Swyddi Cymraeg — Iechyd a gofal

Sefydlwyd ar 1 Hydref 2018, Addysg a Gwella Iechyd Cymru (AaGIC) yw'r unig Awdurdod Iechyd Arbennig o fewn GIG Cymru. Rydym yn eistedd wrth ochr Byrddau Iechyd ac Ymddiriedolaethau, ac yn chwarae rhan flaenllaw yn y gwaith o addysgu, hyfforddi, datblygu a llunio'r gweithlu gofal iechyd yng Nghymru, er mwyn sicrhau gofal o safon uchel i bobl Cymru.

Mae ein prif swyddogaethau yn cynnwys:

• Gweithio'n agos gyda phartneriaid a rhanddeiliaid allweddol, a chynllunio ymlaen llaw i sicrhau bod y gweithlu iechyd a gofal yn diwallu anghenion y GIG a phobl Cymru, nawr ac yn y dyfodol;

• Bod yn ffynhonnell wybodaeth ddibynadwy am weithlu iechyd a Gofal Cymru;

• Comisiynu, dylunio a darparu addysg a hyfforddiant gwerth am arian o ansawdd uchel, yn unol â'r safonau;

• Defnyddio addysg, hyfforddiant a datblygiad i annog a hwyluso datblygiad gyrfaol;

• Cefnogi addysg, hyfforddiant a rheoleiddio gwasanaethau drwy chwarae rôl allweddol wrth gynrychioli Cymru, a gweithio'n agos gyda rheoleiddwyr;

• Datblygu arweinwyr gofal iechyd heddiw a'r dyfodol;

• Darparu cyfleoedd i'r gweithlu iechyd a gofal ddatblygu sgiliau newydd;

• Hyrwyddo gyrfaoedd ym maes iechyd a gofal yng Nghymru, a Chymru fel lle i fyw ynddo;

• Cefnogi proffesiwn datblygu'r gweithlu a'r sefydliad proffesiynol gyda Chymru;

• Gwella'n barhaus yr hyn a wnawn a sut rydym yn ei wneud.

Am ragor o wybodaeth am y swydd wag hon, cysylltwch â'r rheolwr recriwtio, a fydd yn falch o drafod ei cyfle am gyflogaeth gyda chi.

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn yr holl ohebiaeth sy'n gysylltiedig â recriwtio trwy'r cyfrif e-bost a gofrestrir ar y ffurflen gais.

Mae'r sefydliad hefyd yn cadw'r hawl i gau swydd wag yn gynnar neu i dynnu hysbyseb yn ôl ar unrhyw adeg o'r broses, er mwyn adleoli staff mewnol i rolau addas.

Gwahoddir ymgeiswyr i wneud cais yn Gymraeg, ni fydd unrhyw gais a gyflwynir drwy gyfrwng y Gymraeg yn cael ei drin yn llai ffafriol na cheisiadau a wneir yn y Saesneg.

Trosolwg o'r swydd

Mae rôl barhaol gyffrous, newydd wedi'i chreu o fewn AaGIC i ddarparu rhaglenni gafaelgar ac effeithiol i hyrwyddo a hwyluso defnyddio mwy o'r Gymraeg ar bob lefel o fewn ein gweithlu.

Mae AaGIC yn chwilio am unigolyn brwdfrydig i helpu hybu'r Gymraeg ymysg cydweithwyr heddiwl - yn ogystal â gweithlu'r dyfodol.

Cyfle cyffrous dros ben i rywun sydd ar dân dros hybu’r Gymraeg! Mae cynnig gwasanaethau i gleifion yn iaith eu dewis yn arwain at ganlyniadau clinigol gwell. Faint o effaith gallwch chi ei gael o ran gwella gwasanaethau Cymraeg ar draws y GIG?

Prif ddyletswyddau'r swydd

Byddwch yn chwarae rhan flaenllaw yn y gwaith o godi ymwybyddiaeth o Gymru a'i hiaith, gan annog mwy o ddwyieithrwydd ymysg staff, ac yn chwarae rhan flaenllaw yn gwireddu gweledigaeth Mwy na Geiriau ar draws y GIG yng Nghymru.

I wneud cais, llenwch y ffurflen ar Swyddi'r GIG sy'n gfyn am gynnwys tystiolaeth i gefnogi'r ymddygiadau gofynnol a nodir ym manyleb y person.

Mae’r gallu i siarad Cymraeg yn hanfodol ar gyfer y swydd hon.

Rydym yn chwilio am gyfieithydd Cymraeg i ymuno â'n Tîm Cyfieithu Corfforaethol arobryn ar gontract am gyfnod penodol o 12 mis.

Fel rhan o dîm egnïol ac ymatebol, byddwch yn gyfrifol am sicrhau bod ein cyfathrebiadau â'r cyfryngau, yn fewnol a rhai digidol yn cael eu cyflwyno'n ddwyieithog.

Byddwch yn gweithio'n agos gyda thîm cefnogol a chyfeillgar ac rydym yn croesawu ceisiadau gan gyfieithwyr profiadol yn ogystal â myfyrwyr sydd newydd raddio.

Prif ddyletswyddau'r swydd

Fel rhan o'r Tîm Cyfathrebu Corfforaethol, byddwch yn darparu gwasanaeth cyfieithu er mwyn galluogi'r Bwrdd Iechyd i roi'r egwyddor ar waith y bydd yn trin y Gymraeg a'r Saesneg yn gyfartal yn unol â Deddf y Gymraeg 1993, Mesur y Gymraeg (Cymru) 2011 a Chynllun Iaith Gymraeg y sefydliad. 

Mae'r swydd hon am gyfnod penodol o 12 mis oherwydd cwrdd gofynion y gwasanaeth.

Os oes diddordeb gyda chi mewn ceisio am swydd secondiad, mae'n rhaid i chi gael caniatad eich rheolwr llinell presennol cyn i chi geisio am y swydd hon.

Mae'r gallu i siarad Cymraeg yn hanfodol ar gyfer y swydd hon. 

Amdanom ni

Os ydych yn mwynhau her, gydag angerdd i helpu eraill neu'n dymuno dechrau o'r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â'n Gwerthoedd Sefydliadol a'n fframwaith galluedd 'Balch o Arwain'.Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy'r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Rydym yn chwilio am unigolion sy'n gallu gweithio'n effeithiol i ymateb i anghenion y gwasanaeth o fewn tîm cefnogol a chyfeillgar. Byddem yn croesawu ceisiadau gan gyfieithwyr profiadol yn ogystal â myfyrwyr sydd newydd raddio. 

Disgrifiad swydd

Cyfrifoldebau swydd

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac. 

Manyleb Person

Cymwysterau

Hanfodol

- Gradd perthnasol neu brofiad cyfwerth

Profiad

Hanfodol

- Profiad o reoli llwyth gwaith a blaenoriaethu

Archwiliad y Gwasanaeth Datgelu a Gwahardd

Mae'r swydd hon yn amodol ar Ddeddf Adsefydlu Troseddwyr (Gorchymyn Eithriadau) 1975 ac o'r herwydd bydd angen gwneud cais i gael Datgeliad gan y Gwasanaeth Datgelu a Gwahardd (a elwid yn flaenorol yn CRB) i archwilio unrhyw gollfarnau troseddol blaenorol.

Tystysgrif Nawdd Haen 2

Croesewir ceisiadau gan geiswyr gwaith sydd angen nawdd Haen 2/gweithiwr crefftus cyfredol i weithio yn y DU a byddant yn cael eu hystyried ochr yn ochr â phob cais eraill. I gael gwybodaeth bellach ewch i wefan Fisâu a Mewnfudo y DU (Yn agor mewn tab newydd).

O 6 Ebrill 2017, bu rhaid i ymgeiswyr Haen 2/gweithwyr crefftus, sy'n gwneud cais am gliriad mynediad i'r DU, gyflwyno tystysgrif cofnodion troseddol o bob gwlad maent wedi preswylio ynddynt yn barhaus neu'n gronnol am 12 mis neu fwy yn ystod y 10 mlynedd diwethaf. Mae dibynyddion sy'n oedolion (dros 18 mlwydd oed) hefyd yn ddarostyngedig i'r gofyniadhwn. 

Ni yw Mind Cymru, yr elusen iechyd meddwl. Rydyn ni eisiau sicrhau nad oes neb yn wynebu problem iechyd meddwl ar ei ben ei hun. Rydyn ni'n rhoi cyngor a chymorth i rymuso unrhyw un sy'n profi problem iechyd meddwl. Rydyn ni’n ymgyrchu i wella gwasanaethau, codi ymwybyddiaeth a hyrwyddo dealltwriaeth.

Ni fyddwn yn rhoi'r gorau iddi nes bod pawb sy'n cael problem iechyd meddwl yn cael cymorth a pharch.

Gwybodaeth am y swydd

Yn y swydd hon, byddwch yn gweithio gyda’r tîm yng Nghaerdydd i gefnogi’r gwaith o ddatblygu ein sylfaen dystiolaeth a’n safbwyntiau polisi gyda’r canlyniad o wella bywydau a phrofiadau pobl â phroblemau iechyd meddwl. Ar adeg pan fydd strategaeth iechyd meddwl deng mlynedd Llywodraeth Cymru yn cael ei lansio, bydd y swydd hon yn cefnogi’r tîm i ddylanwadu ar y strategaeth nesaf, gan sicrhau bod anghydraddoldebau iechyd meddwl yn cael sylw a bod pawb yn gallu cael gafael ar y cymorth sydd ei angen arnynt, pan fydd ei angen arnynt.

Byddwch yn cefnogi gwaith polisi ac ymgyrchoedd o ddydd i ddydd drwy gynnal gwaith ymchwil, ysgrifennu briffiau, cyfrannu at ymgysylltiad y tîm â phobl sydd â phrofiad uniongyrchol o broblemau iechyd meddwl a chefnogi’r gwaith o ddatblygu teithiau ymgyrchwyr Cymraeg. Byddwch hefyd yn gweithio’n agos gydag aelodau eraill o’r adran Cysylltiadau Allanol i ddarparu digwyddiadau a chanlyniadau ymgyrchoedd.

Hoffem glywed gennych chi os oes gennych y pethau canlynol:

Profiad o weithio mewn swydd gyhoeddus sy’n gofyn am sgiliau cyfathrebu da a meddwl yn ddadansoddol.

Gallu deall a dadansoddi gwybodaeth gymhleth, ee adroddiadau ymchwil, dogfennau polisi, deddfwriaeth a data.

Profiad o ddatblygu a chynnal perthynas waith effeithiol yn fewnol ac yn allanol.

Gallu gweithio mewn tîm a gydag agwedd gadarnhaol at ddatrys problemau.

Ein hymrwymiad

Rydyn ni wedi ymrwymo i fod yn wrth-hiliol ym mhopeth rydyn ni'n ei wneud. Mae hyn yn flaenoriaeth hollbwysig i Mind. Rydyn ni’n croesawu amrywiaeth ac yn deall y byddwn, drwy fod yn sefydliad cynhwysol sy’n cydnabod gwahanol safbwyntiau, yn gallu darparu gwasanaethau rhagorol. Rydyn ni wedi ymrwymo i sicrhau bod ein holl weithwyr yn cael eu trin yn deg ac yn gyfartal yn y gwaith ac i hyrwyddo tegwch i bawb o ran iechyd corfforol a meddyliol.

Mae Mind yn croesawu pob ymgeisydd ac yn awyddus i sicrhau bod eu tîm yn adlewyrchu amrywiaeth y DU a’r cymunedau maent yn eu gwasanaethu. Hoffent annog ceisiadau gan bobl anabl, LGBT ac o gefndiroedd Du, Asiaidd a Lleiafrifoedd Ethnig.

Manylion y cais

Y dyddiad cau ar gyfer cyflwyno ceisiadau yw Dydd Mawrth 7fed Mawrth - 12.00 canol dydd

Mae Bwrdd Iechyd Prifysgol Aneurin Bevan yn chwilio am unigolyn brwdfrydig i chwarae rhan allweddol wrth gefnogi’r sefydliad i gydymffurfio â Safonau’r Gymraeg, Mesur y Gymraeg (Cymru) 2011 a bydd yn cefnogi Uned yr Iaith Gymraeg i gryfhau’r ddarpariaeth o wasanaethau dwyieithog i gleifion, defnyddwyr gwasanaeth a’r cyhoedd.

Disgrifiad:

Bydd Swyddog Cefnogi’r Gymraeg yn chwarae rhan allweddol wrth gefnogi’r sefydliad i gydymffurfio â Safonau’r Gymraeg, Mesur y Gymraeg (Cymru) 2011 a bydd yn cefnogi Uned yr Iaith Gymraeg i gryfhau’r ddarpariaeth o wasanaethau dwyieithog i gleifion, defnyddwyr gwasanaeth a’r cyhoedd.

Bydd deiliad y swydd yn cynorthwyo Uned y Gymraeg i sicrhau tegwch o ran y defnydd o’r Gymraeg a’r Saesneg led led y Bwrdd Iechyd, gan hyrwyddo gofal iechyd dwyieithog, cefnogi’r tîm Cyfathrebu gyda gwefan y Bwrdd Iechyd a’r Fewnrwyd Staff.

Bydd gofyn i ddeiliad y swydd weithio ar eu liwt eu hunain o fewn y swydd, a chymryd cyfrifoldeb dros ddelio ac ymateb i gwynion a dderbynnir gan y tîm, cydlynu a gweinyddu ceisiadau am gyfieithiadau ac uwchgyfeirio unrhyw broblemau i Pennaeth Uned y Gymraeg yn ôl y gofyn.

Bydd deiliad y swydd yn aelod allweddol o Uned y Gymraeg a bydd disgwyl iddynt weithio’n hyblyg, gan gyflenwi a chefnogi, yn ôl y galw, yn y meysydd gwaith y byddai Swyddog y Gymraeg fel arfer yn gyfrifol amdanynt.

Yn Gofal Cymdeithasol Cymru, rydym yn darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.

Ein gweledigaeth yw gwneud gwahaniaeth cadarnhaol i ofal a chymorth i blant, oedolion a’u teuluoedd a’u gofalwyr.

I wneud hyn, rydym yn arwain ar ddatblygu a rheoleiddio’r gweithlu gofal cymdeithasol, gwella gwasanaethau, data ac ymchwil i wella gofal.

Rydym nawr yn chwilio am Weinyddwr dwyieithog i ymuno â'n tîm. Mae gennym nifer o rolau ar gael, rhai ohonynt yn barhaol, rhai am gyfnod penodol a rhai rhan amser.

Y Manteision

- Cyflog o £26,894 - £29,080 y flwyddyn (pro rata ar gyfer rhan amser)

- 28 diwrnod o wyliau ynghyd â gwyliau banc (cynyddu gyda hyd gwasanaeth) (pro rata ar gyfer rhan-amser)

- Diwrnodau ychwanegol i ffwrdd rhwng y Nadolig a'r Flwyddyn Newydd

- Cynllun pensiwn llywodraeth leol

- Polisi gwaith hyblyg

- Gweithio hybrid

- Polisi absenoldeb teuluol

Y Rôl

Fel Gweinyddwr, byddwch yn darparu cymorth prosiect i'n prosiectau Gwella a Datblygu, grwpiau prosiect, rhwydweithiau a phartneriaethau.

Gan gydlynu cynllunio prosiect, byddwch yn darparu cymorth gweinyddol i gyfarfodydd ac yn sefydlu a chynnal systemau gweinyddol, gweithdrefnau a chronfeydd data.

Byddwch hefyd yn drafftio ac yn dosbarthu papurau, manylebau a chynlluniau ac yn sicrhau cysondeb tôn, brandio a chyfieithu.

Yn ogystal, byddwch yn:

- Coladu data a dadansoddi canlyniadau

- Trefnu digwyddiadau a chyfarfodydd

- Adolygu a diweddaru cynnwys y fewnrwyd a'r wefan

Amdanoch Chi

Er mwyn cael eich ystyried yn Weinyddwr, bydd angen:

- Rhuglder yn y Gymraeg a'r Saesneg

- Profiad o weinyddu busnes

- Profiad o ddarparu cymorth gweinyddol mewn cyfarfodydd, gan gynnwys cymryd cofnodion

- Gwybodaeth o'r sector cyhoeddus

- Rheoli amser a blaenoriaeth effeithiol

- Sgiliau trefnu a chyfathrebu ysgrifenedig rhagorol

- Hyfedredd TG, gan gynnwys Teams a Zoom

Mae’n hanfodol bod deiliad y swydd yn gallu cyflawni pob tasg a chyfrifoldeb gyda hyfedredd cyfartal yn y Gymraeg a’r Saesneg.

Y dyddiad cau ar gyfer y rôl hon yw 5 Mawrth 2023.

Bydd ceisiadau’n cael eu hadolygu wrth iddynt ddod i mewn felly gall y rôl hon gau yn gynt na’r dyddiad a hysbysebir.

Gallai sefydliadau eraill alw'r swydd hon yn Gydlynydd Prosiect, Cydlynydd Datblygu Rhaglen, Cydlynydd Gwella Rhaglen, Cynorthwyydd Gweinyddol, Gweinyddwr Prosiect, Cynorthwyydd Personol, Cynorthwyydd Personol, EA, Cynorthwyydd Gweithredol, Ysgrifennydd, Derbynnydd, neu Swyddog Gwella a Datblygu.

Felly, os ydych chi am ymuno â ni fel Gweinyddwr, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.

Rydym yn chwilio am gyfieithydd i ddarparu gwasanaeth cyfieithu a chyfieithu ar y pryd i staff ac i'r gwahanol adrannau ym Mwrdd Iechyd Prifysgol Cwm Taf Morgannwg.

Bydd hyn yn cynnwys cyfieithu dogfennau o'r Saesneg i'r Gymraeg a hefyd o'r Gymraeg i'r Saesneg o bryd i'w gilydd. Yn ogystal, bydd gofyn i ddeiliad y swydd gynorthwyo'r Tîm Cyfathrebu ac Ymgysylltu i gyhoeddi deunydd yn y Gymraeg ar y cyfryngau cymdeithasol.

Bydd y rôl hon yn cyfrannu at sicrhau bod y Bwrdd Iechyd yn cydymffurfio â rheoliadau Mesur y Gymraeg (2011), a thrwy wneud hynny bydd yn sicrhau bod gwasanaethau dwyieithog yn cael eu cynnig i gleifion yn ardaloedd Rhondda Cynon Taf, Merthyr Tudful a Phen-y-Bont ar Ogwr.

Bydd deiliad y swydd yn helpu i ddarparu gwasanaeth Cymraeg cynhwysfawr, yn unol â pholisïau a gweithdrefnau Cymraeg Bwrdd Iechyd Prifysgol Cwm Taf Morgannwg a Safonau'r Gymraeg.

Bydd deiliad y swydd yn gweithio'n agos gyda rheolwyr gwasanaethau i wella gwasanaethau a sicrhau bod y Gymraeg yn ystyriaeth ganolog yn holl fusnes y Bwrdd Iechyd.

Prif ddyletswyddau'r swydd

• Darparu gwasanaeth cyfieithu ysgrifenedig o'r Saesneg i'r Gymraeg ac o'r Gymraeg i'r Saesneg. Bydd hyn yn cynnwys cyfieithu'r canlynol:

  • Deunydd gofal iechyd fel taflenni gwybodaeth i gleifion, llythyrau i gleifion a chyfarwyddiadau meddygol o wahanol feysydd, o Ffisiotherapi i Faeth

  • Deunydd ar wefan y Bwrdd Iechyd

  • Llythyrau i'r cyhoedd ac oddi wrth y cyhoedd, ac unrhyw fathau eraill o ohebiaeth a dderbynnir

  • Deunydd cyfryngau cymdeithasol fel pyst Facebook a negeseuon Twitter

  • Posteri ac arwyddion.

  • Adroddiadau fel adroddiad blynyddol y Bwrdd Iechyd.

  • Unrhyw destunau eraill a ystyrir yn briodol gan Swyddog y Gymraeg neu'r Rheolwr Gwasanaethau Cymraeg

• Cyfieithu dogfennau/llythyron a gohebiaeth (e.e. llythyron cwyno, llythyron oddi wrth Aelodau'r Cynulliad, datganiadau i'r wasg ac ati) ar ran Swyddfa'r Prif Weithredwr lle bydd dyddiadau dychwelyd tyn a lle bydd y wybodaeth yn aml yn gymhleth/sensitif, megis y gofal a'r driniaeth a roddir i glaf/cleifion, asesiadau cymhleth, cofnodion meddygol ac ati

• Gweithio'n agos ac ar y cyd â thîm cyfathrebu'r Bwrdd Iechyd i ddarparu gwybodaeth ddwyieithog i'w chyhoeddi drwy'r rhyngrwyd/y fewnrwyd a chyfryngau cymdeithasol y sefydliad

Amdanom ni

Mae Bwrdd Iechyd Prifysgol Cwm Taf Morgannwg yn rhan o deulu GIG Cymru. Mae ein Bwrdd Iechyd yn darparu gofal iechyd sylfaenol, eilaidd a chymunedol ynghyd â gwasanaethau lles i tua 450,000 o bobl sy'n byw mewn tair sir: Pen-y-bont ar Ogwr, Merthur Tydful a Rhondda Cynon Taf.

Rydyn ni'n byw yn ôl ein gwerthoedd craidd:

• Rydyn ni'n gwrando, yn dysgu ac yn gwella

• Rydyn ni'n trin pawb â pharch

• Rydyn ni i gyd yn gweithio fel un tîm

Rydyn ni'n gyflogwr lleol balch; mae tua 80% o'n gweithlu o 15,000 yn byw o fewn ein rhanbarth. O ganlyniad, nid enaid y sefydliad yn unig y mae ein staff yn ei gynrychioli, ond y cymunedau amrywiol rydyn ni'n eu gwasanaethu.

Swyddog Cyfathrebu a Marchnata (Cymru)

£31,031 yn cynnwys pwysoliad rhanbarthol

35 awr yr wythnos

Cyfnod penodol tan fis Chwefror 2026

Wedi'i leoli yng Nghaerdydd, Cymru (gweithio hybrid am ddau ddiwrnod yr wythnos) neu'n gweithio gartref.

Mae gennym nodau pwysig dros y blynyddoedd nesaf.

Rydyn ni'n mynd i frwydro dros iechyd meddwl mewn ffordd na wnaethom erioed o’r blaen.

Gyda’n gilydd, byddwn yn gweithio i wneud yn siŵr bod pawb sydd â phroblem iechyd meddwl yn cael y gefnogaeth a’r parch maen nhw’n eu haeddu.

Wnewch chi ymuno â ni?

Rydym yn chwilio am gyfathrebwr hyderus sy’n siarad Cymraeg ac sy’n mwynhau cyfarfod â phobl ac adrodd eu straeon mewn ffyrdd cymhellol. Yn y rôl hon byddwch yn cyflwyno gweithgareddau marchnata a chyfathrebu effeithiol i helpu i annog mwy o bobl i ddefnyddio cymorth iechyd meddwl Mind yng Nghymru, helpu i ddylanwadu ar bolisi yng Nghymru a chefnogi'r gwaith o godi arian. Byddwch yn gyfathrebwr amlochrog sydd yr un mor gyfforddus yn ysgrifennu copi ag yr ydych yn briffio cyflenwyr neu'n ymweld â safleoedd lleol Mind a chyfarfod â phobl sydd â phroblemau iechyd meddwl wyneb yn wyneb. Os oes gennych ddiddordeb mewn rôl gyfathrebu amrywiol sydd â phwrpas iddi, cysylltwch â ni.

Dyddiad cau: 12pm, 1 Chwefror 2023

Cyfweliadau: 6 Chwefror 2023

Mae Mind yn cadw’r hawl i gau’r cyfnod ymgeisio’n gynnar os byddwn yn cael llawer iawn o ymgeiswyr cryf – felly rydyn ni’n eich annog i gyflwyno eich cais yn gynnar.

Mae Mind wedi ymrwymo i gyfle cyfartal i bob aelod o staff, ac mae ceisiadau yn cael eu hannog gan unigolion waeth beth yw eu hoed, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Edrychwch ar y Disgrifiad o’r Swydd pan fyddwch chi’n cwblhau eich cais oherwydd bydd ymgeiswyr yn cael eu dewis i’r rhestr fer yn seiliedig ar i ba raddau maen nhw’n bodloni’r meini prawf.

Rydyn ni'n mynd i frwydro dros iechyd meddwl mewn ffordd na wnaethom erioed o’r blaen.

Gyda’n gilydd, byddwn yn gweithio i wneud yn siŵr bod pawb sydd â phroblem iechyd meddwl yn cael y gefnogaeth a’r parch maen nhw’n eu haeddu.

Wnewch chi ymuno â ni?

Mae gennym gynlluniau uchelgeisiol i helpu mwy o bobl sy’n cael trafferth gyda phroblemau iechyd meddwl, ac ar hyn o bryd rydym yn cyflogi tîm o bobl i fwrw ymlaen â’r uchelgais hwn.

Rydym yn chwilio am Uwch Swyddog Datblygu Gwasanaeth (Cymru) i ddatblygu modelau gwasanaeth newydd a marchnata rhai presennol. Mae angen rhywun arnom sy’n frwd dros ddylunio a darparu gwasanaethau newydd sydd wir yn diwallu anghenion ein buddiolwyr. Bydd sylfaen dda o ran rheoli prosiectau a gwasanaethau yn ddefnyddiol, yn ogystal â dealltwriaeth o gydgynhyrchu ac ymgysylltu â phrofiad go iawn. Mae angen i ni hefyd farchnata’r modelau i gomisiynwyr posibl, felly bydd dealltwriaeth o sut i ennill contractau cyllido yn ddefnyddiol ond nid yw’n hanfodol.

Mae ein gwaith yn dod â nifer o bartneriaid at ei gilydd felly mae angen rhywun arnom sy’n dda am feithrin perthnasau ar draws ffiniau ac sy’n gallu hwyluso gweithdai.

Yn y pen draw, rydym yn chwilio am rywun sydd â brwdfrydedd, angerdd a sgiliau trosglwyddadwy. Rydyn ni’n cydnabod bod y swydd hon yn cynnwys llawer o ddisgyblaethau, felly os ydych chi’n gallu ymdrin â rhai o’r meysydd rydyn ni’n chwilio amdanyn nhw, a’ch bod chi’n fodlon dysgu’r gweddill, cofiwch gysylltu gan ei bod yn bwysicach i ni gael y person iawn na rhywun sy’n bodloni holl feini prawf manyleb y person. Mae Mind wedi ymrwymo i’r Gymraeg ac mae llawer o siaradwyr Cymraeg yn ein swyddfa yng Nghaerdydd.

Dyddiad cau: 8 Ionawr 2023

Mae Mind yn cadw’r hawl i gau’r cyfnod ymgeisio’n gynnar os byddwn yn cael llawer iawn o ymgeiswyr cryf – felly rydyn ni’n eich annog i gyflwyno eich cais yn gynnar.

Mae Mind wedi ymrwymo i gyfle cyfartal i bob aelod o staff, ac mae ceisiadau yn cael eu hannog gan unigolion waeth beth yw eu hoed, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Edrychwch ar y Disgrifiad o’r Swydd pan fyddwch chi’n cwblhau eich cais oherwydd bydd ymgeiswyr yn cael eu dewis i’r rhestr fer yn seiliedig ar i ba raddau maen nhw’n bodloni’r meini prawf.

Mae Partneriaeth Cydwasanaethau GIG Cymru yn chwilio am Gyfieithydd.

Llawn amser (37.5 awr yr wythnos) /Rhan amser (unai 22.5 neu 30 awr yr wythnos) parhaol.

Mae swydd llawn amser parhaol gyda ni. Gallwn hefyd ystyried ceisiadau gan unigolion sydd yn edrych am waith cyfieithu yn rhan-amser neu i rannu swydd.

Rydym yn dymuno recriwtio cyfieithwyr i ymuno â Thîm Cyfieithu o fewn yr Uned Iaith Gymraeg ym Mhartneriaeth Cydwasanaethau GIG Cymru. Rydym yn dîm o ieithyddion a chyfieithwyr sy'n tyfu, er mwyn cefnogi Partneriaeth Cydwasanaethau GIG Cymru a sefydliadau eraill GIG Cymru gyda gwasanaethau cyfieithu. Bydd y gwaith yn amrywiol ac yn ddiddorol, wrth i ni gyfieithu ystod eang o gynnwys yn amrywio o gynnwys tudalennau gwe, taflenni gwybodaeth i gleifion, ymgyrchoedd cyhoeddusrwydd, swydd-ddisgrifiadau, polisïau, rhyngwynebau ar gyfer systemau a chymwysiadau a llawer mwy. Rhaid bod gennych brofiad sylweddol mewn cyfieithu a phrawfddarllen o'r Saesneg i'r Gymraeg ac i'r gwrthwyneb, yn ddelfrydol yn y sector iechyd a gofal cymdeithasol. Rhaid bod gennych feistrolaeth ardderchog ar ramadeg yn y ddwy iaith a bydd gennych radd yn y Gymraeg neu ieithoedd eraill a/neu ieithyddiaeth. Rydym yn cynnig cyfraddau cyflog rhagorol, ac i'r ymgeisydd iawn sy'n gallu dangos bod ganddo'r cymwysterau, sgiliau a phrofiad perthnasol rydym yn gallu cynnig cyflog teg i adlewyrchu'r cymwysterau, y sgiliau a'r profiad hynny. Bydd gennych wybodaeth a dealltwriaeth o ddefnyddio meddalwedd cof cyfieithu a chronfeydd termau, a byddwch yn gallu cyfieithu rhwng 2,500 a 3,500 o eiriau o leiaf mewn diwrnod gwaith, yn dibynnu ar gymhlethdod y dogfennau hynny. Mae gennym swyddfeydd ym Mhont-y-pwl, Caerdydd, Nantgarw, Abertawe, Caerfyrddin, Dinbych a Llanelwy. Rydym hefyd yn cynnig gweithio hybrid. 

Prif ddyletswyddau'r swydd

Darparu cyfieithiadau ar ffurf ysgrifenedig o wahanol ddogfennau o'r Saesneg i'r Gymraeg a'r Gymraeg i'r Saesneg, gan ddefnyddio amrywiaeth o offer TG, gan gynnwys, ond heb fod yn gyfyngedig i Microsoft Word, PowerPoint, Excel, Outlook, In-design, gan ddefnyddio meddalwedd cof cyfieithu fel Memsource. Fel aelod o'r tîm, bydd y cyfieithydd yn cyfieithu ystod eang o ddogfennau diddorol, cymhleth, technegol, cyfrinachol a sensitif. Bydd y cyfieithydd hefyd yn gyfrifol am gyfieithu cyhoeddiadau, adroddiadau, polisïau, agendâu, cofnodion, papurau bwrdd, datganiadau i'r wasg, llythyrau, ffurflenni, papurau recriwtio a chynnwys gwe/cynnwys cyfryngau cymdeithasol.

Cyfieithu gwybodaeth, dogfennau a ffurflenni ar gyfer cleifion, defnyddwyr gwasanaethau a'r cyhoedd yn gyffredinol sy'n gofyn am gywirdeb a'r defnydd o'r iaith, terminoleg, arddull a chystrawen fwyaf priodol ar gyfer y pwnc a'r derbynwyr.

Prawf-ddarllen eich gwaith eich hun a gwaith aelodau eraill o'r tîm. Sicrhau bod cyfieithiadau'n bodloni ansawdd golygyddol. Dilyn y protocolau a'r gweithdrefnau sydd ar waith yn Uned y Gymraeg i ddarparu gwasanaethau cyfieithu prydlon a chywir o ansawdd uchel i'n cleientiaid o fewn GIG Cymru.

Paratoi pob dogfen cyn ei chyfieithu, gan sicrhau bod y ddogfen yn ramadegol gywir. Bydd hyn yn golygu cyfathrebu ag awdur y ddogfen er mwyn cael gwell dealltwriaeth o'r pwnc, e.e. polisïau a gweithdrefnau.

Os oes diddordeb gyda chi, cysylltwch gydag Oliver Owen (Rheolwr Cyfieithu) am fwy o wybodaeth: oliver.owen@wales.nhs.uk 

Mae cyfle cyffrous wedi codi i ymuno â'r Tîm Therapi Gwybyddol Ymddygiadol (CBT) Ar-lein fel Cydlynydd CBT Cymraeg. Bydd deiliad y swydd yn gweithio o bell yn bennaf (bydd offer TG yn cael ei ddarparu) ond yn gallu teithio i safleoedd ar adegau. 

Disgrifiad:

Mae Silver Cloud yn wasanaeth Cymru gyfan unigryw sy’n darparu gwasanaeth therapi ar-lein wedi'i gynllunio i helpu plant, pobl ifanc ac oedolion reoli eu hiechyd meddwl a'u lles. Bwrdd Iechyd Addysgu Powys sy'n darparu'r gwasanaeth, felly bydd croeso cynnes i chi i dîm cyfeillgar sy’n cynnig y cyfle i weithio gyda chleifion ar draws y wlad.

Rydym yn chwilio am unigolyn brwdfrydig, llawn cymhelliant sydd â phrofiad o CBT i gynnig cymorth clinigol tra'n canolbwyntio ar adferiad a chanlyniadau.

Mae’r gallu i gynnal sgwrs naturiol yn Gymraeg i gefnogi cleifion yn hanfodol, ynghyd â gradd anrhydedd mewn Seicoleg (neu gyfwerth).

Rhoddir hyfforddiant gan dîm SilverCloud ar bob agwedd o'r rôl ac mae hyfforddiant a chefnogaeth ar gael i wella sgiliau ysgrifenedig Cymraeg os oes angen. Mae cyfleoedd hyfforddiant DPP hefyd ar gael trwy’r bwrdd iechyd. Mae cymorth clinigol ar gael i chi 9-5 o ddydd Llun i ddydd Gwener.

Mae gofynion y swydd yn cynnwys cynnal safon uchel ym mhob math o gyfathrebu, sgiliau TG sylfaenol, gweithio'n dda dan bwysau, a meddu ar ddull hyblyg o weithio.

Prif ddyletswyddau'r swydd

Fel rhan o’r swydd byddwch yn gwneud y canlynol:

Gweithio o fewn tîm cyfeillgar mawr, ochr yn ochr â Chydlynwyr CBT eraill i hybu a gweinyddu'r Gwasanaeth CBT Ar-lein.

Cynnal cofnodion cleifion, cofrestru defnyddwyr newydd i’r gwasanaeth, rhannu manylion actifadu a monitro cynnydd.

Arwain gwaith cyfathrebu gyda chleifion sy'n siarad Cymraeg ledled Cymru.

Ysgogi, annog a chynnig cymorth clinigol dros y ffôn/e-bost.

Gwneud penderfyniadau ar addasrwydd atgyfeiriadau newydd, gan gadw at brotocolau cyfeirio'r adran a chyfeirio cleientiaid anaddas ymlaen at y gwasanaeth perthnasol. 

Cynnig cymorth a chyngor i weithwyr gofal iechyd proffesiynol sy’n cwblhau’r atgyfeiriad, gan ateb ymholiadau sydd ganddyn nhw neu ddefnyddwyr y gwasanaeth.

Chwarae rhan weithredol wrth gynnig a chefnogi newidiadau i weithdrefnau.

Bod yn gyfrifol am reoli'r broses protocol ar gyfer monitro ac adrodd unrhyw rybuddion risg, bwriad troseddol neu ddirywiad cleifion fel yr adroddwyd gan y defnyddwyr naill ai o fewn y system CBT ar-lein neu'n uniongyrchol. 

Rheoli cyfrifoldeb clinigol am unrhyw hunan-atgyfeiriadau.

Darparu hyfforddiant a chefnogaeth barhaus i gydweithwyr ac i’r gweithwyr gofal iechyd proffesiynol a wnaeth yr atgyfeiriad yn ymwneud â'r gwasanaeth CBT ar-lein. 

Mae hon yn swydd lawn amser am gyfnod o ddwy flynedd gyda lleoliad hyblyg. Am fanylion pellach am y swydd a sut i ymgeisio ewch i: Swyddi Cyfredol ym Mwrdd Iechyd Addysgu Powys - Bwrdd Iechyd Addysgu Powys (gig.cymru) 

Rydyn ni'n chwilio am unigolyn egnïol a brwdfrydig i ymuno gydag Uned y Gymraeg o fewn Bwrdd Iechyd Prifysgol Aneurin Bevan.

Bydd Swyddog y Gymraeg yn rhan o'r tîm sydd yn sicrhau ein bod ni fel Bwrdd Iechyd yn darparu'r gofal gorau i'r boblogaeth i ni'n gwasanaethu.

Bydd Swyddog y Gymraeg yn gyfrifol, ffel rhan o dîm ehangach Uned y Gymraeg i sicrhau bod polisïau, gweithdrefnau, a chymorth i alluogi ein staff i gydymffurfio gyda safonau'r Gymraeg a thargedau gan Lywodraeth Cymru.

Disgrifiad:

Mae Bwrdd Iechyd Prifysgol Aneurin Bevan yn sefydliad GIG sydd wedi ennill sawl gwobr ac sy'n angerddol am ofalu. Mae'r Bwrdd Iechyd yn darparu gweithle eithriadol lle gallwch deimlo yn ymddiriedol a gwerthfawr. Beth bynnag fo'ch arbenigedd neu'ch cam yn eich gyrfa, mae gennym gyfleoedd i bawb ddechrau, tyfu ac adeiladu eich gyrfa. Mae'r Bwrdd Iechyd yn darparu gofal acíwt, sylfaenol a chymunedol integredig sy'n gwasanaethu poblogaeth o 650,000 ac yn cyflogi dros 16,000 o staff.

Rydym yn cynnig pecyn manteision gwych a chyfleoedd hyfforddi a datblygu helaeth gyda hyfforddiant gorfodol â thâl, rhaglenni mewnol rhagorol, cyfleoedd i gwblhau cymwysterau cydnabyddedig a llwybrau gyrfa broffesiynol gan gynnwys ystod o raglenni datblygu rheolwyr. Rydym yn cynnig gweithio hyblyg ac yn hyrwyddo cydbwysedd iach rhwng bywyd a gwaith, yn darparu cymorth iechyd galwedigaethol a chynllun uchelgeisiol ar gyfer Canolfan Ragoriaeth Lles i'ch cefnogi yn y gwaith.

Mae ein strategaeth Dyfodol Clinigol yn parhau i wella a hyrwyddo gofal yn nes at adref yn ogystal â gofal ysbyty o ansawdd uchel pan fo angen. Mae hyn yn cynnwys Ysbyty Athrofaol y Faenor, datblygiad mwyaf newydd i'r strategaeth Dyfodol Clinigol, sy'n darparu gofal arbenigol a critigol a agorwyd ym mis Tachwedd 2020. Ymunwch â ni ar ein taith i arloesi ffyrdd newydd o weithio a darparu gwasanaeth gofal iechyd o'r radd flaenaf sy'n addas ar gyfer y dyfodol.

Mae Gwasanaeth Cyfieithu Bwrdd Iechyd Prifysgol Betsi Cadwaladr yn chwilio am dri Chyfieithydd (dau llawn amser ac un rhan amser) i weithio yn yr Uned Gymraeg flaengar am gyfnod dros dro o 12 mis. Bydd yr ymgeiswyr llwyddiannus yn rhan o dîm cyfieithu'r sefydliad sy’n tyfu yn dilyn buddsoddiad pellach i sicrhau lle blaenllaw i’r Gymraeg o fewn y Bwrdd Iechyd.

Rydym yn chwilio am unigolion sy’n gallu gweithio’n effeithiol i ymateb i anghenion y gwasanaeth o fewn tîm cefnogol a chyfeillgar. Byddem yn croesawu ceisiadau gan gyfieithwyr profiadol yn ogystal â myfyrwyr sydd newydd raddio.

Mae cyfle cyffrous wedi codi i berson trefnus a brwdfrydig i ymuno â Gwasanaeth y Gymraeg Bwrdd Iechyd Prifysgol Betsi Cadwaladr. Bydd yr ymgeisydd llwyddiannus yn rhoi cefnogaeth weinyddol i Dîm y Gymraeg, gan sicrhau bod y gwasanaeth yn cael ei ddarparu'n drefnus ac yn effeithiol.

Rydym yn chwilio am unigolion sy'n gallu gweithio'n gydwybodol i ymateb i anghenion y gwasanaeth, a hynny o fewn tîm cefnogol a chyfeillgar.

Disgrifiad:

Gan weithio fel rhan o Dîm y Gymraeg, bydd deilydd y swydd yn rhoi cymorth gweinyddol llawn i'r Tîm. Bydd hyn yn ei gwneud yn ofynnol i ddeilydd y swydd reoli Porth Gwasanaethau'r Gymraeg, gan ddyrannu gwaith i aelodau'r Tîm Cyfieithu, gan sicrhau bod gwaith yn cael ei ddychwelyd at gleientiaid yn brydlon. Bydd gofyn hefyd i ddeilydd y swydd reoli dyddiaduron, trefnu cyfarfodydd, paratoi papurau cyfarfodydd a chymryd cofnodion. Bydd deilydd y swydd hefyd yn rhoi cymorth o ran rhaglen hyfforddiant y Gymraeg, gan gydlynu'r gronfa ddata a rheoli blwch negeseuon Tiwtor y Gymraeg trwy ddarparu gwybodaeth am gyrsiau i staff.

Gan weithio fel rhan o'r tîm, deilydd y swydd fydd y pwynt cyswllt cyntaf i'r tîm; gallai hyn hefyd gynnwys rhanddeiliaid mewnol ac allanol eraill.

Mae cyfle cyffrous wedi codi i ymuno â’r Tîm Therapi Gwybyddol Ymddygiadol (CBT) Ar-lein fel Cydlynydd CBT Ar-lein, i weithio gartref gyda lleoliad ger Aberhonddu, Powys. Mae’r tîm yn darparu gwasanaeth therapi ar-lein wedi'i gynllunio i helpu plant, pobl ifanc ac oedolion i reoli eu hiechyd meddwl a'u lles.

Rydym yn chwilio am unigolyn brwdfrydig, llawn cymhelliant sydd â phrofiad o CBT i gynnig cymorth clinigol tra'n canolbwyntio ar adferiad a chanlyniadau.

Mae'r gallu i siarad, darllen ac ysgrifennu yn Gymraeg i lefel 4 ar Fatrics Sgiliau Iaith Gymraeg y GIG yn hanfodol, yn ogystal â gradd anrhydedd mewn Seicoleg (neu gymhwyster cyfatebol) a bod yn gymwys ar gyfer aelodaeth raddedig gyfwerth gan Gymdeithas Seicolegol Prydain.

Mae'r gofynion yn cynnwys safonau uchel ym mhob math o gyfathrebu, sgiliau TG sylfaenol, gweithio'n dda o dan bwysau, a meddu ar ddull hyblyg o weithio.

Prif ddyletswyddau'r swydd

* Hybu a gweinyddu’r gwasanaeth CBT Ar-lein, gan gynnwys cynnal cofnodion cleifion, cofrestru defnyddwyr gwasanaeth ar y rhaglen, darparu manylion i roi’r cofrestriad ar waith, cyfathrebu â nhw, eu monitro a chynnig cefnogaeth glinigol trwy gydol y rhaglen. 

* Gwneud penderfyniadau ynglŷn ag addasrwydd atgyfeiriadau newydd, gan lynu at brotocolau atgyfeirio’r adran ac atgyfeirio cleientiaid anaddas i’r gwasanaeth perthnasol.   * Darparu cefnogaeth a chyngor i’r holl weithwyr gofal iechyd proffesiynol sy’n atgyfeirio cleifion, gan ateb unrhyw ymholiadau sydd ganddyn nhw neu eu defnyddwyr gwasanaeth ynglŷn â CBT ar-lein. 

* Ysgogi, annog a chynnig cefnogaeth glinigol dros y ffôn/ trwy e-bost i ddefnyddwyr gwasanaeth gydol yr amser y maen nhw’n cwblhau’r rhaglen CBT Ar-lein. 

* Bod yn rhagweithiol wrth gynnig newidiadau i weithdrefnau a darparu cefnogaeth wrth gyflwyno’r newidiadau hyn. 

* Bod yn gyfrifol am reoli’r protocol ar gyfer monitro ac adrodd ar unrhyw rybuddion ynglŷn â risg, bwriad troseddol neu ddirywiad claf y bydd defnyddwyr yn rhoi gwybod amdanyn nhw naill o fewn y system CBT Ar-lein neu’n uniongyrchol. 

* Rheoli cyfrifoldeb clinigol am unrhyw hunanatgyfeiriadau i’r gwasanaeth CBT ar-lein.

* Darparu hyfforddiant a chefnogaeth barhaus i’r gweithwyr gofal iechyd proffesiynol sy’n atgyfeirio cleifion ynglŷn â’r gwasanaeth CBT Ar-lein. 

Am fanylion pellach am y broses ymgeisio, ewch i: Swyddi Cyfredol - Swyddi Cyfredol - Bwrdd Iechyd Addysgu Powys (gig.cymru)

Gellir gweithio o gartref neu o bell. 

Mae'r swydd hon am gyfnod penodol o 2 flynedd. 

Mae cyfle cyffrous wedi codi i unigolyn brwdfrydig, llawn cymhelliant sydd ag ymagwedd hyblyg gyfrannu at waith pwysig y Gwasanaeth Iechyd yng Nghymru.

Rydyn ni’n awyddus i glywed gan ymgeiswyr, waeth beth fo’u hamgylchiadau neu eu lleoliad daearyddol. Mae ein pencadlys modern wedi’i leoli wrth gyffordd 41 yr M4 ar bwys gorsaf trên Baglan, ac yno rydyn ni’n hyrwyddo gweithio hyblyg. Er mai hwn yw lleoliad swyddogol ar gyfer y swydd, bydden ni’n awyddus i glywed gan bobl sydd eisiau hyblygrwydd yn eu lleoliad gwaith. Hefyd byddai’r swydd hon yn addas i rywun sydd eisiau rhannu swydd.

Bydd yr ymgeisydd llwyddiannus yn meddu ar sgiliau Cymraeg cadarn, ac yn hyderus i’w defnyddio i greu dogfennau ysgrifenedig. Dylech chi gynnwys tystiolaeth o gyfieithu mewn lleoliad ffurfiol ar eich cais. (Cymraeg/Saesneg. Saesneg/Cymraeg).

Bydd yr ymgeisydd llwyddiannus yn ymgymryd â gwahanol ddulliau o gyfieithu. Y dull pwysicaf yw trosi dogfennau o’r naill iaith i’r llall, gan gynnwys adroddiadau, llythyrau a thaflenni gwybodaeth. Hefyd, bydd gwaith trawsgrifio achlysurol o’r Gymraeg i’r Saesneg a’r Saesneg i’r Gymraeg.

Bydd disgwyl i’r ymgeisydd llwyddiannus weithio’n fanwl gywir, a meddu ar ddealltwriaeth dda o becyn Microsoft Office. Byddai profiad blaenorol o feddalwedd cyfieithu proffesiynol hefyd yn fuddiol.

Byddai profiad blaenorol a gwybodaeth o waith y GIG yn fanteisiol, ynghyd â phrofiad o a/neu gymhwyster mewn cyfieithu ar y pryd, ond nid yw hyn yn hanfodol.

Rydyn ni’n ymrwymedig i ddatblygu ein staff a sicrhau bod gan yr holl dîm gydbwysedd priodol rhwng eu bywydau a’u gwaith.

Mae’r gallu i siarad ac ysgrifennu yn Gymraeg yn hanfodol ar gyfer y swydd hon. 

Mae cyfle gwych wedi codi yn ein tîm cyfieithu ym Mhartneriaeth Cydwasanaethau GIG Cymru. Hoffem benodi cyfieithydd profiadol a chymwys i ymuno â'n tîm ymroddedig sydd wedi'i hen sefydlu i ddarparu gwasanaethau cyfieithu i nifer o sefydliadau'r GIG yng Nghymru. Os hoffech chi fod yn rhan o dîm deinamig ac ymroddedig, sy'n darparu gwasanaethau cyfieithu i hwyluso gwasanaethau Cymraeg i GIG Cymru, cleifion, defnyddwyr gwasanaeth a'r cyhoedd, dyma'r swydd i chi!

Crynodeb o'r swydd

Fel Cyfieithydd byddwch yn gweithio o fewn tîm cyfieithu sefydledig yn Uned yr Iaith Gymraeg ym Mhartneriaeth Cydwasanaethau GIG Cymru (NWSSP). Mae Uned yr Iaith Gymraeg wedi ei sefydlu gyda dwy brif swyddogaeth. Y cyntaf yw cynnig arweiniad, cymorth a chyngor i adrannau a meysydd gwasanaeth y sefydliad ar ddarparu gwasanaethau dwyieithog a chydymffurfio â Safonau'r Gymraeg (Rhif 7) 2018 o dan Fesur y Gymraeg (Cymru) 2011. Yn ail mae Uned y Gymraeg yn darparu gwasanaethau cyfieithu i bob adran a maes darparu gwasanaeth ar draws PCGC ac i sefydliadau GIG eraill trwy gytundebau lefel gwasanaeth.

Rydym am recriwtio Cyfieithydd cymwys a phrofiadol ble mae o leiaf dwy flynedd o brofiad ym maes cyfieithu yn hanfodol, gyda'r gallu i gyfieithu a phrawfddarllen testun rhwng 2,500 a 3,000 o eiriau'r dydd ar amrywiaeth o wahanol bynciau.

Byddwch yn gweithio mewn amgylchedd ble mae trosiant gwaith yn gyflym, lle byddwn yn trosi mwy na 100,000 o eiriau yr wythnos fel tîm craidd. Bydd y gallu i reoli eich llwyth gwaith eich hun, blaenoriaethu eich llwyth gwaith a chwrdd â therfynau amser tyn sy'n gwrthdaro yn hynod o bwysig.

Prif ddyletswyddau'r swydd

Darparu cyfieithiadau ysgrifenedig o'r Saesneg i'r Gymraeg ac o'r Gymraeg i'r Saesneg gan ddefnyddio amrywiaeth o offer TG gan gynnwys ond heb fod yn gyfyngedig i apiau Microsoft Office a'r defnydd o dermau a meddalwedd cof cyfieithu.

Prawfddarllen a sicrhau ansawdd eich gwaith a gwaith eraill yn y tîm cyn ei gyhoeddi.

Cydgysylltu ag aelodau'r tîm a chleientiaid sy'n defnyddio ein gwasanaethau bob dydd.

Dilyn protocolau a gweithdrefnau adrannol a rheoli eich llwyth gwaith yn effeithiol ac yn effeithlon gydag ychydig iawn o oruchwyliaeth.

Ymchwilio a sicrhau cysondeb yn y derminoleg a ddefnyddir.

Amdanom ni

Sefydlwyd Uned Iaith Gymraeg Cydwasanaethau GIG Cymru yn 2016. Mae'r adran wedi datblygu a thyfu ers hynny, i fodloni'r galw o fewn GIG Cymru am wasanaethau cyfieithu. Rydym yn darparu gwasanaethau cyfieithu o'r radd flaenaf i PCGC a Sefydliadau GIG eraill.

Byddwch yn gweithio mewn amgylchedd cyflym, lle na fydd unrhyw ddiwrnod yr un fath, yn cyfieithu a phrawfddarllen amrywiaeth o ddogfennau a chynnwys testun.

Rydym yn dîm proffesiynol a chefnogol sy'n cynnig cyfleoedd ar gyfer hyfforddiant a datblygiad o fewn y rôl.

I ddarparu gwasanaeth gwybodaeth a chefnogaeth hygyrch i ofalwyr di-dâl cleifion a gofalwyr di-dâl sydd yn gleifion yn Ysbyty Glan Clwyd, gyda’r nod o wella profiad gofalwyr a galluogi gofalwyr i ymdopi’n well gyda’r rôl gofalu.

Dyletswyddau Penodol:

1. Hyrwyddo’r gwasanaeth ac adnabod “gofalwyr cudd” sydd angen cymorth.
2. Derbyn a rheoli ymholiadau a chyfeiriadau, gan weithio’n agos gyda’r tîm aml-ddisgyblaethol i drafod, blaenoriaethu a delio gydag achosion.
3. Asesu anghenion gofalwyr a phenderfynu ar y ddarpariaeth gwybodaeth a chefnogaeth fwyaf addas ac ar y weithred a chamau fwyaf addas er mwyn ateb yr anghenion a nodwyd.
4. Hwyluso ymgynghoriad llawn gyda’r gofalydd o ran cynllunio ar gyfer gadael yr ysbyty a sicrhau fod anghenion y gofalydd yn cael eu hystyried a’i diwallu mewn cynlluniau gadael yr ysbyty ac mewn trefniadau iechyd a gofal cymdeithasol cymunedol lle bo’n briodol.
5. Gweithredu a chynnal sustem monitro a gwerthuso effeithiol er mwyn cofnodi’r gwaith a wnaed a’r deilliannau.
6. Darparu gwybodaeth ac arweiniad i’r tîm aml-ddisgyblaethol ac i weithwyr iechyd a gofal cymdeithasol eraill o ran hawliau a materion gofalwyr.
7. Bod yn gyfrifol am dasgau gweinyddol sy’n ymwneud â’r dyletswyddau uchod.
8. Paratoi a chyflwyno adroddiadau chwarterol i’r Prif Swyddog.
9. Mynychu cyfarfodydd a chyrsiau hyfforddi fel y bo angen, gan gynnwys cyfarfodydd staff a sesiynau goruchwylio gyda’r Prif Swyddog.

Wedi'i leoli yn Ysbyty Gwynedd a swyddfa Gwasanaeth Cynnal Gofalwyr yn Intec, Parc Menai, Bangor. Bydd angen rhywfaint o deithio i ysbytai cymunedol lleol.

Rhaid bod â mynediad at gludiant i deithio rhwng lleoliadau.

Diben y swydd:

I ddarparu gwasanaeth gwybodaeth a chefnogaeth hygyrch i ofalwyr di-dâl cleifion a gofalwyr di-dâl sydd yn gleifion yn Ysbyty Gwynedd, gyda’r nod o wella profiad gofalwyr a galluogi gofalwyr i ymdopi’n well gyda’r rôl gofalu.

Dyletswyddau Penodol:

1. Hyrwyddo’r gwasanaeth ac adnabod “gofalwyr cudd” sydd angen cymorth.
2. Derbyn a rheoli ymholiadau a chyfeiriadau, gan weithio’n agos gyda’r tîm aml-ddisgyblaethol i drafod, blaenoriaethu a delio gydag achosion.
3. Asesu anghenion gofalwyr a phenderfynu ar y ddarpariaeth gwybodaeth a chefnogaeth fwyaf addas ac ar y weithred a chamau fwyaf addas er mwyn ateb yr anghenion a nodwyd.
4. Hwyluso ymgynghoriad llawn gyda’r gofalydd o ran cynllunio ar gyfer gadael yr ysbyty a sicrhau fod anghenion y gofalydd yn cael eu hystyried a’i diwallu mewn cynlluniau gadael yr ysbyty ac mewn trefniadau iechyd a gofal cymdeithasol cymunedol lle bo’n briodol.
5. Gweithredu a chynnal sustem monitro a gwerthuso effeithiol er mwyn cofnodi’r gwaith a wnaed a’r deilliannau.
6. Darparu gwybodaeth ac arweiniad i’r tîm aml-ddisgyblaethol ac i weithwyr iechyd a gofal cymdeithasol eraill o ran hawliau a materion gofalwyr.
7. Bod yn gyfrifol am dasgau gweinyddol sy’n ymwneud â’r dyletswyddau uchod.
8. Paratoi a chyflwyno adroddiadau chwarterol i’r Prif Swyddog.
9. Mynychu cyfarfodydd a chyrsiau hyfforddi fel y bo angen, gan gynnwys cyfarfodydd staff a sesiynau goruchwylio gyda’r Prif Swyddog.

• Bydd deiliad y swydd yn darparu gwasanaeth cyfieithu arbenigol o'r Saesneg i'r Gymraeg ac o'r Gymraeg i'r Saesneg er mwyn galluogi'r Bwrdd Iechyd Prifysgol i weithredu'r egwyddor na fydd yn trin y Gymraeg yn llai ffafriol na'r Saesneg, yn unol â deddfwriaeth y Gymraeg a Safonau'r Gymraeg.

• Bydd deiliad y swydd yn rhoi cyngor, arweiniad a chymorth i gydweithwyr gan gynnwys Aelodau'r Bwrdd, y Cyfarwyddwr Gweithredol Dros Bobl a Swyddogaethau Corfforaethol ar faterion sy'n ymwneud a'r Gymraeg.

• Bydd y rôl hon yn rhoi cymorth i'r Rheolwr Gwasanaethau Cymraeg, y Pennaeth Cydymffurfiaeth, Polisi a'r Agenda ar gyfer Newid a'r Uwch Dîm Gweithredol wrth ddatblygu a chyflawni agenda'r Gymraeg.

• Bydd deiliad y swydd yn helpu i ddarparu gwasanaeth Cymraeg cynhwysfawr, yn unol a pholisïau a gweithdrefnau Cymraeg Bwrdd Iechyd Prifysgol Cwm Taf Morgannwg a Safonau'r Gymraeg.

• Datblygu a rheoli ein gwasanaeth cyfieithu, gan gynnwys bod yn rheolwr llinell ar y tim cyfieithu a'u datblygiad proffesiynol.

• Sicrhau bod technoleg cyfieithu yn cael ei defnyddio'n llawn ac yn briodol ym mhob agwedd ar waith y Tim Cyfieithu.

• Darparu gwasanaeth cyfieithu proffesiynol o ansawdd uchel, a bod yn gyfrifol am reoli ansawdd a diogelwch o ran gwaith ysgrifenedig yn Gymraeg.

• Rhoi cyngor i staff ar bolisi iaith o fewn gofal sylfaenol a gofal eilaidd.

• Monitro cydymffurfiaeth drwy'r Bwrdd Iechyd.

• Dirprwyo ar ran y Rheolwr Gwasanaethau Cymraeg lle bo angen.

• A ydych am helpu a gofalu am bobl?

• A ydych yn barod am her?

• A fyddech yn hoffi bod yn Nyrs Gofrestredig, ond nad ydych yn teimlo'n barod nac y gallwch barhau mewn addysg lawn-amser (ysgol, coleg neu brifysgol)?

• A fyddech yn hoffi dysgu ac ennill arian?

Os ydych wedi ateb yn gadarnhaol i bob un o'r cwestiynau uchod, yna gallai'r rôl hon fod yn addas ar eich cyfer chi!

Mae'r rhaglen Prentisiaeth Gofal Iechyd yn gyfle cyffrous a fydd yn eich galluogi i hyfforddi i ddod yn Nyrs Gofrestredig trwy ddysgu seiliedig ar waith. Byddwch yn dechrau arni trwy gwblhau Prentisiaeth Sylfaen mewn Gofal Iechyd Clinigol (lefel 2), cyn parhau i Brentisiaeth mewn Cymorth Gofal Iechyd Clinigol (lefel 3), ac yna'n ymgymryd ag addysg prifysgol ar drefniant rhan-amser, gan ddechrau ar lefel 4.

Sut y mae'r Rhaglen Prentisiaeth Gofal Iechyd yn wahanol i unrhyw raglen brentisiaeth arall?

Mae’r Rhaglen Prentisiaeth Gofal Iechyd yn cyfuno llawer o raglenni dysgu mewn un, sy’n dangos ein bod wedi ymrwymo i brofi llwybr uniongyrchol i nyrsio. Ni fydd angen i chi ailymgeisio am y cymwysterau gwahanol wrth fynd ymlaen. Pan fyddwch wedi cwblhau'r rhaglen, byddwch yn Nyrs Gofrestredig gymwys, ac ni fyddwch wedi gorfod talu am unrhyw ffioedd prifysgol. Byddwch yn ennill arian trwy gydol yr amser y byddwch yn dysgu. 

Pan fyddwch wedi dod yn Nyrs Gofrestredig, disgwylir i chi barhau'n gyflogedig gyda'r Bwrdd Iechyd am o leiaf dwy flynedd.   Prif ddyletswyddau'r swydd

**Gofal iechyd **

Byddwch yn gweithio ochr yn ochr â nyrsys cofrestredig a gweithwyr gofal iechyd proffesiynol eraill, a fydd yn rhoi cipolwg i chi ar ofal ar lefel ragarweiniol, yn cynnwys gweithio gyda mentor yn ardaloedd y cleifion, gan eich paratoi i ddarparu gofal i gleifion.     Gwaith Domestig/Porthora

Bydd y rôl hon yn eich galluogi i ddod yn gyfarwydd â chynllun yr ysbyty, yn ogystal â'r safonau a ddisgwylir mewn amgylchedd gofal iechyd. Byddwch yn rhyngweithio â chleifion ac yn datblygu eich sgiliau cyfathrebu, gan amlygu'r rhinweddau y mae eu hangen i ddod yn nyrs y dyfodol. Bydd yn rhoi cipolwg ar y modd y mae gwasanaethau cymorth yn chwarae rhan bwysig mewn gofal cleifion, trwy ddarparu amgylchedd hylan. Gan fod maeth a hydradiad yn rhan hanfodol o ofal cleifion, bydd hyn yn rhoi cipolwg ar wasanaeth bwyd, 'Bwydlen Cymru Gyfan', gofynion deietegol a phrosesau adrodd.  

Gwaith gweinyddol sy'n canolbwyntio ar gleifion

Bydd y rôl hon yn eich galluogi i ddod yn gyfarwydd â'r systemau gweinyddol mewn amgylchedd gofal iechyd. Rhoddir sylw i brosesau cofnodi a'r angen am gyfrinachedd a pharch mewn perthynas â gwybodaeth cleifion. Byddwch yn rhyngweithio â chleifion ac yn datblygu eich sgiliau cyfathrebu llafar, gan ddatblygu eich cydnerthedd wrth ddelio â chleifion a staff. Bydd y lleoliad yn rhoi cipolwg ar systemau TG amrywiol, gan roi profiad o gyfathrebu trwy e-bost, dros y ffôn ac wyneb yn wyneb. Bydd hyn yn rhoi profiad cyfannol, i ddatblygu nyrsys y dyfodol.   Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

• Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

• Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

• 48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

• Lleoliadau niferus yn darparu gwasanaethau iechyd meddwl ac anableddau dysgu;

• Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.

  Swydd ddisgrifiad a phrif gyfrifoldebau manwl

Beth y mae'r Rhaglen Prentisiaeth Gofal Iechyd yn ei olygu?

• Byddwch yn ymgymryd â chwrs ymsefydlu cynhwysfawr, a fydd yn eich paratoi ar gyfer lleoliadau gwaith yn y Bwrdd Iechyd

• Byddwch yn cael cymorth gan fentor yn y gweithle

• Byddwch yn cael yr hyn sy'n gyfwerth â diwrnod yr wythnos o 'hyfforddiant i ffwrdd o’r gwaith', er mwyn meithrin eich dysgu

• Byddwch yn cael mentor o'r coleg

• Byddwch yn mynd i weithdai, lle bydd gennych gyfle i drafod a rhannu syniadau

• Byddwch yn gweithio tuag at gael cymwysterau galwedigaethol, gan ddatblygu trwy'r lefelau wrth i chi feithrin hyder a phrofiad

• Byddwch yn cwblhau pedwar lleoliad gwaith ar gylchdro yn ystod y ddwy flynedd gyntaf, a hynny yn y meysydd canlynol:

  • Gwaith Domestig/Porthora
  • Gwaith Gweinyddol sy'n Canolbwyntio ar Gleifion
  • Gofal Iechyd

Pa gymwysterau y byddaf yn eu cael?

• Prentisiaeth Sylfaen Lefel 2

  • Tystysgrif Lefel 2 mewn Gofal Iechyd Clinigol
  • Sgiliau Hanfodol Lefel 1 mewn Cymhwyso Rhif
  • Sgiliau Hanfodol Lefel 1 mewn Cyfathrebu
  • Sgiliau Hanfodol Lefel 1 mewn Llythrennedd Digidol

• Prentisiaeth Lefel 3

  • Diploma Lefel 3 mewn Cymorth Gofal Iechyd Clinigol
  • Sgiliau Hanfodol Lefel 2 mewn Cymhwyso Rhif
  • Sgiliau Hanfodol Lefel 2 mewn Cyfathrebu
  • Sgiliau Hanfodol Lefel 2 mewn Llythrennedd Digidol

• Tystysgrif Lefel 4 mewn Gofal Iechyd

• BSc (Gradd) mewn Nyrsio Cyffredinol Oedolion

Beth yw'r gofynion mynediad?

• Rhaid i chi fod yn unigolyn caredig a gofalgar sy'n frwd dros helpu pobl eraill

• Rhaid i chi fod yn 16 mlwydd oed neu'n hŷn ym mis Medi 2022

• Mae'n rhaid bod gennych yr hawl i weithio yn y Deyrnas Unedig

• Rhaid i chi allu amlygu caredigrwydd a thosturi ac angerdd dros helpu eraill

• Rhaid i chi allu amlygu parodrwydd i weithio'n galed

• Ni ddylech feddu ar gymhwyster lefel 3 llawn ym maes iechyd (os nad ydych yn siŵr, cysylltwch â ni)

• Ni ddylech fod mewn unrhyw addysg ffurfiol a ariennir gan y llywodraeth ar adeg dechrau'r Rhaglen Prentisiaeth Gofal Iechyd

Os oes gennych ddiddordeb yn y rhaglen hon, llenwch y ffurflen gais sydd wedi'i hatodi, a hynny cyn y dyddiad cau. Yn yr adran 'Gwybodaeth Ategol', dywedwch wrthym pam yr ydych yn credu y dylech gael eich dethol ar gyfer y cyfle hwn, a hynny mewn dim mwy na 100 gair y cwestiwn.

• Beth sy'n gwneud gofalwr da yn eich barn chi?

• Pam yr ydych yn credu y byddech yn ddysgwr da?

• Pam yr hoffech fod yn Nyrs Gofrestredig?

• Sut y byddech chi/eich teulu/eich ffrindiau yn teimlo pe byddech yn dod yn Nyrs Gofrestredig?

Ar ôl y dyddiad cau, estynnir gwahoddiad i’r rheiny a fydd wedi cyrraedd y rhestr fer yn llwyddiannus fynd i ddiwrnod asesu. Bydd hwn yn ddiwrnod llawn hwyl ac yn gyfle i chi gwrdd â ni, yn ogystal â chael rhagor o wybodaeth am y rhaglen. Bydd gofyn hefyd i ymgeiswyr sy’n cyrraedd y rhestr fer ddarparu fideo byr yn cyflwyno eu hunain i’r Academi Prentisiaethau.   Os cewch eich recriwtio’n llwyddiannus, byddwch yn dechrau eich cyflogaeth o fod yn Brentis Gofal Iechyd gyda Bwrdd Iechyd Prifysgol Hywel Dda ym mis Medi 2022. Bydd y rheiny nad oeddent yn llwyddiannus y tro hwn yn cael cynnig cymorth gennym ni, eu Coleg lleol, Canolfan Gyrfa Cymru a'r Ganolfan Waith.

Pam y dylech wneud cais am brentisiaeth ym Mwrdd Iechyd Prifysgol Hywel Dda?

• Dyma rai o'r rhesymau dros wneud hynny

• Mae prentisiaethau'n ffordd wych o ddechrau ar yrfa yn y GIG

• Mae prentisiaethau'n cyfuno hyfforddiant ymarferol â chyflogaeth sy'n talu (‘dysgu wrth ennill’)

• Mae prentisiaethau'n cynnig cyfle i weithio ochr yn ochr â staff profiadol a fydd yn eich cefnogi ac yn eich helpu i feithrin y sgiliau ymarferol y mae arnoch eu hangen

• Byddwch yn ennill cymwysterau sy'n cael eu cydnabod yn genedlaethol, a hynny heb orfod talu ffioedd dysgu

• Mae prentisiaethau'n gam cyntaf posibl at hyfforddiant proffesiynol (e.e. i fod yn nyrs, yn beiriannydd)

• Mae'n brofiad gwych – gweithio mewn tîm, a gwneud gwahaniaeth go iawn

Manyleb y person

Cymwysterau a gwybodaeth

Meini prawf hanfodol

• Saesneg a Mathemateg i safon resymol

Gwybodaeth Ategol

Meini prawf hanfodol

• Beth sy'n gwneud gofalwr da yn eich barn chi?

• Pam yr ydych yn credu y byddech yn ddysgwr da?

• Pam yr hoffech fod yn Nyrs Gofrestredig?

• Sut y byddech chi/eich teulu/eich ffrindiau yn teimlo pe byddech yn dod yn Nyrs Gofrestredig?

Profiad

Meini prawf hanfodol

• Y gallu i weithio mewn amgylchedd tim

• Deall pwysigrwydd ymddygiad proffesiynol

Meini prawf dymunol

• Profiad y gellir ei ddangos mewn amgylchedd gofalgar – gall fod o wirfoddoli neu brofiad gwaith

• Profiad y gellir ei ddangos o weithio gyda gosodiadau TG yn cynnwys Microsoft Office

Gwasanaeth Cynnal Gofalwyr yw’r prif fudiad sy’n cynnig gwybodaeth a chefnogaeth i oedolion sy’n ofalwyr di-dâl yng Ngwynedd, Conwy ac Ynys Môn. Wedi’i sefydlu ym 1991, daeth y mudiad yn elusen gofrestredig ym 1997, ac mae wedi mynd o nerth i nerth, gan sicrhau bod gofalwyr di-dâl yn ganolog i bopeth a wna.

Mae gofalwyr di-dâl yn parhau i wynebu heriau di-ri, ac mae mwy o lawer y medrir ei wneud o hyd i wella a chefnogi eu bywydau ymhellach.

Ydych chi’n barod am yr her hon?

Am ragor o wybodaeth a phecyn cais, cysylltwch â Julie Oatey ar help@carersoutreach.org.uk i ofyn am becyn swydd.

Dyddiad cau ar gyfer ceisiadau: Hanner dydd, 6 Mehefin 2022

Fel Rheolwr Ymchwil, chi fydd arweinydd Gofal Cymdeithasol Cymru ac arbenigwr technegol ar ymchwil a gwerthuso.

Bydd y gwaith yn amrywiol. Byddwch yn goruchwylio’r gwaith o gomisiynu a chyflwyno ymchwil o ansawdd uchel, yn cydweithio ag ymchwilwyr allanol, yn rheoli prosiectau gosod blaenoriaethau, yn eistedd ar baneli ariannu a grwpiau cynghori, ac yn arwain y gwaith o ddatblygu a gweithredu meysydd sy’n ymwneud ag ymchwil yn y strategaeth ymchwil a datblygu. ar gyfer gofal cymdeithasol i Gymru.

Byddwch hefyd yn gweithio gyda’r tîm Ymchwil, Data ac Arloesedd i ddefnyddio gwybodaeth i bobl sy’n gweithio ym maes gofal cymdeithasol, gan wneud yn siŵr bod ein buddsoddiad o amser ac arian mewn ymchwil yn gwneud gwahaniaeth.

Byddwch yn gyfarwydd â dulliau ymchwil cymdeithasol a phryd a sut i'w cymhwyso. Yn bwysicach fyth, byddwch yn fedrus wrth ddeall pryd y gall ymchwil ychwanegu gwerth a sut i wneud hynny datblygu dulliau ymchwil a gwerthuso mewn ymateb.

Am fwy o wybodaeth, cysylltwch â Lisa Trigg ar lisa.trigg@gofalcymdeithasol.cymru.

Mae gennym un swydd rheolwr a phedair swydd swyddog.

Bydd y rol yn cyfrannu’n uniongyrchol at y rhaglen gwaith canlynol sy’n berthnasol i’r sector gwaith cymdeithasol a gofal cymdeithasol:

• Cefnogi datblygiad a lleoliad gweithwyr cymdeithasol a gwaith cymdeithasol proffesiynol, trwy weithio gydag ystod eang o asiantaethau partner a chydweithwyr.

Bydd gan yr ymgeiswyr delfrydol sgiliau rhyngbersonol hynod effeithiol, profiad cryf o arwain prosiectau, cefnogi a chynllunio, profiad o weithio gydag ystod o randdeiliaid a'r gallu i gasglu a dadansoddi adborth o'r sector i lywio'r maes rhaglen hwn.

Os hoffwch drafod y rôl yma, cysylltwch â Cathryn Thomas ar cathryn.thomas@gofalcymdeithasol.cymru.

Bydd cyfweliadau yn cael ei gynnal ar 10 Mehefin 2022.

Sut i ymgeisio I wneud cais am y swydd, llenwch ffurflen gais. Dylid anfon ffurflenni cais a chydraddoldeb wedi’u llenwi i TimAD@gofalcymdeithasol.cymru.

Caerdydd, Cymru

£17,538 y flwyddyn (yn cynnwys lwfans pwysoliad Caerdydd)

Rhan amser 21 awr

Cyfnod penodol hyd at 31ain Mawrth 2025

Mae gennym nodau pwysig dros y blynyddoedd nesaf. Rydyn ni'n mynd i frwydro dros iechyd meddwl mewn ffordd na wnaethom erioed o’r blaen. Gyda’n gilydd, byddwn yn gweithio i wneud yn siŵr bod pawb sydd â phroblem iechyd meddwl yn cael y gefnogaeth a’r parch maen nhw’n eu haeddu. Wnewch chi ymuno â ni? Rydyn ni'n chwilio am Swyddog Ymgysylltu Digidol profiadol a medrus i helpu i gyflawni pedwerydd cam y Rhaglen Amser i Newid Cymru. Gan weithio dan gyfarwyddyd Arweinydd Ymgyrchoedd a Strategaeth Amser i Newid Cymru a Rheolwr y Rhaglen, byddwch yn:

• Cyflawni gweithgareddau ymgysylltu o ddydd i ddydd ar gyfer y rhaglen, gan ganolbwyntio’n benodol ar gynulleidfaoedd targed newydd yn unol ag amcanion cyffredinol strategaeth a rhaglen Marchnata Amser i Newid Cymru.
• Cyfrannu at ymgyrch uchel ei phroffil o ansawdd uchel yng Nghymru o ran lleoli a negeseua, gan gynnwys ym maes cyfathrebu rhaglenni, cysylltiadau cyhoeddus, marchnata a chyfathrebu.
• Gweithio’n agos gyda’r Arweinydd Ymgyrchoedd a Strategaeth a’r Swyddog Cyfathrebu Marchnata i sicrhau dull gweithredu cwbl integredig ar gyfer cyfathrebu ar draws nifer o sianeli ar-lein ac all-lein.
• Gwella profiad defnyddwyr ac ymgysylltiad digidol â’r ymgyrch drwy’r wefan, asedau digidol creadigol, a chreu calendr cynnwys rheolaidd ar gyfer sianeli cyfryngau cymdeithasol a llwyfannau digidol.

Byddwch yn gweithio’n agos gydag aelodau’r tîm ym Mind Cymru ac Adferiad, felly mae’r gallu i feithrin perthnasoedd gwaith da yn hanfodol. Bydd angen i chi hefyd fod yn fodlon teithio o bryd i’w gilydd fel rhan o’ch swydd i fynychu cyfarfodydd oddi ar y safle.

Dyddiad Cau: 18eg Mai 2022

Mae Mind wedi ymrwymo i gyfle cyfartal i bob aelod o staff, ac mae ceisiadau yn cael eu hannog gan unigolion waeth beth yw eu hoed, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Edrychwch ar y Disgrifiad o’r Swydd pan fyddwch chi’n cwblhau eich cais oherwydd bydd ymgeiswyr yn cael eu dewis i’r rhestr fer yn seiliedig ar i ba raddau maen nhw’n bodloni’r meini prawf.

Gwybodaeth Ychwanegol:

Cliciwch ar ddolen YMGEISIWCH YMA i wneud cais am yr hysbyseb swydd ar ein gwefan