Cyfieithydd Gymraeg ac ysgrifennwr copi

Gwahoddwn rhai â diddordeb mewn hybu gwaith Cristnogol ac Eglwysig i ymddiddori yn y swydd o Gynorthwyydd Gweinidogaethol i wasanaethu yng Ngofalaeth Cylch Llandeilo a’r Arfordir.

Oriau: 35 awr yr wythnos

Cytundeb: 3 blynedd gyda’r 6 mis cyntaf yn gyfnod prawf

Cyflog: Graddfa 25-30 (£25,913 - £28,049) a chyfle i ymuno â Phensiwn EBC

Mae’r Swydd hon yn amodol ar ddatgeliad DBS manwl a dau eirda boddhaol. 

Mae gofyniad galwedigaethol Cristnogol ac Iaith Gymraeg yn berthnasol ar gyfer y swydd hon. 

Dyddiad cau: 16:00 Dydd Gwener 12 o Awst ,2022 

Rhagwelir y bydd y cyfweliadau yn cael eu cynnal ar Dydd Gwener 9fed o Medi ,2022

Am fwy o wybodaeth, ac am ffurflen gais, cysylltwch gyda:- e-bost – hedd.morgan@ebcpcw.cymru, ffôn - 02920 627 465 gan nodi – “Swydd Cynorthwy-ydd Gwenidogaethol, Llandeilo, Myrddin”

Mae Henaduriaeth Myrddin EBC yn edrych i sicrhau person i weithio fel Cynorthwy-ydd Gweinidogaethol o fewn Gofalaeth y Gwendraeth, Sir Gaerfyrddin.

Oriau: 35awr yr wythnos. 

Cytundeb: 3 blynedd, gyda’r chwe mis cyntaf yn gyfnod prawf.

Cyflog: Graddfa 26-30 Graddfa EBC, (£25,913 - £28,049) ynghyd â lwfans tŷ, lwfans car, costau, a chyfle i ymuno â Chynllun Pensiwn EBC.

Mae'r swydd yn seiliedig ar ddatgeliad DBS boddhaol a dau eirda (dylai un ohonynt fod yn gyflogwr blaenorol). 

Mae gan y swydd hon ofyniad galwedigaethol i ddeilydd y swydd fod yn Gristion ymroddedig ac yn rhugl yn y Gymraeg a’r Saesneg.

Dyddiad cau: 16:00 Dydd Gwener 12 o Awst ,2022 

Rhagwelir y bydd y cyfweliadau yn cael eu cynnal ar Dydd Gwener 9fed o Medi ,2022

Am fwy o wybodaeth, ac am ffurflen gais, cysylltwch gyda:- e-bost – hedd.morgan@ebcpcw.cymru ffôn - 02920 627 465 gan nodi – ‘Swydd Cynorthwy-ydd, Gwendraeth, Myrddin’

Rydym yn chwilio am berson brwdfrydig i weithio gyda darpariaethau Mudiad Meithrin o fewn dalgylch daearyddol penodol. Dylai’r person fod yn frwd dros y Gymraeg, gyda phersonoliaeth sy’n caniatáu iddi/iddo gyfathrebu yn effeithiol ar sawl lefel. Bydd disgwyl i’r person fod yn swyddog cyswllt i glwstwr o ddarpariaethau mewn ardal ddaearyddol benodol. Yn ychwanegol i hynny, ac fel rhan o dîm, bydd disgwyl i’r person gefnogi gwaith yr holl ddarpariaethau yn y dalaith i gynnal a chadw ansawdd a safon. Mae Mudiad Meithrin yn cynnig pecyn anwytho cynhwysfawr a rhaglen o hyfforddiant llawn yn ôl yr angen.

Mae'r rôl yn cynnwys gwaith paratoi Cyfrifon Blynyddol, ffurflenni TAW a dyletswyddau cadw cyfrifon cyffredinol cleientiaid ynghyd a chynorthwyo cleientiaid gydag unrhyw ymholiadau sydd ganddynt.

Profiad neu wybodaeth gyfrifeg flaenorol yn ddymunol ond nid yn hanfodol.

A ydych yn chwilio am her newydd ac yn awyddus i ddatblygu eich gyrfa trwy gael profiad o weithio o fewn gwasanaeth sy’n cynghori a chefnogi trefniadau busnes corfforaethol y Cyngor? Dyma gyfle i unigolion brwdfrydig sy’n medru ysgogi eu hunain i gyflwyno cais am swydd Swyddog Cefnogi Busnes.

Bod yn rhan o dîm sy’n gyfrifol am ddarparu gwasanaeth cefnogi tai effeithiol ac o ansawdd uchel drwy ddarparu cefnogaeth weinyddol gynhwysfawr ac ymyraethau defnyddiwr gwasanaeth lefel isel.

Cyffredinol: Cydymffurfio â Pholisi Diogelu Corfforaethol yr awdurdod lleol a’r dyletswyddau a chyfrifoldebau diogelu y mae’r polisi hwnnw’n ei roi ar bob gweithiwr, gan gydweddu â gwerthoedd craidd yr Awdurdod sy’n cynnwys cefnogi plant, oedolion a all fod mewn perygl a’u teuluoedd er mwyn eu cadw’n ddiogel ac iach. 

Dyma cyfle arbennig i ymuno a thîm hwyliog a phrysur Gwersyll yr Urdd Llangrannog. Rydym yn chwilio am unigolyn brwdfrydig, llawn egni i fod yn rhan o’n dim gofal cwsmer gan cynnig cymorth gweinyddol i adrannau’r Gwersyll. 

Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth.

Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.

Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.

(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)

Mae hon yn hysbyseb ar gyfer swydd Cyfieithydd llawn amser, ond rydym yn barod i ystyried ceisiadau i weithio’n rhan amser. 

Rydym yn dymuno penodi unigolyn sydd â phrofiad o gyfieithu a chyfieithu ar y pryd, fodd bynnag, byddem yn croesawu ceisiadau gan unigolion di-brofiad sy’n fodlon ymroi i ddysgu’r grefft. Bydd graddfa cyflog y swydd yn adlewyrchu lefel y profiad.   Cysylltwch â Bethan Mair Evans bethanmairevans@gwynedd.llyw.cymru neu 01286 679050 am sgwrs.

Dyddiad cynnal cyfweliadau i’w gadarnhau.

Ffurflenni cais a manylion pellach gan, Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH Ffôn: 01286 679076 

eBost: Swyddi@gwynedd.llyw.cymru

DYDDIAD CAU: 10.00 O’R GLOCH, DYDD IAU, 25/08/2022 Os yn llwyddiannus i fod ar y rhestr fer am gyfweliad, byddwn yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais. Mae angen i chwi sicrhau eich bod yn gwirio eich E-BOST yn rheolaidd.

Urdd Gobaith Cymru yw mudiad ieuenctid cenedlaethol mwyaf Cymru sy’n darparu cyfleoedd i blant a phobl ifanc ymwneud â chwaraeon, y celfyddydau, gwirfoddoli, hyfforddiant, gwaith dyngarol, rhyngwladol a phreswyl, sy’n eu galluogi i wneud cyfraniad cadarnhaol i’w cymuned a’r byd yn ehangach.

Ers ei sefydlu yn 1922, mae’r mudiad wedi meithrin cenedlaethau o bobl ifanc i fod yn falch o’u gwlad, yn agored i eraill ac yn ymgorfforiadau o’n hiaith a’n diwylliant, yn ogystal â meddu ar y gwerthoedd byd-eang y parchir yng Nghymru. Hyd yma mae dros 4 miliwn o bobl wedi bod yn aelodau o’r Urdd ac eleni mae’r mudiad yn edrych ymlaen at ddathlu ei ganmlwyddiant a chydag nifer o ddigwyddiadau mawr wedi’u cynllunio’n arbennig. Yr Urdd yw cyflogwr trydydd sector cyfrwng Cymraeg mwyaf yng Nghymru, gyda dros 200 o staff wedi’u lleoli mewn 12 swyddfa ledled Cymru. Roedd ei drosiant blynyddol cyn Covid bron yn £12M, a daeth â gwerth economaidd o £32M i Gymru yn ystod 2019/20.   Anfonwch ffurflen gais ar e-bost at swyddi@urdd.org Am fwy o wybodaeth plîs cysylltwch gyda Sian Rogers, Cyfarwyddwr Ieuenctid a Chymuned ar sianrogers@urdd.org   Dyddiad Cau: Awst 15fed

Dyddiad Cyfweld: Awst 22   Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ymgeiswyr o bob cefndir a chymuned, ac yn benodol y rhai sydd heb gynrychiolaeth ddigonol yn ein gweithlu ar hyn o bryd. Mae’r rhain yn cynnwys ond nid ydynt yn gyfyngedig i ymgeiswyr anabl a phobl ddiwylliannol ac ethnig amrywiol. 

Bydd ymgeiswyr llwyddianus wedi eu lleoli o swyddfa Aberystwyth gan fod o fewn pellter cymudo. Er hynny, bydd hefyd ddisgwyl iddynt allu gweithio o bell.

Bydd y Goruchwyliwr Biwro yn atebol i Arweinydd y Biwro. Bydd deiliad y swydd yn gyfrifol am gynorthwyo Arweinydd y Biwro gyda rhedeg gwasanaeth EIDCymru o ddydd i ddydd, yn ogystal â goruchwylio staff y Biwro. Bydd yn ofynnol i ddeiliad y swydd ddarparu cymorth technegol arbenigol i geidwaid mewn perthynas â mewnbynnu a chydlynu'r wybodaeth am symudiadau a dderbynnir gan EIDCymru.

Mae rhoi'r cwsmer wrth wraidd yr hyn a wnawn yn hollbwysig. Mae hyn yn golygu darparu gwasanaeth cwsmeriaid rhagorol i randdeiliaid, partneriaid cyflenwi a chwsmeriaid, yn fewnol ac yn allanol, gan sefydlu beth yw eu hanghenion a'u gofynion a gwirio eu dealltwriaeth o'r camau sydd eu hangen. Mae'n cynnwys delio ag ymholiadau cwsmeriaid yn broffesiynol dros y ffôn, ar e-bost a sianelau eraill yn effeithiol, darparu gwybodaeth amserol a chywir o'r canllawiau presennol, a sicrhau bod camau dilynol yn cael eu cwblhau o fewn amserlenni y cytunwyd arnynt i fodloni disgwyliadau cwsmeriaid.

Os ydych chi’n ystyried eich hun yn gyfathrebwr ardderchog, yn gweithio’n awyddus mewn tîm, a bod gennych sgiliau trefnu gwych, efallai mai chi yw’r person y mae arnom ei eisiau.

Mae hon yn rôl brysur ond diddorol o fewnein helusen, felly bydd yn rhaid i chi flaenoriaethu eich baich gwaith, a gweithredu yn gall ac yn synhwyrol yn ôl ein polisïau a threfniadaeth. Mae’r gallu i siarad Cymraeg yn hanfodol.

Fe gewch chi gyflog cystadleuol, y cyfle i weithio o leoliadau hyfryd yn Ne Cymru, yn ogystal â buddion sydd yn ymwneud ag Awen yn arbennig.

Gweithredu fel y prif gyswllt i’r Gymdeithas ar gyfer tenantiaid, darpar denantiaid a’r gymuned leol yn gyffredinol. 

• Sicrhau gwasanaeth rheolaeth tai effeithiol fel bo Grŵp Cynefin yn rhagori: gosod eiddo yn deg ac yn effeithiol; uchafu incwm rhent y Gymdeithas; delio gydag achosion o ymddygiad gwrth gymdeithasol.

• Gweithio’n effeithiol fel rhan o’r tîm tai er mwyn darparu gwasanaeth rheolaeth tai effeithiol ac effeithlon i denantiaid a chleientiaid eraill, yn unol â pholisïau, gweithdrefnau a safonau Gofal Cwsmer y Gymdeithas. 

• Datblygu cyfleoedd cyfranogiad effeithiol i denantiaid 

Cyfle cyffrous i arwain a rheoli sefydliad cenedlaethol a helpu i ddatblygu proffesiwn sy’n hollbwysig i ddyfodol y Gymraeg.   Os oes gennych chi

- y weledigaeth i ddatblygu’r Gymdeithas ar lefel strategol

- y fenter i gyfrannu at broffesiwn sy’n tyfu a hynny mewn cyfnod o newid

- y brwdfrydedd i hyrwyddo’r diwydiant a bod yn llais cryf a dylanwadol yn y byd cyfieithu

- sgiliau cyfathrebu da

Rydyn ni eisiau clywed gennych chi.   Mae’r pecyn gwybodaeth i ymgeiswyr i’w gael ar y dudalen Swyddi ar wefan y Gymdeithas.   Os hoffech sgwrs anffurfiol am y swydd, neu os oes gennych unrhyw gwestiynau, mae croeso i chi gysylltu â Geraint, y Prif Weithredwr presennol, ar geraint@cyfieithwyr.cymru neu 07872 102944.   Dyddiad cau: dydd Mercher, 10 Awst 2022, am 1pm.

Bydd yr ymgeisydd llwyddiannus yn gyfrifol am gefnogi meysydd neu fentrau penodol o fewn y gwasanaeth. Bydd dyletswyddau yn cynnwys yr holl drefniadau cefnogi busnes, h.y. cefnogi rhaglenni, cadw cofnodion i safon uchel, tracio a chofnodi gwariant, casglu data, bod yn brif pwynt cyswllt i’r holl randdeiliaid. 

GwE yw gwasanaeth gwella ysgolion Gogledd Cymru. Mae’n wasanaeth a gyd-rennir ar draws Chwe Awdurdod Lleol, gan gydweithio’n agos ag ysgolion. Mae holl randdeiliaid GwE wedi ymrwymo i wella cyfleoedd a chanlyniadau addysgol ar gyfer ein dysgwyr. Yr hyn sydd yn gyrru ein gwaith yw uchelgais ddiffuant i weld yr ysgolion a'r sefydliadau yr ydym ni'n gweithio gyda nhw yn cyflawni eu dyheadau a gweld pob dysgwr yn llwyddo. 

Bydd yr ymgeisydd llwyddiannus yn cyd-weithio gyda’r Uwch Dîm Busnes i sicrhau bod gan GwE drefn lywodraethu gref a chefnogaeth fusnes a gweithredol effeithiol i gyflawni blaenoriaethau’r gwasanaeth.

Mae’r gallu i gyfathrebu’n rhugl yn y Gymraeg yn hanfodol ar gyfer y swydd hon.

Bydd Telerau ac Amodau Llywodraeth Leol yn berthnasol.

DYDDIAD CAU: 10.00yb, Dydd Iau, 18 Awst 2022

Am sgwrs anffurfiol cysylltwch â Ann Grenet / Bethan Eleri Roberts ar 07580 711022 neu 01286 685044, neu e-bost anngrenet@GwEGogledd.Cymru / bethaneleriroberts@GweGogledd.Cymru 

Rydym yn chwilio am berson sydd wedi cymhwyso fel asesydd ac yn unol â gofynion CBAC / City and Guilds i ddysgu’r cwrs Diploma Lefel 3 mewn Gofal, Chwarae, Dysgu a Datblygiad Plant (GChDDP): Ymarfer a Theori. Os na fydd cymhwyster asesu gan yr unigolyn, byddwn yn ystyried rhoi’r unigolyn ar gwrs asesu. Rydym yn chwilio am berson sy’n gallu cyfathrebu yn effeithiol yn y Gymraeg ac sy’n frwdfrydig ac â sgiliau rhyngbersonol o’r radd uchaf.

Disgrifiad:

Bydd yn atebol i Brif Weithredwr Mudiad Meithrin trwy'r Rheolwr Cynllun Hyfforddi Cenedlaethol a Chynllun Ysgolion Cam Wrth Gam i gyflawni’r dyletswyddau canlynol:   · Cyflwyno’r cymhwyster Gofal, Chwarae, Dysgu a Datblygiad Plant Lefel 2/3 Ymarfer a Theori o fewn amser penodedig i ddisgyblion mewn ysgol/ion uwchradd

· Cynhyrchu adnoddau dysgu ar gyfer unedau’r cwrs Lefel 2 craidd a Lefel 2/3 Ymarfer a Theori GChDDP, gan ystyried elfennau ychwanegol fel integreiddio’r sgiliau allweddol i’r gwaith galwedigaethol

· Asesu gwaith y dysgwyr yn ôl gofynion y bwrdd dyfarnu a threfnu achrediad portffolios

· Dylid bod yn brydlon, yn gyfrifol ac yn medru darparu ar gyfer holl anghenion y dysgwyr o fewn eu gofal

· Cynnal sesiwn anwytho gyda’r dysgwr ar ddechrau’r cwrs

· Datblygu a chytuno ar gynlluniau realistig ar gyfer dysgu ac asesu gyda’r dysgwyr, gan ystyried anghenion yr unigolyn, ac anghenion darparwr y lleoliad gwaith

· Sicrhau bod dysgwyr yn deall diben, gofynion a phrosesau asesiad

· Defnyddio dull asesu dilys, teg, dibynadwy a diogel

· Nodi a chasglu tystiolaeth sy’n ddilys, cywir a digonol

· Gwneud penderfyniadau asesu yn erbyn meini prawf penodol

· Cefnogi, tiwtora a mentora dysgwyr i gwblhau’r gwaith wrth ymweld, ac o bell

· Sicrhau bod gwaith portffolio pob dysgwr yn cael ei gwblhau yn brydlon

· Gosod gwaith y dysgwyr ar y system electroneg Valid-8

· Sicrhau fod y dysgwr yn derbyn adborth teg ac adeiladol sy’n cadarnhau cyflawniad ac yn nodi unrhyw ofynion ychwanegol

· Sicrhau fod pob gwaith wedi’i gwblhau o fewn amser

· Cyrraedd targedau fel y nodir gan y cwmni

· Hyrwyddo perthynas bositif gyda phob lleoliad gwaith

· Mynychu cyfarfodydd safoni

· Gwirio dogfennaeth Gwasanaeth Datgelu a Gwahardd y dysgwyr (GDG)

· Mynychu sesiynau hyfforddiant mewn swydd yn ôl y galw

· Unrhyw waith arall perthnasol a chyffredinol i swyddogaeth y Cynllun Hyfforddi Cenedlaethol yn ôl cyfarwyddyd y Prif Weithredwr

· Cyfrannu’n weithredol at hyrwyddo cydraddoldeb, amrywiaeth a chynhwysiant ym mhob agwedd o’r gwaith, gan wrthod unrhyw ragfarn, ac ymdrin ag unrhyw wrthdaro neu ddigwyddiad yn brydlon yn unol â’r Polisi Cydraddoldeb ac Amrywiaeth

Mae cyfle cyffrous wedi codi i ymuno â’r Tîm Therapi Gwybyddol Ymddygiadol (CBT) Ar-lein fel Cydlynydd CBT Ar-lein, i weithio gartref gyda lleoliad ger Aberhonddu, Powys. Mae’r tîm yn darparu gwasanaeth therapi ar-lein wedi'i gynllunio i helpu plant, pobl ifanc ac oedolion i reoli eu hiechyd meddwl a'u lles.

Rydym yn chwilio am unigolyn brwdfrydig, llawn cymhelliant sydd â phrofiad o CBT i gynnig cymorth clinigol tra'n canolbwyntio ar adferiad a chanlyniadau.

Mae'r gallu i siarad, darllen ac ysgrifennu yn Gymraeg i lefel 4 ar Fatrics Sgiliau Iaith Gymraeg y GIG yn hanfodol, yn ogystal â gradd anrhydedd mewn Seicoleg (neu gymhwyster cyfatebol) a bod yn gymwys ar gyfer aelodaeth raddedig gyfwerth gan Gymdeithas Seicolegol Prydain.

Mae'r gofynion yn cynnwys safonau uchel ym mhob math o gyfathrebu, sgiliau TG sylfaenol, gweithio'n dda o dan bwysau, a meddu ar ddull hyblyg o weithio.

Prif ddyletswyddau'r swydd

* Hybu a gweinyddu’r gwasanaeth CBT Ar-lein, gan gynnwys cynnal cofnodion cleifion, cofrestru defnyddwyr gwasanaeth ar y rhaglen, darparu manylion i roi’r cofrestriad ar waith, cyfathrebu â nhw, eu monitro a chynnig cefnogaeth glinigol trwy gydol y rhaglen. 

* Gwneud penderfyniadau ynglŷn ag addasrwydd atgyfeiriadau newydd, gan lynu at brotocolau atgyfeirio’r adran ac atgyfeirio cleientiaid anaddas i’r gwasanaeth perthnasol.   * Darparu cefnogaeth a chyngor i’r holl weithwyr gofal iechyd proffesiynol sy’n atgyfeirio cleifion, gan ateb unrhyw ymholiadau sydd ganddyn nhw neu eu defnyddwyr gwasanaeth ynglŷn â CBT ar-lein. 

* Ysgogi, annog a chynnig cefnogaeth glinigol dros y ffôn/ trwy e-bost i ddefnyddwyr gwasanaeth gydol yr amser y maen nhw’n cwblhau’r rhaglen CBT Ar-lein. 

* Bod yn rhagweithiol wrth gynnig newidiadau i weithdrefnau a darparu cefnogaeth wrth gyflwyno’r newidiadau hyn. 

* Bod yn gyfrifol am reoli’r protocol ar gyfer monitro ac adrodd ar unrhyw rybuddion ynglŷn â risg, bwriad troseddol neu ddirywiad claf y bydd defnyddwyr yn rhoi gwybod amdanyn nhw naill o fewn y system CBT Ar-lein neu’n uniongyrchol. 

* Rheoli cyfrifoldeb clinigol am unrhyw hunanatgyfeiriadau i’r gwasanaeth CBT ar-lein.

* Darparu hyfforddiant a chefnogaeth barhaus i’r gweithwyr gofal iechyd proffesiynol sy’n atgyfeirio cleifion ynglŷn â’r gwasanaeth CBT Ar-lein. 

Am fanylion pellach am y broses ymgeisio, ewch i: Swyddi Cyfredol - Swyddi Cyfredol - Bwrdd Iechyd Addysgu Powys (gig.cymru)

Gellir gweithio o gartref neu o bell. 

Mae'r swydd hon am gyfnod penodol o 2 flynedd. 

Mae Academi Hywel Teifi yn sefydliad arbennig iawn a sefydlwyd gan Brifysgol Abertawe yn 2010 er cof am gyn-Athro Cymraeg y Brifysgol ac un o fawrion y genedl, Yr Athro Hywel Teifi Edwards.

Mae tair elfen i waith Academi Hywel Teifi - mae’n ganolfan ragoriaeth ar gyfer astudio’r iaith Gymraeg a’i llenyddiaeth, mae’n hybu addysg ac ymchwil cyfrwng Cymraeg ar draws y pynciau a gaiff eu dysgu yn y Brifysgol ac mae’n gweithio i sicrhau lle amlycach i’r iaith ym mhob agwedd o fywyd y brifysgol a rhanbarth de-orllewin Cymru.

Y mae Academi Hywel Teifi yn gartref i:

Cangen Abertawe o'r Coleg Cymraeg Cenedlaethol

Dysgu Cymraeg - Ardal Bae Abertawe

Tŷ'r Gwrhyd, Canolfan Gymraeg Cwm Tawe

Bydd yr ymgeisydd llwyddiannus yn dilyn rhaglen hyfforddi a datblygu ar gyfer tiwtoriaid Cymraeg i Oedolion, yn dysgu ar gyrsiau Cymraeg i Oedolion (gyda chefnogaeth tiwtor personol) ac yn arsylwi a chynorthwyo Tiwtoriaid ac Uwch Diwtoriaid-drefnyddion profiadol.

Bydd disgwyl i’r sawl a gaiff ei b/phenodi fod yn rhan o’r gwaith dysgu ar ystod o gyrsiau ffurfiol ac anffurfiol o fewn rhaglen Cymraeg i Oedolion DCABA, a hynny yn un, neu fwy, o’r ardaloedd lleol o fewn dalgylch Abertawe a Chastell-nedd Port Talbot. Mae DCABA yn cyflwyno llawer o’r addysgu trwy ddosbarthiadau rhithiol a dulliau digidol, a bydd disgwyl i’r Tiwtor dan Hyfforddiant feistroli’r agwedd honno o addysgu hefyd.

Yn dilyn cyfnod priodol o hyfforddiant, bydd disgwyl i Diwtor dan Hyfforddiant ddysgu tua 10-12 awr yr wythnos yn ogystal â chyfrannu’n achlysurol i raglen o ddigwyddiadau cefnogi dysgwyr. Bydd cyfle i’r sawl a benodir fanteisio hefyd ar rai o ddigwyddiadau hyfforddiant neu gymhwysterau Dysgu Cymraeg i Oedolion pellach dan arweiniad Y Ganolfan Dysgu Cymraeg Genedlaethol.

Croesewir ymholiadau anffurfiol a gellir eu hanfon at Iestyn Llwyd, Rheolwr Busnes a Datblygu DCABA: i.llwyd@abertawe.ac.uk

Disgrifiad o’r swydd: Byddwch yn gweithio yn un o dimau lleol CNC gan ddefnyddio data wedi'i fodelu ar ffynonellau llygredd nitrogen sy'n effeithio ar safleoedd gwarchodedig ac yna'n trafod opsiynau rheoli gyda ffermwyr lleol. Nod hyn yw mynd i'r afael â'r "Argyfwng Natur", gwrthdroi dirywiad bioamrywiaeth a meithrin cydnerthedd ecosystemau. Mae hyn yn cynnwys gweithio'n agos gyda staff CNC, Llywodraeth Cymru a thirfeddianwyr i adeiladu Cynlluniau Gweithredu Nitrogen Safle ar gyfer pob un o’r chwe ardal yng Nghymru: Y Gogledd-Orllewin, Y Gogledd-Ddwyrain, Y Canolbarth, Y De-Ddwyrain, Canolbarth De Cymru a’r De-Orllewin. Bydd un swyddog yn gweithio yn y Gogledd a'r Canolbarth ac un arall yn y De.

Gwybodaeth a phrofiad o’r canlynol: 

1.  Profiad o gadwraeth natur, bioamrywiaeth, safleoedd gwarchodedig a thirweddau morol a daearol.

2.  Profiad o weithio gyda thirfeddianwyr a/neu rhanddeiliaid eraill.

3.  Sgiliau hunanreoli a threfnu cadarn ac effeithiol.  

4.  Y gallu i ddylanwadu, trafod ac ennyn cydweithrediad pobl eraill. Mae profiad o ddelio'n llwyddiannus â phobl / sefyllfaoedd anodd yn bwysig.

5.  Sgiliau cyfathrebu a rhyngbersonol rhagorol gyda ffocws ar gwsmeriaid.

6.  Ardderchog o ran meithrin perthynas waith effeithiol â chydweithwyr a phartneriaid allanol.

7.  Y gallu i ysgrifennu adroddiadau technegol cryno a chlir.

8.  Y gallu i ddefnyddio systemau TG, megis GIS neu raglenni arbennig CNC.

9.  Gallu gweithio’n dda fel aelod o dîm.

10. Trwydded yrru gyfredol, lawn a dilys y DU i yrru cerbydau fflyd CNC.

11. Gofynion y Gymraeg - Hanfodol: Siarad Cymraeg yn rhugl 

Bydd y rôl hon yn cynnig amrywiaeth o fanteision, gan gynnwys: 

·   gweithio ystwyth a hyblyg (yn dibynnu ar y rôl) 

·   Cynllun Pensiwn y Gwasanaeth Sifil sy’n cynnig cyfraniadau o 26.6% i 30.3% gan y cyflogwr

·   28 diwrnod o wyliau blynyddol, yn codi i 33 diwrnod

·   absenoldebau hael ar gyfer eich holl anghenion mewn bywyd 

·   manteision a chymorth o ran iechyd a lles

·   awr les wythnosol i’w defnyddio pryd bynnag rydych chi eisiau

Er mwyn cyflawni ei huchelgais o barhau ymysg y 30 o brifysgolion gorau, mae angen gweithlu gwasanaethau proffesiynol ar Brifysgol Abertawe. Rhaid i'r gweithlu hwnnw feddu ar y sgiliau amrywiol i sicrhau y gall gyflawni rhagoriaeth drwy systemau a phrosesau effeithlon ac effeithiol sy'n manteisio ar ddatblygiadau technolegol.

Mae Gwasanaethau Academaidd y Brifysgol yn darparu gwasanaethau proffesiynol o safon uchel i fyfyrwyr, staff a rhanddeiliaid allanol. Mae’r Gwasanaethau Academaidd yn galluogi ac yn cyflawni, lle y bo'n briodol, newid ar draws y sefydliad, gan gyflawni gwelliannau mewn meysydd strategol allweddol i wella profiad myfyrwyr yn Abertawe. Rydym yn falch o ennill Gwobr Rhagoriaeth Gwasanaeth Cwsmeriaid Swyddfa'r Cabinet a Gwobr Arian Buddsoddwyr mewn Pobl, a byddwn yn parhau i sicrhau gwasanaeth rhagorol drwy ymgysylltu, gwaith partneriaeth ac arloesi.

Mae holl feysydd Gwasanaethau Proffesiynol ym Mhrifysgol Abertawe yn gweithredu'n unol â set ddiffiniedig o Werthoedd Craidd, a disgwylir i bawb allu dangos ymrwymiad i'r gwerthoedd hyn o adeg cyflwyno cais am swydd i gyflawni'u rôl o ddydd i ddydd.

Prif Ddiben y Swydd

- Cynnig croeso cwrtais i MyUniHub a bod yn gyswllt cyntaf ar gyfer amrywiaeth eang o fyfyrwyr ac ymwelwyr.

- Ymdrin ag ymholiadau mewn modd proffesiynol, effeithlon, sensitif a chwrtais boed ydynt wyneb yn wyneb, dros y ffôn neu drwy e-bost.

- Lle bo'n bosib, ymateb i ymholiadau fel cyswllt cyntaf neu gyfeirio pobl at y ffynonellau gwybodaeth a chysylltiadau priodol lle na fydd ymateb cychwynnol yn bosib.

- Rhoi cyngor cywir mewn perthynas â pholisïau, rheoliadau, gweithdrefnau a gwasanaethau'r Brifysgol.

- Casglu dogfennaeth gan fyfyrwyr er mwyn cefnogi eu ceisiadau am amrywiaeth o wasanaethau, gan gynnwys cyhoeddi estyniadau i fisâu, apeliadau, gwiriadau etc.

- Os bydd angen, cyfeirio ymholiadau i'r arbenigwr neu'r gwasanaeth perthnasol i gael atebion drwy wneud apwyntiadau gyda'r gwasanaethau proffesiynol hynny, os yw'n briodol.

- Cynnig llythyron safonol a pherthnasol i unigolion penodol mewn ymateb i wiriadau i brofi statws fel myfyriwr.

- Ymdrin ag ymholiadau'n gyfrinachol ac mewn ffordd ddiplomatig, yn unol â Rheoliadau Diogelu Data.

- Prosesu taliadau ar gyfer amrywiaeth o wasanaethau.

- Gweithio fel rhan o dîm gyda'r Swyddogion Gwybodaeth Myfyrwyr eraill ym MyUniHub a chydweithwyr eraill i gynnig gwasanaethau blaen tŷ sy'n groesawgar, yn gadarnhaol ac yn gefnogol.

- Cynnig cefnogaeth a chymorth i Swyddogion Gwybodaeth Myfyrwyr a Rheolwr MyUniHub, yn ôl y galw.

Ar gyfer ymholiadau anffurfiol, cysylltwch â: Carly Taylor, Rheolwr MyUniHub,

E-bost: c.a.taylor@abertawe.ac.uk

Mae rhagor o fanylion am y Gwasanaethau Academaidd ar gael yn: http://www.swansea.ac.uk/academic-services/

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd neu gred, rhyw, tueddfryd rhywiol.

Menter a Busnes yw’r prif gwmni datblygu economaidd yng Nghymru. Rydym yn gwmni annibynnol, nid er elw, sy’n arwain y ffordd yn darparu rhaglenni a gwasanaethau cymorth busnes ar ran Llywodraeth Cymru a sefydliadau cenedlaethol a rhanbarthol eraill. Rydym hefyd yn gweithio gyda chleientiaid masnachol i gynllunio a darparu gwasanaethau mewn meysydd megis cymorth busnes, entrepreneuriaeth ac arloesedd i ddatblygu a thyfu busnesau.    Yn unol â'n gwerthoedd, ym Menter a Busnes ein nod yw creu amgylchedd gwaith cyfeillgar sy'n onest, yn gyfrifol ac yn iach, ac sy'n dangos y parch mwyaf at staff a chwsmeriaid. Rydym yn cymryd camau i ddatblygu gweithlu mwy amrywiol ac yn benodol yn annog ymgeiswyr o grwpiau heb gynrychiolaeth ddigonol, gan gynnwys pobl dduon a lleiafrifoedd ethnig (BAME), pobl anabl a phobl o'r gymuned LGBTQ+ o dan y rheolau gweithredu cadarnhaol fel yr amlinellir yn Neddf Cydraddoldeb 2010. Rydym yn dilyn egwyddorion cystadleuaeth agored a phenodir staff yn seiliedig ar eu rhinweddau.   Mae gennym dîm o 130 o staff ymroddgar sydd â dealltwriaeth eang o sawl sector a maes ym myd busnes a’n blaenoriaeth yw mynd y cam ychwanegol i ddarparu gwasanaethau o’r safon uchaf posibl. Er mwyn gwella bywyd gwaith ein staff, rydym yn annog arferion gweithio hyblyg sy'n cefnogi gwell cydbwysedd rhwng bywyd a gwaith. Rydym hefyd yn cefnogi iechyd a lles ein staff drwy gynnig amrywiaeth o ymyriadau a gwasanaethau.    Nod yr Adran Technoleg Gwybodaeth

Dyma gyfle cyffrous i ymuno â Menter a Busnes i gefnogi ein cynlluniau twf parhaus.   Mae'r tîm TG yn gyfrifol am:

·   reoli gweithrediad effeithiol ac effeithlon systemau technoleg y cwmni, gan ganolbwyntio'n benodol ar berfformiad dibynadwy, diogelwch, a datblygiad parhaus;

·   ddarparu gwasanaethau cymorth llawn o ansawdd uchel i staff   Nod y Swydd

Bydd y Cydlynydd TG yn gweithio'n agos gyda chydweithwyr TG mewnol a darparwyr gwasanaethau allanol i ddarparu'r gwasanaeth TG, drwy sicrhau cymorth technegol addas a dibynadwy i staff, sicrhau cynnal systemau a datrysiad problemau i safon uchel, a gweithio ar ddatblygiadau'r Adran TG, gyda chyfrifoldeb dros elfennau mwy cymhleth a thechnegol a'u llwyddiant.   Prif Gyfrifoldebau   ·   Gweithio'n agos gyda'r tîm TG i ddarparu gwasanaethau TG o ansawdd uchel

·   Darparu cymorth cynhwysfawr i staff o bell a/neu wyneb i wyneb, trwy ymateb yn broffesiynol i ymholiadau, eu datrys yn effeithiol ac effeithlon, a chynnig gwasanaeth cwsmer o safon

·   Bod yn drydydd bwynt cyswllt i ymholiadau ar y ddesg gymorth, gan gynnig cefnogaeth a hyfforddiant i gyd-weithwyr TG, rhannu gwybodaeth, helpu datrys ymholiadau, ac esgoli ticedi ble fod angen

·   Cefnogi staff i fabwysiadu a defnyddio technoleg newydd, trefnu a/neu ddarparu hyfforddiant lefel uwch, a throsglwyddo gwybodaeth yn ôl y gofyn

·   Cefnogi'r Uwch-gynorthwyydd TG gydag adnabod gofynion, ymchwilio, caffael ac archebu caledwedd, meddalwedd, a gwasanaethau TG, gan sicrhau manylebau a nodweddion addas, gwariant priodol a gwerth am arian

·   Bod yn rhagweithiol i ymchwilio a datrys achosion a phroblemau, gweinyddu systemau a sicrhau parhad gweithrediadau, gan dderbyn achosion wedi'u hesgoli

·   Gweinyddu, gwasanaethu a chynnal isadeiledd TG y cwmni drwy'r Cylchred Bywyd cyfan (cyfrifiaduron, dyfeisiau symudol, systemau ffôn, fideo-gynadledda, argraffyddion, rhwydweithiau, cyfarpar rhwydweithiol, gweinyddion, llwybryddion, waliau tân, switsys, pwyntiau mynediad diwifr)

·   Gweinyddu, gwasanaethu a chynnal systemau craidd a meddalwedd y cwmni (System e-bost a chynhyrchiant, datrysiad cadw data a chydweithio, system gwrth-feirws a diogelwch, system wrthgefn, system rheoli a monitro o bell, system rheoli diweddariadau, system rheoli dyfeisiau symudol, system rheoli cynnwys, system rheoli cleientiaid, a nifer o ddatrysiadau meddalwedd-fel-gwasanaeth)

·   Cyfrannu'n weithredol at ddatblygiadau a phrosiectau TG, derbyn tasgau wedi'u hesgoli, arwain ar nifer o dasgau a rhaglenni gwaith cymhleth neu dechnegol, a sicrhau cwblhad o fewn amserlenni

·   Cefnogi'r Rheolwr Gweithrediadau TG gyda chyllidebau TG prosiectau, trwy gynllunio adfywio caledwedd, cydlynu efo rheolwyr i gytuno gwariant addas i'w gofynion, a sicrhau gwerth am arian

·   Cefnogi'r Rheolwr Gweithrediadau TG drwy ofalu am a chydlynu cytundebau cyflenwyr amrywiol, ac awdurdodi anfonebau a gwariant rhagweladwy/cyffredin

·   Cadw holl gofnodion, dogfennaeth, a chronfeydd data TG yn daclus, cywir a chyfredol

·   Ymweld â swyddfeydd y cwmni yn ôl yr angen i gwblhau gwaith gosod, cynnal a datrys

·   Gweithio'n agos gyda'r tîm TG i ddiogelu data'r cwmni, gan weithio i leihau'r risg o golli data, dinistrio data’n ddamweiniol a dwyn data, a bod yn rhagweithiol wrth adnabod ac asesu bygythiadau

·   Cyfrannu at ddatblygu polisïau a dogfennau TG dwyieithog yn unol â deddfwriaeth, safonau ac arfer da perthnasol, a chynghori a helpu staff ar ddehongli a gweithredu’r rhain yn gywir, gan gynnwys creu deunydd hyfforddi hawdd eu deall, ac adrodd ar achosion o doriad polisi

·   Gweithio'n agos efo'r Rheolwr Gweithrediadau TG i sicrhau bod y cwmni'n llwyddo i gynnal safon Cyber Essentials Plus o fewn amserlenni penodol, a bod yn rhagweithiol am yr elfennau sydd o fewn eu cyfrifoldebau   **Arall **

·   Gweithio ar brosiectau eraill Grŵp Menter a busnes yn ôl y galw, gan gynnwys rhai masnachol

·   Sicrhau bod safonau ansawdd, gwasanaeth cwsmer, cydraddoldeb ac amrywiaeth, iechyd a diogelwch a bioddiogelwch y tîm TG yn cael eu bodloni

·   Derbyn dyletswyddau a chyfrifoldebau rhesymol eraill a chynrychioli Menter a Busnes yn ôl yr angen   Sgiliau a Phrofiad

Cymwysterau / Profiad

Hanfodol

Gradd sylfaen neu HNC, neu gyfwerth, a/neu brofiad amlwg mewn maes perthnasol

Profiad amlwg o weithio a llwyddo mewn rôl TG gyda chyfrifoldebau technegol

Profiad dangosadwy o ddarparu gwasanaeth cwsmer mewn amgylchedd TG, a defnyddio system Desg Gymorth

Profiad amlwg o osod, cynnal a chadw caledwedd, meddalwedd, isadeiledd a systemau TG, a darparu cefnogaeth TG mewn amgylchedd busnes

Dymunol

Cymhwyster proffesiynol TG

Profiad technegol mewn seilwaith rhwydweithio a TG, gyda’r gallu i fod yn ymarferol yn ôl y gofyn   Gwybodaeth / Sgiliau

Hanfodol

Gwybodaeth a sgiliau cryf ar nifer o’r canlynol:

– Systemau Gweithredu: Windows, macOS, iOS, Android, ChromeOS, Linux, CentOS

– Caledwedd: Cyfrifiaduron, ffônau symudol, tabledi, ategolion cyffredin, ffôn ddesg, fideo-gynadledda, argraffyddion

– Meddalwedd: Ebost a chynhyrchiant (Google Workspace, Microsoft Office), Rheoli Tasgau a Phrosiectau, Amlgyfrwng, Meddalwedd Cyllid (Sage), System rheoli cynnwys (CMS), System rheoli cleientiaid (CRM)

– Isadeiledd: Technoleg cwmwl, gweinyddion, rhwydweithiau, cyfarpar rhwydweithiol, llwybryddion, waliau tân, switsys, pwyntiau mynediad diwifr, NAS, VPN

– Systemau TG: Swît cynhyrchiant (ee Google Workspace), Datrysiadau cynnwys a chydweithio, Diogelwch a gwrth-feirws, System wrthgefn, System ffôn VoIP, Rheoli a monitro (RMM), Rheoli diweddariadau, Rheoli dyfeisiau symudol (EMM, MDM, MAM)

Gwybodaeth gref am dechnolegau modern ynghyd â thechnolegau sy’n datblygu, a sut y gellir eu defnyddio at ddibenion busnes penodol

Gwybodaeth a dealltwriaeth dda o Seiberddiogelwch, Cyber Essentials, GDPR, ac arferion gorau’r diwydiant TG   Nodweddion Personol

Hanfodol

Gallu dysgu ac addasu i systemau a thechnoleg newydd Sgiliau rhyngbersonol a chyfathrebu da, gyda’r gallu i fod yn ddiplomyddol wrth ddelio ag ymholiadau gan staff

Gallu ymchwilio a datrys problemau, gan gynnwys rhai mwy cymhleth a sylweddol, drwy gymryd ymagwedd wahanol, a gallu cyfleu manteision, anfanteision a risgiau gwahanol ddatrysiadau

Gallu gweithio’n annibynnol mewn modd strwythurol a dadansoddol, yn ogystal â chefnogi eraill fel rhan o dîm

Gweithredu gyda gofal, uniondeb a chyfrinachedd, yn enwedig efo mynediad breintiedig

Person trefnus, sy’n gallu addasu a chymell ei hun, ac yn gallu rheoli nifer o dasgau ar yr un pryd a gweithio dan bwysau i gwrdd â therfynau amser

Sgiliau cyflwyno clir, diddorol ac ymgysylltiol, gyda’r hyder i gyflwyno o flaen cynulleidfaoedd amrywiol, a’r gallu i esbonio materion technegol neu gymhleth mewn ffordd annhechnegol

Sgiliau cyfathrebu rhagorol ar lafar ac yn ysgrifenedig

Dymunol

Sgiliau dwyieithog (Cymraeg/Saesneg)   Arall

Hanfodol

Trwydded yrru lawn a char i’w ddefnyddio at ddibenion busnes   Gwneud Cais

Gallwch wneud cais am y swydd hon drwy lenwi ffurflen gais a ffurflen cyfle cyfartal (sydd ar gael ar ein gwefan www.menterabusnes.co.uk) a’u dychwelyd at swyddi@menterabusnes.co.uk.   Os hoffech gael trafodaeth anffurfiol am y swydd hon, cysylltwch ag Aled James, Rheolwr Technoleg Gwybodaeth, ar aled.james@menterabusnes.co.uk i drefnu sgwrs.     Cyfweliadau   Byddwn yn cynnal y cyfweliadau ar gyfer y swydd hon yn ystod yr wythnos sy’n cychwyn 5 Medi. Os yw’r dyddiad hwn yn anghyfleus, nodwch hynny ar eich ffurflen gais os gwelwch yn dda.    Dyddiad Cau

Y dyddiad cau ar gyfer ceisiadau yw: 10 y bore, 15 Awst

Menter a Busnes yw’r prif gwmni datblygu economaidd yng Nghymru. Rydym yn gwmni annibynnol, nid er elw, sy’n arwain y ffordd yn darparu rhaglenni a gwasanaethau cymorth busnes ar ran Llywodraeth Cymru a sefydliadau cenedlaethol a rhanbarthol eraill. Rydym hefyd yn gweithio gyda chleientiaid masnachol i gynllunio a darparu gwasanaethau mewn meysydd megis cymorth busnes, entrepreneuriaeth ac arloesedd i ddatblygu a thyfu busnesau.    Yn unol â'n gwerthoedd, ym Menter a Busnes ein nod yw creu amgylchedd gwaith cyfeillgar sy'n onest, yn gyfrifol ac yn iach, ac sy'n dangos y parch mwyaf at staff a chwsmeriaid. Rydym yn cymryd camau i ddatblygu gweithlu mwy amrywiol ac yn benodol yn annog ymgeiswyr o grwpiau heb gynrychiolaeth ddigonol, gan gynnwys pobl dduon a lleiafrifoedd ethnig (BAME), pobl anabl a phobl o'r gymuned LGBTQ+ o dan y rheolau gweithredu cadarnhaol fel yr amlinellir yn Neddf Cydraddoldeb 2010. Rydym yn dilyn egwyddorion cystadleuaeth agored a phenodir staff yn seiliedig ar eu rhinweddau.   Mae gennym dîm o 130 o staff ymroddgar sydd â dealltwriaeth eang o sawl sector a maes ym myd busnes a’n blaenoriaeth yw mynd y cam ychwanegol i ddarparu gwasanaethau o’r safon uchaf posibl. Er mwyn gwella bywyd gwaith ein staff, rydym yn annog arferion gweithio hyblyg sy'n cefnogi gwell cydbwysedd rhwng bywyd a gwaith. Rydym hefyd yn cefnogi iechyd a lles ein staff drwy gynnig amrywiaeth o ymyriadau a gwasanaethau.     Nod yr Adran Technoleg Gwybodaeth

Dyma gyfle cyffrous i ymuno â Menter a Busnes i gefnogi ein cynlluniau twf parhaus.   Mae'r tîm TG yn gyfrifol am:

·   reoli gweithrediad effeithiol ac effeithlon systemau technoleg y cwmni, gan ganolbwyntio'n benodol ar berfformiad dibynadwy, diogelwch, a datblygiad parhaus;

·   ddarparu gwasanaethau cymorth llawn o ansawdd uchel i staff   Nod y Swydd   Bydd yr Uwch-gynorthwyydd TG yn gweithio'n agos gyda chydweithwyr TG mewnol a darparwyr gwasanaethau allanol i ddarparu'r wasanaeth TG, drwy sicrhau cymorth technegol addas a dibynadwy i staff, cynnal systemau a datrys problemau i safon uchel, a gweithio ar ddatblygiadau'r Adran TG.     Prif Gyfrifoldebau   ·   Gweithio'n agos gyda'r tîm TG i ddarparu gwasanaethau TG o ansawdd uchel

·   Darparu cymorth cynhwysfawr i staff o bell a/neu wyneb i wyneb, trwy ymateb yn broffesiynol i ymholiadau, eu datrys yn effeithiol ac effeithlon, a chynnig gwasanaeth cwsmer o safon

·   Bod yn ail bwynt cyswllt i ymholiadau ar y ddesg gymorth, gan gynnig cefnogaeth a hyfforddiant i gyd-weithwyr TG, rhannu gwybodaeth, helpu datrys ymholiadau, ac esgoli ticedi ble fod angen

·   Cefnogi staff i fabwysiadu a defnyddio technoleg newydd, trefnu a/neu ddarparu hyfforddiant lefel uwch, a throsglwyddo gwybodaeth yn ôl y gofyn

·   Cefnogi'r Cynorthwywyr TG efo gwaith parthed â staffio a rheoli mynediad, gan sicrhau bod prosesau'n cael eu dilyn, amserlenni'n cael eu cwrdd a safon uchel yn cael ei gynnal

·   Cefnogi'r Cynorthwywyr TG efo'r gwaith o ofalu am asedion caledwedd, drwy gynnig cyngor a datrysiadau

·   Cefnogi'r Cynorthwywyr TG efo'r gwaith o ofalu am offer swyddfa a chyfleusterau TG, drwy gynnig cyngor a datrysiadau

·   Cefnogi'r Cynorthwywyr TG efo'r gwaith cynnal rheolaidd, drwy gynnig atebion, ffyrdd o liflinio prosesau, a sicrhau bod amserlenni addas mewn lle ac yn cael eu cwrdd

·   Adnabod gofynion, ymchwilio, caffael ac archebu caledwedd, meddalwedd, a gwasanaethau TG, gan sicrhau manylebau a nodweddion addas, gwariant priodol a gwerth am arian

·   Bod yn rhagweithiol i ymchwilio a datrys achosion a phroblemau, gweinyddu systemau a sicrhau parhad gweithrediadau

·   Gweinyddu, gwasanaethu a chynnal isadeiledd TG y cwmni drwy'r Cylchred Bywyd gyfan (cyfrifiaduron, dyfeisiau symudol, systemau ffôn, fideogynadledda, argraffyddion, rhwydweithiau, cyfarpar rhwydweithiol, gweinyddion, llwybryddion, waliau tân, switsys, pwyntiau mynediad di-wifr)

·   Gweinyddu, gwasanaethu a chynnal systemau craidd, cwmwl a meddalwedd y cwmni (System e-bost a chynhyrchiant, datrysiad cadw data a chydweithio, system gwrth-feirws a diogelwch, system wrthgefn, system rheoli a monitro o bell, system rheoli diweddariadau, system rheoli dyfeisiau symudol, system rheoli cynnwys, system rheoli cleientiaid, a nifer o ddatrysiadau meddalwedd-fel-gwasanaeth)

·   Cyfrannu'n weithredol at waith datblygiadol a phrosiectau TG, arwain ar dasgau a ddyrannwyd, a sicrhau cwblhad o fewn amserlenni

·   Cadw holl gofnodion, dogfennaeth, a chronfeydd data TG yn daclus, cywir a chyfredol

·   Ymweld â swyddfeydd y cwmni yn ôl yr angen i gwblhau gwaith gosod, cynnal a datrys

·   Gweithio'n agos gyda'r tîm TG i ddiogelu data'r cwmni, gan weithio i leihau'r risg o golli data, dinistrio data’n ddamweiniol a dwyn data

·   Cynghori a chynorthwyo staff ar y dehongliad a gweithrediad cywir o bolisïau TG yn unol â deddfwriaeth a safonau perthnasol ac arfer da, ac adrodd ar achosion o doriad polisi

·   Gweithio'n agos efo'r Rheolwr Gweithrediadau TG i sicrhau bod y cwmni'n llwyddo i gynnal safon Cyber Essentials Plus o fewn amserlenni penodol, a bod yn rhagweithiol am yr elfennau sydd o fewn eu cyfrifoldebau   Arall 

·   Gweithio ar brosiectau eraill Grŵp Menter a busnes yn ôl y galw, gan gynnwys rhai masnachol

·   Sicrhau bod safonau ansawdd, gwasanaeth cwsmer, cydraddoldeb ac amrywiaeth, iechyd a diogelwch a bioddiogelwch y tîm TG yn cael eu bodloni

·   Derbyn dyletswyddau a chyfrifoldebau rhesymol eraill a chynrychioli Menter a Busnes yn ôl yr angen   Sgiliau a Phrofiad   Cymwysterau / Profiad

Hanfodol

Gradd sylfaen neu HNC, neu gyfwerth, a/neu brofiad amlwg mewn maes perthnasol

Profiad amlwg o weithio a llwyddo mewn rôl TG gyda chyfrifoldebau technegol

Profiad dangosadwy o ddarparu gwasanaeth cwsmer mewn amgylchedd TG, a defnyddio system Desg Gymorth

Profiad amlwg o osod, cynnal a chadw caledwedd, meddalwedd, isadeiledd a systemau TG, a darparu cefnogaeth TG mewn amgylchedd busnes

Dymunol

Cymhwyster proffesiynol TG

Profiad technegol mewn seilwaith rhwydweithio a TG, gyda’r gallu i fod yn ymarferol yn ôl y gofyn   Gwybodaeth / Sgiliau

Hanfodol

Gwybodaeth a sgiliau cryf ar nifer o’r canlynol:

– Systemau Gweithredu: Windows, macOS, iOS, Android, ChromeOS, Linux, CentOS

– Caledwedd: Cyfrifiaduron, ffônau symudol, tabledi, ategolion cyffredin, ffôn ddesg, fideo-gynadledda, argraffyddion

– Meddalwedd: Ebost a chynhyrchiant (Google Workspace, Microsoft Office), Rheoli Tasgau a Phrosiectau, Amlgyfrwng, Meddalwedd Cyllid (Sage), System rheoli cynnwys (CMS), System rheoli cleientiaid (CRM)

– Isadeiledd: Technoleg cwmwl, gweinyddion, rhwydweithiau, cyfarpar rhwydweithiol, llwybryddion, waliau tân, switsys, pwyntiau mynediad diwifr, NAS, VPN

– Systemau TG: Swît cynhyrchiant (ee Google Workspace), Datrysiadau cynnwys a chydweithio, Diogelwch a gwrth-feirws, System wrthgefn, System ffôn VoIP, Rheoli a monitro (RMM), Rheoli diweddariadau, Rheoli dyfeisiau symudol (EMM, MDM, MAM)

Diddordeb cryf mewn, a gwybodaeth am, dechnolegau modern ynghyd â thechnolegau sy’n datblygu, a sut y gellir eu defnyddio at ddibenion busnes

Gwybodaeth a dealltwriaeth dda o Seiberddiogelwch, Cyber Essentials, GDPR, ac arferion gorau’r diwydiant TG   Nodweddion Personol

Hanfodol

Gallu dysgu ac addasu i systemau a thechnoleg newydd Sgiliau rhyngbersonol a chyfathrebu da, gyda’r gallu i fod yn ddiplomyddol wrth ddelio ag ymholiadau gan staff

Gallu ymchwilio a datrys problemau, gan gynnwys rhai mwy cymhleth, drwy edrych arnynt o wahanol gyfeiriadau, mynegi manteision, anfanteision a risgiau datrysiadau

Gallu gweithio’n annibynnol mewn modd strwythuredig a dadansoddol, yn ogystal â chefnogi eraill fel rhan o dîm

Gweithredu gyda gofal, uniondeb a chyfrinachedd, yn enwedig efo mynediad breintiedig

Person trefnus, sy’n gallu addasu a chymell ei hun, ac yn gallu rheoli nifer o dasgau ar yr un pryd a gweithio dan bwysau i gwrdd â therfynau amser

Sgiliau cyflwyno clir, diddorol ac ymgysylltiol, gyda’r hyder i gyflwyno o flaen cynulleidfaoedd amrywiol, a’r gallu i esbonio materion technegol neu gymhleth mewn ffordd annhechnegol

Sgiliau cyfathrebu rhagorol ar lafar ac yn ysgrifenedig

Dymunol

Sgiliau dwyieithog (Cymraeg/Saesneg)   Arall

Hanfodol

Trwydded yrru lawn a char i’w ddefnyddio at ddibenion busnes   Gwneud Cais

Gallwch wneud cais am y swydd hon drwy lenwi ffurflen gais a ffurflen cyfle cyfartal (sydd ar gael ar ein gwefan www.menterabusnes.co.uk) a’u dychwelyd at swyddi@menterabusnes.co.uk.   Os hoffech gael trafodaeth anffurfiol am y swydd hon, cysylltwch ag Aled James, Rheolwr Technoleg Gwybodaeth, ar aled.james@menterabusnes.co.uk i drefnu sgwrs.   Cyfweliadau   Byddwn yn cynnal y cyfweliadau ar gyfer y swydd hon yn ystod yr wythnos sy’n cychwyn 5 Medi. Os yw’r dyddiad hwn yn anghyfleus, nodwch hynny ar eich ffurflen gais os gwelwch yn dda.    Dyddiad Cau

Y dyddiad cau ar gyfer ceisiadau yw: 10 y bore, 15 Awst

Mae Four Cymru yn chwilio am fideograffydd brwdfrydig a galluog i ymuno â'i dîm creadigol, sydd wedi'i leoli yng Nghaerdydd neu Aberystwyth, ond gydag opsiwn i weithio hyblyg llawn o gartref.

Disgrifiad:

Bydd y rôl yn cynnwys gweithio ar draws amrywiaeth o brosiectau clyweledol a ffilm ar gyfer cleientiaid mewn cymysgedd o sectorau fel bwyd a diod, addysg, y celfyddydau a diwylliant, elusennau a'r sector cyhoeddus.

Rydym ni’n chwilio am berson amryddawn sydd eisiau cyfrannu syniadau a datblygu cysyniadau yn ogystal â dod â'r rhain yn fyw trwy eu galluoedd technegol a chynhyrchu. Bydd y rôl yn cynnwys:

·   Datblygu cysyniadau

·   Storifyrddio

·   Ffilmio/recordio (gan gynnwys gosod goleuadau)

·   Golygu fideo

·   Ôl-gynhyrchu

·   Dylunio sain

Mae profiad mewn graffeg symud/animeiddio sylfaenol yn ddymunol, yn ogystal ag awydd i ddysgu a datblygu sgiliau newydd a chwarae rhan mewn helpu eraill yn y tîm i ddatblygu eu gwybodaeth o’r cyfryngau gweledol.

Bydd y rôl yn cynnwys cyflwyno cynnwys fideo i gleientiaid ar sail annibynnol, ond hefyd fel rhan o ymgyrchoedd integredig mwy.

Oherwydd natur ddwyieithog llawer o’n gwaith, mae rhuglder yn y Gymraeg a’r Saesneg yn ddymunol.

Sgiliau a phrofiad

Bydd gan yr ymgeisydd delfrydol brofiad o weithio, naill ai fel rhan o gwmni cynhyrchu / asiantaeth hysbysebu neu’n llawrydd. Fodd bynnag, rydym ni’n croesawu ceisiadau gan ymgeiswyr â diddordeb sydd newydd raddio o’r brifysgol â phortffolio gweithredol mewn cynhyrchu fideo/ffilm.

Profiad o weithio gyda'r fersiwn diweddaraf o feddalwedd graffeg ac animeiddio fel Photoshop, Adobe Illustrator, After Effects.

Adobe Premier Pro (neu feddalwedd golygu arall fel Final Cut Pro X neu AVID).

Diddordeb a gwybodaeth am gynhyrchu ffilm a ffotograffiaeth.

Gweithredwr camera, cynhyrchydd a golygydd fideo hyderus.

Bydd yr ymgeisydd cywir yn llawn cymhelliant, yn gallu cyfathrebu syniadau creadigol yn gryno ac yn llawn argyhoeddiad, yn rhoi sylw da i fanylion ac yn gallu gweithio'n ddigynnwrf ac yn effeithlon o dan bwysau.

Datganiad cydraddoldeb ac amrywiaeth

Rydym ni’n falch o'n cymuned amrywiol yn Four ac wedi ymrwymo i adlewyrchu amrywiaeth y byd rydym ni’n byw ynddo. Rydym ni’n ymdrechu i wella ein hamrywiaeth ac yn croesawu ymgeiswyr o bob cefndir, yn enwedig y rhai o grwpiau lleiafrifol a grwpiau heb gynrychiolaeth ddigonol.

Nid ydym yn gwahaniaethu ar sail oedran, anabledd, rhyw, cyfeiriadedd rhywiol, ailbennu rhywedd, hunaniaeth rhywedd, priodas, partneriaeth sifil, beichiogrwydd a mamolaeth, hil (gan gynnwys lliw a tharddiad ethnig neu genedlaethol), crefydd neu gred.

Polisïau gweithio hyblyg

Mae gan Four bolisi gweithio cwbl hyblyg ar draws ei holl leoliadau a swyddfeydd. Mae hyn yn golygu y gall staff weithio gartref ar unrhyw adeg oni bai bod ganddyn nhw ymrwymiadau wyneb yn wyneb megis cyfarfodydd cleientiaid, digwyddiadau, cyfarfodydd tîm neu hyfforddiant lle bydd gofyn iddyn nhw fod yn y swyddfa neu leoliad arall.

Dyddiad cychwyn: Cyn gynted â phosibl

**Sut i wneud cais: **

Anfonwch CV at: meilyr.ceredig@four.cymru, gan ddyfynnu Fideograffydd (Cymru) yn y llinell bwnc. Nid ydym yn derbyn CVs gan asiantaethau.

Mae Llyfrgell Genedlaethol Cymru yn awyddus i benodi unigolyn cymwys a brwdfrydig i reoli ac arwain ei ffyniant codi arian a chefnogi ei gwaith o gyflawni ei strategaeth, fel y nodir yn ein Cynllun Strategol 2021-2026: Llyfrgell i Gymru a'r Byd. Wrth arwain swyddogaeth codi arian y Llyfrgell, bydd y Pennaeth Codi Arian yn hroi arweiniad a chefnogaeth i'r Prif Weithredwr a Llyfrgellydd, y Tîm Gweithredol, y Grŵp Cyflawni, Bwrdd yr Ymddiriedolwyr a staff trawsadrannol sydd â chyfrifoldebau codi arian i sicrhau newid sylweddol yn incwm codi arian LlGC, a hefyd i weithredu fel eiriolwr i sicrhau bod y gweithlu cyfan yn cael cymaint o wybodaeth â phosibl am godi arian ac yn gallu cyfrannu at ddigwyddiadau, apeliadau ac ymgyrchoedd.

Byddwch yn creu profiad gwerth chweil i'r rhai sy'n rhoi ac yn gweithio'n agos gyda'r Prif Weithredwr a'r Cyfarwyddwr Cyfathrebu, Ymgysylltu a Phartneriaethau i ddatblygu a chynnal rhwydwaith partneriaeth o gefnogwyr dylanwadol. Byddwch yn cadw cyfres o opsiynau codi arian, gan gynnwys blaenoriaethau strategol pwysig sydd wedi'u nodi yng Nghynllun Strategol 2021-2026: Llyfrgell i Gymru a'r Byd. Byddwch hefyd yn gyfrifol am oruchwylio gweithgareddau cynhyrchu incwm y Llyfrgell gan roi ystyriaeth briodol i gasgliadau adroddiad Richard Newton; 'Adolygiad allanol o botensial Llyfrgell Genedlaethol Cymru i gynhyrchu incwm masnachol' a grëwyd ym mis Hydref 2021.

PENNAETH CODI ARIAN

Band 6: £43,445 - £56,869

Swydd parhaol 37 awr yr wythnos

Dyddiad cau derbyn ceisiadau: 2.00 o’r gloch 19 Awst 2022

Dyddiad cyfweliadau: i’w cadarnhau 

Mae’r pecyn cyflogaeth yn cynnwys 30 diwrnod o wyliau, cynllun pensiwn cyflog terfynol, polisïau sy’n gyfeillgar i deuluoedd, oriau gweithio hyblyg a phrisiau gostyngol yn y bwyty. Mae Llyfrgell Genedlaethol Cymru yn gyflogwr cyfle cyfartal.