Swyddi Cymraeg — Therapi

Gwasanaeth Seicoleg Addysg

Seicolegydd Addysg Llawn Amser (Contract Parhaol)

Soulbury Graddfa A 3-8 (£50,987 – £61,963) a hyd at 3 phwynt SPA (os yn gymwys).

Disgrifiad y rôl

Y gallu i gyfathrebu yn y Gymraeg: Hanfodol (Bydd yr Awdurdod yn cefnogi’r ymgeisydd llwyddiannus i ddatblygu’r iaith tra yn y swydd).

Mae Ceredigion yn ardal wledig, brydferth gydag arfordir dramatig a chymunedau llawn bwrlwm. Mae’n sir sy’n gyfoethog o ran hanes, diwylliant a chymuned. Mae ysgolion Ceredigion yn anelu at ddarparu’r safonau uchaf o ran addysg ac mae perthynas da iawn rhwng yr ysgolion a gwasanaethau canolog y Sir.

Rydym yn edrych am seicolegydd addysg i ymuno a’n gwasanaeth hapus a brwdfrydig, ac sy’n rhan o dîm ehangach Anghenion Dysgu Ychwanegol, Cynhwysiant a Lles. Mae’r gwasanaeth yn uchel ei pharch o fewn Gwasanaethau Ysgolion.

Bydd yr ymgeisydd llwyddiannus yn gyfrifol am ddarparu amrediad llawn o wasanaethau seicolegol o fewn Sir Ceredigion er mwyn creu newid, codi safonau a sicrhau cynhwysiant addysgol. Rydym yn cyd-weithio’n llwyddiannus gydag ysgolion ac yn gweithredu dull o ganolbwyntio ar ddatrysiad. Rydym yn gweithredu mewn dull ataliol, gyda’r rhyddid i ddefnyddio amrediad o ddulliau seicolegol i wneud gwahaniaeth i ddisgyblion.

Rydym yn croesawi ymgeiswyr sy’n medru dechrau yn syth neu fyfyrwyr sydd ym Mlwyddyn 2 / 3 o’u doethuriaeth ar hyn o bryd.

Er mwyn cynnal safonau moesegol mae’n hanfodol i’r ymgeisydd fod wedi’i gofrestru, a chynnal cofrestriad parhaus, gyda’r HCPC.

Disgrifiad Swydd a Manyleb Person

Pecyn Gwybodaeth Tîm Ceredigion

Am sgwrs anffurfiol, cysylltwch ag Angharad Behnan, Prif Seicolegydd Addysg ar ebost Angharad.Behnan@ceredigion.gov.uk er mwyn trefnu sgwrs ffôn.

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.

Mae cyfle cyffrous wedi codi i ymuno â'r Tîm Therapi Gwybyddol Ymddygiadol (CBT) Ar-lein fel Cydlynydd CBT Cymraeg. Bydd deiliad y swydd yn gweithio o bell yn bennaf (bydd offer TG yn cael ei ddarparu) ond yn gallu teithio i safleoedd ar adegau. 

Disgrifiad:

Mae Silver Cloud yn wasanaeth Cymru gyfan unigryw sy’n darparu gwasanaeth therapi ar-lein wedi'i gynllunio i helpu plant, pobl ifanc ac oedolion reoli eu hiechyd meddwl a'u lles. Bwrdd Iechyd Addysgu Powys sy'n darparu'r gwasanaeth, felly bydd croeso cynnes i chi i dîm cyfeillgar sy’n cynnig y cyfle i weithio gyda chleifion ar draws y wlad.

Rydym yn chwilio am unigolyn brwdfrydig, llawn cymhelliant sydd â phrofiad o CBT i gynnig cymorth clinigol tra'n canolbwyntio ar adferiad a chanlyniadau.

Mae’r gallu i gynnal sgwrs naturiol yn Gymraeg i gefnogi cleifion yn hanfodol, ynghyd â gradd anrhydedd mewn Seicoleg (neu gyfwerth).

Rhoddir hyfforddiant gan dîm SilverCloud ar bob agwedd o'r rôl ac mae hyfforddiant a chefnogaeth ar gael i wella sgiliau ysgrifenedig Cymraeg os oes angen. Mae cyfleoedd hyfforddiant DPP hefyd ar gael trwy’r bwrdd iechyd. Mae cymorth clinigol ar gael i chi 9-5 o ddydd Llun i ddydd Gwener.

Mae gofynion y swydd yn cynnwys cynnal safon uchel ym mhob math o gyfathrebu, sgiliau TG sylfaenol, gweithio'n dda dan bwysau, a meddu ar ddull hyblyg o weithio.

Prif ddyletswyddau'r swydd

Fel rhan o’r swydd byddwch yn gwneud y canlynol:

Gweithio o fewn tîm cyfeillgar mawr, ochr yn ochr â Chydlynwyr CBT eraill i hybu a gweinyddu'r Gwasanaeth CBT Ar-lein.

Cynnal cofnodion cleifion, cofrestru defnyddwyr newydd i’r gwasanaeth, rhannu manylion actifadu a monitro cynnydd.

Arwain gwaith cyfathrebu gyda chleifion sy'n siarad Cymraeg ledled Cymru.

Ysgogi, annog a chynnig cymorth clinigol dros y ffôn/e-bost.

Gwneud penderfyniadau ar addasrwydd atgyfeiriadau newydd, gan gadw at brotocolau cyfeirio'r adran a chyfeirio cleientiaid anaddas ymlaen at y gwasanaeth perthnasol. 

Cynnig cymorth a chyngor i weithwyr gofal iechyd proffesiynol sy’n cwblhau’r atgyfeiriad, gan ateb ymholiadau sydd ganddyn nhw neu ddefnyddwyr y gwasanaeth.

Chwarae rhan weithredol wrth gynnig a chefnogi newidiadau i weithdrefnau.

Bod yn gyfrifol am reoli'r broses protocol ar gyfer monitro ac adrodd unrhyw rybuddion risg, bwriad troseddol neu ddirywiad cleifion fel yr adroddwyd gan y defnyddwyr naill ai o fewn y system CBT ar-lein neu'n uniongyrchol. 

Rheoli cyfrifoldeb clinigol am unrhyw hunan-atgyfeiriadau.

Darparu hyfforddiant a chefnogaeth barhaus i gydweithwyr ac i’r gweithwyr gofal iechyd proffesiynol a wnaeth yr atgyfeiriad yn ymwneud â'r gwasanaeth CBT ar-lein. 

Mae hon yn swydd lawn amser am gyfnod o ddwy flynedd gyda lleoliad hyblyg. Am fanylion pellach am y swydd a sut i ymgeisio ewch i: Swyddi Cyfredol ym Mwrdd Iechyd Addysgu Powys - Bwrdd Iechyd Addysgu Powys (gig.cymru) 

Mae cyfle cyffrous wedi codi i ymuno â’r Tîm Therapi Gwybyddol Ymddygiadol (CBT) Ar-lein fel Cydlynydd CBT Ar-lein, i weithio gartref gyda lleoliad ger Aberhonddu, Powys. Mae’r tîm yn darparu gwasanaeth therapi ar-lein wedi'i gynllunio i helpu plant, pobl ifanc ac oedolion i reoli eu hiechyd meddwl a'u lles.

Rydym yn chwilio am unigolyn brwdfrydig, llawn cymhelliant sydd â phrofiad o CBT i gynnig cymorth clinigol tra'n canolbwyntio ar adferiad a chanlyniadau.

Mae'r gallu i siarad, darllen ac ysgrifennu yn Gymraeg i lefel 4 ar Fatrics Sgiliau Iaith Gymraeg y GIG yn hanfodol, yn ogystal â gradd anrhydedd mewn Seicoleg (neu gymhwyster cyfatebol) a bod yn gymwys ar gyfer aelodaeth raddedig gyfwerth gan Gymdeithas Seicolegol Prydain.

Mae'r gofynion yn cynnwys safonau uchel ym mhob math o gyfathrebu, sgiliau TG sylfaenol, gweithio'n dda o dan bwysau, a meddu ar ddull hyblyg o weithio.

Prif ddyletswyddau'r swydd

* Hybu a gweinyddu’r gwasanaeth CBT Ar-lein, gan gynnwys cynnal cofnodion cleifion, cofrestru defnyddwyr gwasanaeth ar y rhaglen, darparu manylion i roi’r cofrestriad ar waith, cyfathrebu â nhw, eu monitro a chynnig cefnogaeth glinigol trwy gydol y rhaglen. 

* Gwneud penderfyniadau ynglŷn ag addasrwydd atgyfeiriadau newydd, gan lynu at brotocolau atgyfeirio’r adran ac atgyfeirio cleientiaid anaddas i’r gwasanaeth perthnasol.   * Darparu cefnogaeth a chyngor i’r holl weithwyr gofal iechyd proffesiynol sy’n atgyfeirio cleifion, gan ateb unrhyw ymholiadau sydd ganddyn nhw neu eu defnyddwyr gwasanaeth ynglŷn â CBT ar-lein. 

* Ysgogi, annog a chynnig cefnogaeth glinigol dros y ffôn/ trwy e-bost i ddefnyddwyr gwasanaeth gydol yr amser y maen nhw’n cwblhau’r rhaglen CBT Ar-lein. 

* Bod yn rhagweithiol wrth gynnig newidiadau i weithdrefnau a darparu cefnogaeth wrth gyflwyno’r newidiadau hyn. 

* Bod yn gyfrifol am reoli’r protocol ar gyfer monitro ac adrodd ar unrhyw rybuddion ynglŷn â risg, bwriad troseddol neu ddirywiad claf y bydd defnyddwyr yn rhoi gwybod amdanyn nhw naill o fewn y system CBT Ar-lein neu’n uniongyrchol. 

* Rheoli cyfrifoldeb clinigol am unrhyw hunanatgyfeiriadau i’r gwasanaeth CBT ar-lein.

* Darparu hyfforddiant a chefnogaeth barhaus i’r gweithwyr gofal iechyd proffesiynol sy’n atgyfeirio cleifion ynglŷn â’r gwasanaeth CBT Ar-lein. 

Am fanylion pellach am y broses ymgeisio, ewch i: Swyddi Cyfredol - Swyddi Cyfredol - Bwrdd Iechyd Addysgu Powys (gig.cymru)

Gellir gweithio o gartref neu o bell. 

Mae'r swydd hon am gyfnod penodol o 2 flynedd.