnwys ond heb fod yn gyfyngedig i apiau Microsoft Office a'r defnydd o dermau a meddalwedd cof cyfieithu.

Prawfddarllen a sicrhau ansawdd eich gwaith a gwaith eraill yn y tîm cyn ei gyhoeddi.

Cydgysylltu ag aelodau'r tîm a chleientiaid sy'n defnyddio ein gwasanaethau bob dydd.

Dilyn protocolau a gweithdrefnau adrannol a rheoli eich llwyth gwaith yn effeithiol ac yn effeithlon gydag ychydig iawn o oruchwyliaeth.

Ymchwilio a sicrhau cysondeb yn y derminoleg a ddefnyddir.

Amdanom ni

Sefydlwyd Uned Iaith Gymraeg Cydwasanaethau GIG Cymru yn 2016. Mae'r adran wedi datblygu a thyfu ers hynny, i fodloni'r galw o fewn GIG Cymru am wasanaethau cyfieithu. Rydym yn darparu gwasanaethau cyfieithu o'r radd flaenaf i PCGC a Sefydliadau GIG eraill.

Byddwch yn gweithio mewn amgylchedd cyflym, lle na fydd unrhyw ddiwrnod yr un fath, yn cyfieithu a phrawfddarllen amrywiaeth o ddogfennau a chynnwys testun.

Rydym yn dîm proffesiynol a chefnogol sy'n cynnig cyfleoedd ar gyfer hyfforddiant a datblygiad o fewn y rôl.

Mae Ysgol Gymraeg Nant Gwenlli am apwyntio Cynorthwyydd Dysgu Lefel 3 ar gytundeb penodol o flwyddyn i gefnogi disgyblion yn y ganolfan Drochi.

Mae Llywodraethwyr yr ysgol yn awyddus i apwyntio cynorthwy-ydd egnïol i gydweithio gyda’r athro dosbarth. Lleolir y ganolfan drochi ar safle dros dro Ysgol Gymraeg Nant Gwenlli yng Nghaerllion sydd ond 12 milltir o Gaerdydd ac yna fe fydd yn symud i ganol dinas Casnewydd pan fydd y safle parhaol yn barod.

Yn ddelfrydol bydd gennych gymhwyster mewn gofal plant a phrofiad o weithio gyda phlant. Gwerthfawrogir manylion am ddatblygiad proffesiynol ac unrhyw fanylion o weithio gyda phlant ag anghenion ychwanegol.

Cynigir y ddwy swydd ar sail 31 awr a hanner yr wythnos, yn gweithio yn ystod y tymor ysgol yn unig. Rhaid cymryd gwyliau blynyddol yn ystod cyfnodau gwyliau ysgol.

Am sgwrs anffurfiol cysylltwch â Mrs Lona Jones-Campbell, Pennaeth Gweithredol, ar 01633 850804 (rhif cyswllt dros dro).

Mae’r swydd hon wedi ei heithrio o Ddeddf Adfer Troseddwyr (1974) ac yn ddibynnol ar wiriad gan y Gwasanaeth Datgelu a Rhwystro.

MAE YN OFYNNOL I CHI GOFRESTRU GYDA CGA AM Y SWYDD HON

O ganlyniad i benodiad newydd y deiliad presennol, rydym yn chwilio am Uwch Diwtor newydd i gefnogi tîm bach o diwtoriaid ymroddgar sy’n rhoi anghenion y dysgwyr wrth galon pob gweithred.

Amdanom ni

Mae Dysgu Cymraeg y Fro yn darparu rhaglen lawn o gyrsiau Cymraeg i oedolion ar ran y Ganolfan Dysgu Cymraeg Genedlaethol. Mae’r tîm yn rhan o’r adran Dysgu Oedolion yn y Gymuned sy’n gwasanaethu oedolion ledled Bro Morgannwg. O ganlyniad i benodiad newydd y deiliad presennol, rydym yn chwilio am Uwch Diwtor newydd i gefnogi tîm bach o diwtoriaid ymroddgar sy’n rhoi anghenion y dysgwyr wrth galon pob gweithred.

Ynglŷn â'r rôl

Manylion am gyflog: JNC Youth & Community Pwynt 19-22, £30,364 - £33,039

Oriau Gwaith / Patrwm Gweithio: 37 awr yr wythnos (Llawn amser)

Prif Fan Gwaith: Canolfan Ddysgu Cymunedol Palmerston, y Barri

**Cytundeb: **tair blynedd yn y lle cyntaf

Disgrifiad:

Yn atebol i Reolwr Dysgu Cymraeg y Fro, bydd yr Uwch Diwtor yn cyflawni rôl allweddol, yn gyfrifol am:

- Hyfforddiant a Datblygiad Proffesiynol y staff

- Adnoddau a’r Cwricwlwm

- Amserlenni a Chyflenwi

- Arholiadau

- Dysgu Atodol ac Anffurfiol

- Llais y Dysgwr

- Disgwylir i’r Uwch Diwtor ddysgu cyrsiau’n gyson, gan gynnwys dosbarthiadau nos, a chyfrannu at y broses Ansawdd drwy arsylwi gwersi, Safoni ac ysgrifennu adroddiadau.

Amdanat ti/Bydd angen:

- Sgiliau iaith ardderchog yn y Gymraeg a’r Saesneg.

- Profiad o lwyddiant fel Tiwtor Cymraeg i Oedolion ar bob lefel iaith.

- Sgiliau rhagorol mewn trefnu, rheoli amser, cyflwyno ac hyfforddi.

- Y gallu i weithio ar eich liwt eich hun.

- Gradd Anrhydedd a chymhwyster Addysgu neu Hyfforddiant.

- Ystod eang o sgiliau digidol a thechnoleg chyfathrebu.

Mae Ynni Cymunedol Cymru'n chwilio am unigolyn creadigol a deinamig i arwain newid mewn sector llewyrchus, gan weithio law yn llaw â chymunedau a'r llywodraeth i gyflawni ynni glân democrataidd a lleol. Dewch i fod yn rhan o dîm hyblyg, sy'n gweithio a adref ac sydd ar flaen y gad yn ymateb cymunedau Cymru i'r trychineb hinsawdd.

Cyflog - £ 40,000

Lleoliad - Byddwn yn ystyried opsiynau gweithio hyblyg

Oriau - 35 awr yr wythnos

Dyddiad Cau - Dydd Llun 11 Gorffennaf, Canol dydd

I wneud cais anfonwch CV a datganiad personol 2 dudalen at dyfan@communityenergywales.org.uk

Rhoddir pwyslais gan y Mudiad ar sicrhau bod gan rhieni/gwarchodwyr a phlant ifainc fynediad hwylus i gylchoedd Ti a Fi sy’n agos i’w cartrefi ac sy’n darparu cyfleoedd chwarae a chymdeithasu o ansawdd. Nod y Mudiad yw ceisio sicrhau bod pob cylch Ti a Fi yn cyflogi Arweinydd i fod yn gyfrifol am arwain gweithgareddau cyfrwng Cymraeg ar gyfer y plant a’u rhieni/gwarchodwyr. Mae hyn eisoes yn digwydd mewn nifer sylweddol o Gylchoedd Ti a Fi. Fodd bynnag mewn ardaloedd lle ceir anhawster recriwtio Arweinyddion parhaol i gylchoedd Ti a Fi, mae’r Mudiad yn chwilio am berson brwdfrydig i arwain gweithgareddau a rhannu negeseuon am ddilyniant i Addysg Gymraeg ar gyfer plant a’u rhieni/gwarchodwyr mewn hyd at 5 cylch Ti a Fi yn yr ardal. Disgwylir i’r person a benodir fod â phrofiad o arwain gweithgareddau chwarae ar gyfer plant o dan oed ysgol ynghyd â phrofiad o drefnu rhaglen o weithgareddau cefnogol ar gyfer rhieni/gwarchodwyr. Dylai’r person fod yn frwd dros y Gymraeg ac yn gallu trosglwyddo negeseuon i rieni/gwarchodwyr am werth dwyieithrwydd yn ogystal â phwysigrwydd dilyniant o gylch Ti a Fi i Gylch Meithrin ac ymlaen i addysg cyfrwng Cymraeg. 

Disgrifiad:

Dyletswyddau’r Swydd   Bod yn atebol i Brif Weithredwr Mudiad Meithrin trwy’r Rheolwr Talaith am gyflawni’r dyletswyddau canlynol:   ·        Cydweithio â’r Rheolwr Talaith i drefnu amserlen wythnosol i gynnal cylchoedd Ti a Fi. 

·        Ymgymryd â rôl Arweinydd mewn hyd at 5 cylch Ti a Fi yn yr ardal a bennwyd – gall un neu fwy o’r rhain fod yn Gylch Ti a Fi am dro.

·        Dangos hyblygrwydd i weithio’n rhithiol os oes angen.

·        Cynnal sesiwn wythnosol yn y cylchoedd Ti a Fi er mwyn arwain a chynnal gweithgareddau addas ar gyfer y plant a’u rhieni/gwarchodwyr.

·        Sicrhau bod yr ystafelloedd neu’r ardal tu allan a’r adnoddau a ddefnyddir ar gyfer cynnal y cylchoedd yn addas ac yn ddiogel. Cynnal Asesiadau Risg gan ddilyn canllawiau Mudiad Meithrin.

·        Sicrhau cyhoeddusrwydd i’r cylchoedd Ti a Fi trwy gydweithio â’r Swyddog Cefnogi lleol a’r Rheolwr Talaith er mwyn cynyddu’r defnydd a wneir ohonynt gan deuluoedd. 

·        Ar y cyd a’r Rheolwr Talaith, Swyddogion Cefnogi, Swyddogion Cymraeg i Blant, meithrin perthynas a nifer o bartneriaethau lleol er mwyn hyrwyddo’r gwaith gan gynnwys Mentrau Iaith, Dechrau’n Deg, Ymwelwyr Iechyd, Dewis, Gwasanaeth Gwybodaeth i Deuluoedd ayyb. 

·        Cydweithio’n agos â chynlluniau eraill y Mudiad e.e Sefydlu a Symud a Chynllun Cymraeg i Blant, er mwyn sicrhau’r rhaglen orau yn lleol.

·        Codi ymwybyddiaeth o fuddion addysg Gymraeg lleol drwy gynorthwyo i gynnal digwyddiadau ac achlysuron cyhoeddusrwydd e.e. Diwrnodau hwyl i’r teulu.

·        Casglu gwybodaeth fel bo galw ar gyfer trosglwyddo gwybodaeth i gyllidwr / Mudiad Meithrin.

·        Cydweithio â’r Swyddog Cefnogi lleol a’r Rheolwr Talaith er mwyn sicrhau cysylltiad agos rhwng y cylchoedd Ti a Fi a chylchoedd meithrin yr ardal.

·        Trefnu bod Arweinydd/staff Cylchoedd Meithrin a chynrychiolydd o’r Ysgolion Cynradd Cymraeg lleol yn ymweld â’r cylchoedd Ti a Fi er mwyn trafod manteision dwyieithrwydd a dilyniant i Addysg Gymraeg gyda’r rhieni ac esbonio’r cyfleoedd sydd ar gael yn lleol i’w plant dderbyn addysg cyfrwng Cymraeg.

·        Ar y cyd â’r Rheolwr Talaith trefnu rhaglen o gofrestru pob un o’r cylchoedd yn eu tro ar Gynllun ansawdd Ti a Fi Serennog.

·        Mynychu cyfarfodydd tîm, Pwyllgorau Sir ac unrhyw bwyllgor arall perthnasol.

·        Mynychu sesiynau hyfforddiant mewn swydd fel bo’r angen.

·        Unrhyw waith arall perthnasol a chyffredinol i swyddogaeth y Mudiad yn ôl cyfarwyddyd y Prif Weithredwr.

·        Cyfrannu’n weithredol at hyrwyddo cydraddoldeb, amrywiaeth a chynhwysiant ym mhob agwedd o’r gwaith, gan wrthod unrhyw ragfarn, ac ymdrin ag unrhyw wrthdaro neu ddigwyddiad yn brydlon yn unol â’r Polisi Cydraddoldeb ac Amrywiaeth.

Mae UCAC yn chwilio am berson profiadol, brwdfrydig a medrus i ymuno â'n tîm gweithgar.

Disgrifiad:

• Prif waith y Swyddog Polisi fydd paratoi a chydlynu polisïau UCAC mewn cydweithrediad â’r Ysgrifennydd Cyffredinol ac o dan arweiniad y Cyngor Cenedlaethol a’r Gynhadledd Flynyddol

• Hyrwyddo polisïau UCAC ar lefel genedlaethol, rhanbarthol a lleol

Cyflog cychwynnol y swydd: £39,193

Ceir ffurflen gais, disgrifiad swydd a manylion pellach o’r Brif Swyddfa.

Dyddiad cau: Mehefin 28, 2022

01970 639950 |ucac@ucac.cymru www.ucac.cymru

Ymunwch â’n tîm cyfathrebu, marchnata ac ymgysylltu i’n helpu i ddatblygu ymgyrchoedd marchnata arloesol a chreadigol gan hyrwyddo gwasanaethau allweddol a ddarperir gan y cyngor. Gan weithio gyda thîm blaenllaw o arbenigwyr cyfathrebu, a chyda’u cefnogaeth, byddwch yn dod â sgiliau creadigol, digidol a marchnata ynghyd i’n helpu i hyrwyddo prosiectau a gwasanaethau’n effeithiol i’r cyhoedd. Rydym yn chwilio am rywun na fydd ofn rhoi cynnig ar dechnegau newydd o fewn tîm cefnogol sydd yn annog dysgu a newid. Rhywun a fydd yn gwthio’r ffiniau gydag egni. 

Os hoffech chi drafod unrhyw agwedd ar y swydd, ffoniwch Sian Owen ar 01824 706125. 

Os oes gennych ddiddordeb yn y swydd wag hon, gwnewch gais ar-lein trwy ein gwefan www.sirddinbych.gov.uk Am ddulliau eraill o wneud cais, cysylltwch â’r Adran Gwasanaethau Cwsmeriaid ar 01824 706100.

Rhaid i ymgeiswyr gwblhau ein ffurflen gais i gael ei ystyried. Mae’n ddrwg gennym nad ydym yn gallu ateb pob cais. Os nad ydych wedi derbyn ateb o fewn tair wythnos i’r dyddiad cau, dylech gymryd yn ganiataol nad ydych wedi cyrraedd y rhestr fer am gyfweliad.

Dyddiad Cau: 24 Mehefin 2022

Rydym yn chwilio am berson brwdfrydig, egnïol a threfnus i weithio ar gynllun penodol sef sefydlu ac agor Cylchoedd Meithrin/Ti a Fi mewn ardal ddaearyddol penodol.

Dylai’r person fod yn frwd dros y Gymraeg, gyda phersonoliaeth sy’n caniatáu iddi/iddo gyfathrebu yn effeithiol ar sawl lefel a chyd-weithio ag eraill

Rydym yn chwilio am Gydlynydd Addysg Gymunedol i ymuno â’n tîm yn Y Groes Goch Brydeinig. Mae angen Addysgwr brwd arnom sydd eisiau cefnogi ei gymunedau a’u galluogi i feithrin y sgiliau hanfodol drwy ddarparu addysg ddyngarol, wyneb yn wyneb ac yn ddigidol, a thrwy ddatblygu a rheoli tîm o wirfoddolwyr ledled Caerdydd a’r ardaloedd cyfagos.

Byddwch chi’n rheoli’r gwaith o ddyrannu adnoddau a gwirfoddolwyr yn yr ardal er mwyn cynyddu ôl troed daearyddol a chapasiti’r Groes Goch Brydeinig mewn cymunedau.

Byddwch chi’n atebol i’r Rheolwr Addysg Gymunedol, yn rheoli cysylltiadau a phartneriaethau cymunedol allanol ac yn cefnogi’r gwaith o weithredu partneriaethau a phrosiectau a gaiff eu hariannu’n allanol.

Byddwch chi hefyd yn atebol am bob agwedd ar y ddarpariaeth dysgu cyfunol ar gyfer Addysg Gymunedol yn eich ardal a byddwch yn sicrhau bod y ddarpariaeth addysg yn gyson ac yn cyrraedd y safon ansawdd briodol.

Mae hwn yn gyfle gwych i gael effaith wirioneddol, drwy ddarparu dysgu wedi’i hwyluso i oedolion a phobl ifanc. Byddwch chi’n ein helpu i baratoi miloedd o bobl yn well ar gyfer ymdopi a chymryd camau os bydd argyfwng.

Cofiwch, er mai 9am i 5pm yw’r oriau craidd ar gyfer y swydd hon, 5 diwrnod yr wythnos, bydd angen rhywfaint o hyblygrwydd i weithio gyda’r nos ac ar y penwythnos o bryd i’w gilydd yn ôl yr angen.

GAIR AM Y TÎM...

Ein gweledigaeth yw byd lle mae pawb yn cael yr help sydd ei angen arnyn nhw mewn argyfwng.

Mae ein darpariaeth addysg wedi cael ei datblygu ar gyfer y rheini sydd â risg uwch o brofi argyfwng. Rydym ni wedi dylunio ein gwasanaeth i ddatblygu gwytnwch unigolion a chymunedau; gan feithrin sgiliau hanfodol sy’n helpu pobl i ymdopi’n effeithiol ag argyfwng a chymryd camau mewn argyfwng. 

Rydym ni am i bawb yn y DU gael y cyfle i ddysgu cymorth cyntaf/addysg, ac rydym ni am i grwpiau risg a nodir feddu ar y sgiliau a’r hyder i allu ymdopi mewn argyfwng, er mwyn iddyn nhw allu helpu eu hunain ac eraill.

GALLAI'R RÔL YMA FOD YN ADDAS I CHI OS...

Mae gennych chi gymhwyster addysg, hyfforddiant neu hwyluso cydnabyddedig (neu gymhwyster cyfatebol drwy brofiad) a sgiliau hyfforddi ac ysgogi rhagorol.

Mae gennych chi brofiad o recriwtio, dewis, rheoli a chefnogi gwirfoddolwyr.

Mae gennych chi brofiad o ddysgu wedi’i hwyluso ac addasu cynnwys dysgu sydd wedi’i gymeradwyo’n genedlaethol i ddiwallu anghenion defnyddwyr.

Os cewch eich gwahodd i gyfweliad, bydd un cwestiwn yn cael ei ofyn yn Gymraeg.

(Darllenwch y Proffil Rôl/Disgrifiad Swydd llawn i gael rhagor o wybodaeth am y swydd wag hon gan gynnwys cyfrifoldebau a manyleb lawn y person. Cyfeiriwch at y ‘Gwybodaeth Ychwanegol’ sydd ynghlwm i gael cymorth i lenwi’ch cais)

Y dyddiad cau ar gyfer ceisiadau yw 23.59 ddydd Llun 21 Chwefror 2022 a chynhelir cyfweliadau.

Rydyn ni’n cynnig amrywiaeth eang o fuddion i staff, gan gynnwys:

• 36 diwrnod o wyliau (gan gynnwys Gwyliau Banc) - pro rata ar gyfer swyddi tymor penodol
• Y dewis i brynu 5 diwrnod ychwanegol o wyliau blynyddo
• Hyd at 6% o bensiwn cyfrannol
• Polisi gweithio’n hyblyg
• Buddsoddiad gwirioneddol yn eich hyfforddiant a’ch datblygiad personol

Ni yw Adra. Darparwr cartrefi o safon yng ngogledd Cymru. Nid ydym yn sefydliad sy'n aros yn ei unfan. Dros y blynyddoedd i ddod byddwn wedi adeiladu nifer sylweddol o gartrefi y tu allan i'r sir, gyda'r uchelgais i fod yn darparu cannoedd fwy o gartrefi o ansawdd uchel ledled gogledd Cymru. Er ein bod yn uchelgeisiol iawn, rydym yr un mor benderfynol o amddiffyn a datblygu diwylliant a threftadaeth gyfoethog y cymunedau yr ydym yn eu gwasanaethu.

Fel Swyddog Diogelwch a Chynnal a Chadw Adeiladau, byddwch yn ymuno â'r Tîm Cyfleusterau a Chylchol, o fewn adran Monitro ac Adolygu'r Gwasanaeth Asedau a Buddsoddiadau i sicrhau bod Cyfleusterau Adra, ardaloedd cymunedol o fewn blociau o fflatiau (wedi'u hadeiladu'n bwrpasol ac wedi'u trosi) a modurdai. yn cael eu cynnal, yn cael buddsoddiad lle bo angen ac yn bodloni’r safonau diogelwch gofynnol.

Mae’r gallu i siarad Cymraeg yn hanfodol ar gyfer y swydd hon.

Am fwy o wybodaeth, ewch i’n gwefan, www.adra.co.uk

Dyddiad Cau: 12pm 07/07/22

Ni yw Adra. Darparwr cartrefi o safon yng ngogledd Cymru. Nid ydym yn sefydliad sy'n aros yn ei unfan. Dros y blynyddoedd i ddod byddwn wedi adeiladu nifer sylweddol o gartrefi y tu allan i'r sir, gyda'r uchelgais i fod yn darparu cannoedd fwy o gartrefi o ansawdd uchel ledled gogledd Cymru. Er ein bod yn uchelgeisiol iawn, rydym yr un mor benderfynol o amddiffyn a datblygu diwylliant a threftadaeth gyfoethog y cymunedau yr ydym yn eu gwasanaethu.

Ein bod bob amser un cam ar y blaen, ac yn cynnal y safonau uchaf o ran gonestrwydd ariannol - sicrhau ein bod yn ennyn hyder ein rheoleiddwyr, archwilwyr, cyllidwyr, aelodau bwrdd a’r cyhoedd.

Mae’r gallu i siarad Cymraeg yn hanfodol ar gyfer y swydd hon.

Am fwy o wybodaeth, ewch i’n gwefan, www.adra.co.uk

Dyddiad Cau: 12pm 07/07/22

Rydym yn chwilio am arweinydd cryf sy’n gallu ysgogi ei hun ac sy’n rhoi pwyslais cryf ar wasanaethau cwsmeriaid, sy’n barod i gymryd y camau cyntaf i ddatrys problemau, ac sy’n mwynhau gweithio mewn amgylchedd lle mae pawb yn gweithio dan gryn bwysau.

Byddwch yn arwain y tîm Dysgu ac Ymgysylltu â’r Aelodau sy’n gyfrifol am ddatblygu rhaglen dysgu a datblygu berthnasol ac amserol, o safon uchel, a’i chyflwyno i’r Aelodau a’u staff. Mae'r tîm yn rheoli'r gyllideb ac yn datblygu ffyrdd arloesol o ddarparu hyfforddiant ledled Cymru sy'n berthnasol i bob agwedd ar waith yr Aelodau. Mae hefyd yn gyfrifol am fewnrwyd yr Aelodau ac arolwg bodlonrwydd yr Aelodau.

Gan ddefnyddio ffyrdd cynhyrchiol o ymgysylltu â’r Aelodau i gasglu adborth er mwyn nodi a deall anghenion yr Aelodau, byddwch yn cynorthwyo'r Prif Weithredwr a Bwrdd Gweithredol y Comisiwn i wneud penderfyniadau effeithiol sy'n canolbwyntio ar yr Aelodau gan godi ymwybyddiaeth a chryfhau dealltwriaeth o'r anghenion hynny.

Bydd angen ichi ddangos barn sicr ac ennyn ymddiriedaeth a hyder yr Aelodau a chydweithwyr ac ymgysylltu a chyfathrebu’n effeithiol. Bydd angen ichi ddatblygu a meithrin perthynas ag eraill, cael pobl i ddeall safbwyntiau pobl eraill, a deall rôl y Senedd a’r Comisiwn.

Bydd gennych sgiliau cyfathrebu rhagorol. Byddwch yn gallu cynhyrchu gwybodaeth sy’n glir a chywir, a chynnig cyngor diduedd, yn ysgrifenedig ac ar lafar. Rhaid ichi fod yn wleidyddol ddiduedd bob amser.

Yn fwy cyffredinol, bydd angen ichi ddangos ymrwymiad personol i werthoedd Comisiwn y Senedd, gan arwain newid i hybu amcanion strategol Comisiwn y Senedd.

Cysylltwch â ni os ydych chi am ymuno â ni.

Rydyn ni’n chwilio am unigolyn i ymgymryd â rôl newydd, gyffrous sy’n cynnwys –

• cydlynu a chefnogi prosiectau a gweithgareddau ym maes Addysg Gychwynnol Athrawon

• hyrwyddo a marchnata cyfleoedd i hyfforddi fel athrawon

• cydlynu trefniadau cymedroli ar gyfer y Fframwaith Cymwyseddau Iaith i Ymarferwyr Addysg cenedlaethol

Mae sicrhau gweithlu addysg gyda sgiliau Cymraeg a dwyieithog yn allweddol i lwyddiant strategaeth Cymraeg 2050 Llywodraeth Cymru i greu miliwn o siaradwyr Cymraeg. Drwy gydweithio gyda phartneriaid, gan gynnwys y Coleg, darparwyr Addysg Gychwynnol Athrawon a Chyngor y Gweithlu Addysg nod y Llywodraeth ydy annog mwy o ddarpar athrawon i hyfforddi, ac i gefnogi ymdrechion i sicrhau eu bod yn derbyn hyfforddiant o’r radd flaenaf sy’n eu galluogi i addysgu trwy gyfrwng y Gymraeg, dysgu’r Gymraeg fel pwnc, neu gyflwyno’r Gymraeg mewn ysgolion cyfrwng Saesneg. 

Bydd y rôl hon yn chwarae rhan allweddol yn y gwaith o gefnogi elfennau o ‘Gynllun y Gweithlu Cymraeg mewn Addysg’ Llywodraeth Cymru. Mae hyn yn cynnwys gweithio gyda darparwyr Addysg Gychwynnol Athrawon i sicrhau fod pawb sydd yn hyfforddi ac yn cymhwyso yng Nghymru yn cael cyfle i ddatblygu eu sgiliau Cymraeg fel rhan o’u hyfforddiant, yn ogystal â denu mwy o bobl i ddilyn gyrfa ym myd addysg yng Nghymru.

GwE yw gwasanaeth gwella ysgolion Gogledd Cymru. Mae’n wasanaeth a gyd-rennir ar draws Chwe Awdurdod Lleol, gan gydweithio’n agos ag ysgolion. Mae holl randdeiliaid GwE wedi ymrwymo i wella cyfleoedd a chanlyniadau addysgol ar gyfer ein dysgwyr. Yr hyn sydd yn gyrru ein gwaith yw uchelgais ddiffuant i weld yr ysgolion a'r sefydliadau yr ydym ni'n gweithio gyda nhw yn cyflawni eu dyheadau a gweld pob dysgwr yn llwyddo. 

Bydd yr ymgeisydd llwyddiannus yn gweithio mewn tîm i ddarparu cymorth gweinyddol o safon uchel o fewn GwE a bydd yn ymrwymedig i ddarparu gwasanaeth effeithlon ac effeithiol a chyfrannu tuag at alluogi’r gwasanaeth i gyflawni ei amcanion a’i nod.

Bydd Telerau ac Amodau Llywodraeth Leol yn berthnasol.

DYDDIAD CAU: 10.00yb, Dydd Iau, 23 Mehefin 2022

Am sgwrs anffurfiol cysylltwch â Ann Grenet / Bethan Eleri Roberts ar 07580 711022 neu 01286 685044 neu e-bost anngrenet@GwEGogledd.Cymru / bethaneleriroberts@GweGogledd.Cymru

GwE yw gwasanaeth gwella ysgolion Gogledd Cymru. Mae’n wasanaeth a gyd-rennir ar draws Chwe Awdurdod Lleol, gan gydweithio’n agos ag ysgolion. Mae holl randdeiliaid GwE wedi ymrwymo i wella cyfleoedd a chanlyniadau addysgol ar gyfer ein dysgwyr. Yr hyn sydd yn gyrru ein gwaith yw uchelgais ddiffuant i weld yr ysgolion a'r sefydliadau yr ydym ni'n gweithio gyda nhw yn cyflawni eu dyheadau a gweld pob dysgwr yn llwyddo.

Bydd yr ymgeisydd llwyddiannus yn gweithio mewn tîm i ddarparu cymorth gweinyddol o safon uchel o fewn GwE a bydd yn ymrwymedig i ddarparu gwasanaeth effeithlon ac effeithiol a chyfrannu tuag at alluogi’r gwasanaeth i gyflawni ei amcanion a’i nod.

Mae’r gallu i gyfathrebu’n rhugl yn y Gymraeg yn hanfodol ar gyfer y swydd hon.

Bydd Telerau ac Amodau Llywodraeth Leol yn berthnasol.

DYDDIAD CAU: 10.00yb, Dydd Iau, 23 Mehefin 2022

Am sgwrs anffurfiol cysylltwch â Ann Grenet / Bethan Eleri Roberts ar 07580 711022 neu 01286 685044, neu e-bost anngrenet@GwEGogledd.Cymru / bethaneleriroberts@GweGogledd.Cymru

Wyt ti’n unigolyn trefnus, brwdfrydig a chreadigol sydd eisiau datblygu prosiectau sy’n cefnogi myfyrwyr sy’n astudio drwy gyfrwng y Gymraeg yn y sector addysg ôl-16?

Mae’r Coleg yn chwilio am unigolyn i gyfrannu at brosiectau sy’n cyflawni nod Cynllun Academaidd Addysg Uwch newydd y Coleg o roi mynediad at ddarpariaeth cyfrwng Cymraeg i bob myfyriwr addysg uwch.

Bydd yr unigolyn llwyddiannus yn cydlynu, cefnogi a hyrwyddo prosiectau a gweithgareddau boed y rheiny’n fodiwlau neu ddigwyddiadau, sy’n anelu at roi ystod o gyfleoedd i fyfyrwyr yn ein prifysgolion.

Os wyt ti’n unigolyn trefnus sy’n gallu cydlynu prosiectau a chydweithio’n effeithiol ag eraill – ymgeisia am y swydd hon!

Dymuna'r Coleg benodi Rheolwr Cyllid, sef rôl newydd a chyffrous i reolwr sydd â phrofiad ym maes cyllid i sicrhau bod yna arweiniad clir a rheolaeth arbenigol wrth ymwneud â holl brosesau cyllid y Coleg. Derbynia’r Coleg Cymraeg oddeutu £8.5m yn flynyddol gan Lywodraeth Cymru ac mae’r gyllideb wedi ei gytuno ar gyfer 2022/23, 2023/24 a 2024/25.

Mae hwn yn gyfle cyffrous i unigolyn profiadol sydd wedi bod yn gwaith ym maes cyllid i ddefnyddio’i sgiliau a phrofiad helaeth i arwain a grymuso ein gwasanaethau cyllid a chynllunio ariannol. Byddwch chi’n arwain ac yn llywio holl brosesau cyllid y Coleg ac yn darparu gwybodaeth a chyngor i reolwyr y Coleg ar holl faterion cyllid, archwilwyr allanol a’r weithdrefn gaffael.

Yn y rôl hon, byddwch yn gyfrifol am sicrhau bod yna gofodau swyddfa briodol ar gyfer staff y Coleg ar draws 4 lleoliad ac yn gyfrifol am reoli tîm Gwasanaethau Gwybodaeth y Coleg ac yn rheolwr llinell i’r Uwch Swyddog Cyllid. Yn rhan o dîm o reolwyr uchelgeisiol, blaengar a chydweithredol byddwch yn darparu sgiliau, gwybodaeth a chyngor arbenigol ar holl faterion ariannol y Coleg i’r cyfnod nesaf a thu hwnt.

Rhoddir pwyslais gan y Mudiad ar sicrhau bod gan rhieni/gwarchodwyr a phlant ifainc fynediad hwylus i gylchoedd Ti a Fi sy’n agos i’w cartrefi ac sy’n darparu cyfleoedd chwarae a chymdeithasu o ansawdd. 

Nod y Mudiad yw ceisio sicrhau bod pob cylch Ti a Fi yn cyflogi Arweinydd i fod yn gyfrifol am arwain gweithgareddau cyfrwng Cymraeg ar gyfer y plant a’u rhieni/gwarchodwyr. Mae hyn eisoes yn digwydd mewn nifer sylweddol o Gylchoedd Ti a Fi. Fodd bynnag mewn ardaloedd lle ceir anhawster recriwtio Arweinyddion parhaol i gylchoedd Ti a Fi, mae’r Mudiad yn chwilio am berson brwdfrydig i arwain gweithgareddau a rhannu negeseuon am ddilyniant i Addysg Gymraeg ar gyfer plant a’u rhieni/gwarchodwyr mewn hyd at 5 cylch Ti a Fi yn yr ardal. Disgwylir i’r person a benodir fod â phrofiad o arwain gweithgareddau chwarae ar gyfer plant o dan oed ysgol ynghyd â phrofiad o drefnu rhaglen o weithgareddau cefnogol ar gyfer rhieni/gwarchodwyr. Dylai’r person fod yn frwd dros y Gymraeg ac yn gallu trosglwyddo negeseuon i rieni/gwarchodwyr am werth dwyieithrwydd yn ogystal â phwysigrwydd dilyniant o gylch Ti a Fi i Gylch Meithrin ac ymlaen i addysg cyfrwng Cymraeg. Ar hyn o bryd oherwydd y cyfyngiadau o ganlyniad i’r pandemig, rydym yn cynnal Cylchoedd Ti a Fi tu allan er mwyn cwrdd â mesuriadau diogelu Llywodraeth Cymru.