Arweinydd Marchnata a Chyfathrebu — Nant Gwrtheyrn

Mae Nant Gwrtheyrn yn edrych am Arweinydd Marchnata a Chyfathrebu

Ar gau. Mae’r dyddiad cau ar gyfer y swydd hon wedi mynd heibio.

Mae’r Arweinydd Marchnata a Chyfathrebu yn gyfrifol am gefnogi’r gwaith o gyflawni cenhadaeth ac amcanion Nant Gwrtheyrn. Bydd hynny drwy reoli brand, cyfathrebu mewnol ac allanol a rheoli llwyfannau digidol. Drwy weithgareddau Marchnata, bydd yr Arweinydd yn helpu i dyfu’r busnes ar draws holl weithrediadau’r Nant (Dysgu, Llety, Arlwyo, Priodasau a Digwyddiadau) gan rannu’r hyn sydd gan y Nant i’w gynnig ar y Cyfryngau Cymdeithasol, y wefan a thrwy’r wasg a chysylltiadau cyhoeddus. Bydd yr Arweinydd Marchnata a Chyfathrebu yn arwain ar frandio o fewn y Nant gan sicrhau bod pob gweithgarwch sy’n ymwneud a’r cyhoedd yn cael ei gyflawni o fewn gwerthoedd y brand. Bydd deilydd y swydd yn arwain yr holl gyfathrebu mewnol, gan alluogi cydweithwyr ym mhob rhan o’r Sefydliad gael briff llawn ar yr hyn sydd yn digwydd yn y Nant. Bydd yr uchod yn cael ei gyflawni o fewn cyd-destun cynllun Marchnata blynyddol, Bu deilydd y Swydd yn ei ddatblygu a’i roi ar waith gan sicrhau bod yr holl gyd-weithwyr yn deall sut maent yn cyfrannu at y cynllun mawr a sut bydd y cynllun yn cyflawni ar gyfer eu rhan hwy o’r busnes.

Prif gyfrifoldebau

Cyfathrebu

Arweinio holl gyfathrebu mewnol y Nant. Mynychu cyfarfod wythnosol gweithrediadau’r busnes a chynhyrchu nodyn briffio “beth sy ‘mlaen” wythnosol i’r holl staff. Cynorthwyo’r Prif Weithredwr gyda chyfarfodydd staff a chyfathrebu diweddariadau strategol pwysig i staff a phartneriaid. Cynhyrchu cylchlythyrau chwarterol i rhanddeiliaid (Bwrdd, staff, cyn-ddysgwyr ac eraill sydd wedi mynegi diddordeb yn y Nant)
Gweithredu fel hyrwyddwr Brand Newydd y Nant a sicrhau bod yr holl ddeunyddiau a chyfathrebiadau sy’n wynebu’r cyhoedd yn gyson a chefnogol o frand y Nant. Cefnogi cydweithwyr gydag unrhyw ymholiadau sy’n ymwneud a’r brand.
Canolbwyntio ar wella ymgysylltiad â’r gymuned leol gan gyd-weithio’n agos gyda’r Cydlynydd Priodasau a Digwyddiadau a’r tîm Dysgu a Threftadaeth i hyrwyddo digwyddiadau
Gwerthuso ac adolygu holiaduron y Nant
Creu cysylltiadau a phartneriaethau newydd gyda busnesau a chyrff gan ddatblygu cynnyrch i hyrwyddo’r Nant fel Canolfan arloesol Cymreig a Chymraeg ei naws
Hyrwyddo’r Ganolfan mewn digwyddiadau allanol yn ôl y galw
Gweithio mewn modd cyfrinachol ar bob adeg ac o fewn reolau’r Ddeddf Gwarchod Data
Cyrraedd targedau cytunedig a dangosyddion perfformiad ar draws pob rhan o’ch cyfrifoldebau.
Darparu adroddiad chwarterol ar gyfer Bwrdd yr Ymddiriadolwyr

Marchnata

Rheoli cyllideb farchnata’r Ganolfan a chyfathrebu a pharatoi adroddiadau gan gynnwys yr elfen ariannol i’r Rheolwr Atyniad a Digwyddiadau’n fisol.
Datblygu a gweithredu Cynllun Marchnata blynyddol sy’n gysylltiedig â’r cynllun busnes blynyddol . Bydd y cynllun yn amlinellu‘r dull o farchnata a ddefnyddir i gyflawni amcanion busnes y cwmni, cyrraedd targedau adrannol a sicrhau tŵf busnes.
“Perchnogi” gwefan Nant Gwrtheyrn a sicrhau ei fod yn cael ei gadw’n gyfredol a’i fod yn cael ei ddefnyddio’n rhagweithiol i ysgogi tŵf busnes.
Cyd-weithio efo’r Cydlynydd Busnes i hyrwyddo unrhyw gyfleoedd a bylchau o fewn y busnes llety er mwyn uchafu deiliadaeth.

Ymgeisiwch drwy anfon blaenlythyr a CV at alun.ellis@nantgwrtheyrn.org

Cyflog

💰 £28,822 - £33,143

Lleoliad

📍 Llithfaen

Dyddiad cau

11 Chwefror 2024

👋🏻 Os gallwch sôn am Jobyn yn eich cais, rydyn ni wir yn ddiolchgar!

Mae Cylch Meithrin Dechrau'n Deg Gwdihŵ yn edrych am Gweithiwr Cefnogi Anghenion Ychwanegol

Ar gau. Mae’r dyddiad cau ar gyfer y swydd hon wedi mynd heibio.

Ydy’r rôl hon yn addas i chi?

Bydd y rôl hon yn cynnwys:

Cynnig cymorth a chefnogaeth briodol er mwyn sicrhau bod plentyn ag anghenion ychwanegol yn cael yr un cyfleoedd â’i gyfoedion i fwynhau ac elwa o holl weithgareddau’r Cylch.
Sicrhau bod plentyn ag anghenion ychwanegol yn cael ei gynnwys yn llawn ym mhob agwedd o waith y Cylch, gan addasu adnoddau, amgylcheddau a gweithgareddau lle bo angen.

Rydym yn chwilio am rywun:

Sy’n garedig, brwdfrydig ac ymroddedig.
Sy’n credu ym mhwysigrwydd cynhwysiant a sicrhau cyfleoedd cyfartal i bob plentyn.
Sy’n mwynhau gweithio gyda phlant bach ac sydd â diddordeb mewn cefnogi eu datblygiad a’u lles.
Sydd â natur ofalgar a’r gallu i chwarae, dysgu a meithrin perthnasoedd cadarnhaol.
Sy’n amyneddgar, yn gefnogol ac yn sensitif i anghenion unigol plant.
Sy’n gallu gweithio’n dda fel rhan o dîm ac yn meddu ar sgiliau cyfathrebu da.
Sydd eisiau gweithio mewn amgylchedd Cymraeg, croesawgar a llawn cariad.

Lleoliad: Cylch Meithrin Dechrau'n Deg Gwdihŵ, Brynithel

Am sgwrs anffurfiol am y swydd, cysylltwch â: Ceri Preston, Dirprwy Reolwr Talaith y De Ddwyrain

Rhif Ffôn: 07494491884

E-bost: ceri.preston@meithrin.cymru

Gwneud Cais:

Gellir gwneud cais am y swydd drwy lawrlwytho a chwblhau ffurflen gais a ffurflen cydraddoldeb ac amrywiaeth, gweler isod.

Dychwelwch y ffurflenni yma:

adnoddaudynol@meithrin.cymru

Mae Mudiad Meithrin wedi ymrwymo i gefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ceisiadau am swyddi gan bawb oherwydd ein bod yn gwerthfawrogi amrywiaeth yn y gweithlu lle ymdrinnir â phob unigolyn ag urddas a pharch. Oherwydd hyn, ynghyd â diffyg cynrychiolaeth o rai cymunedau a grwpiau yn ein gweithlu presennol, rydym yn croesawu ceisiadau gan ymgeiswyr anabl, gwrywaidd ac o’r Mwyafrif Byd-eang.